عشق وإبتلاء

البارت الاربعون

البارت الاربعون
#عشق_وإبتلاء💔
#يقلمي_شمس

رجعت للبيت تعبانه ومالي خلگ كلشي .
بدلت ونمت . والاصح فرغت همومي جوه البطانيه .
شگد حاولت ماما تعرف الي صار .. گلتلها يمكن عندي هبوط ودخت .

يمكن الي صار احس . خلي كل واحد يشوف حياته .
بعد الي صار بينا .
مصطفى مادز رساله ولااتصل بعد ..
كل ساعه اباوع للجهاز ماكو .
وحتى باجي صرت قليل اشوفها بعد ماانتقلوا للمشتمل الي كنا گاعدين بي اني واحمد .

مرات تجي يمنا ومن اسألها شنو اخبار الناصريه .
تگول زينين وماكو شي .
مو مثل قبل كلشي توصل .
حتى من اروح البيبي ماسه اشوفها .
مااشوف مصطفى . اخباره انقطعت كلها .
ومن تزوجت حلا من سجاد .
مادريت الا بعد ماتزوجت .
ماعزموني . ولا باجي گلتلي .
احس بعدوني عن حياتهم . بقلمي شمس
واني هم قررت ابعدهم .
لان حسيت كلشي خلص وانتهى .

مرت سنه واني قليل اسمع اخبارهم . استحي اسأل بابا .
بس مرة سمعت من بيبي انه حنين تسوي غسل كليه .
وحالتها احسن من قبل .
فرحت انه جاي تتحسن لاجل ملوكه خطيه .

داومت مرحله ثانيه ومصطفى صار ذكرى بحياتي .

احمد سافر الايران . كالوا يتونس واتأخر يله رجع.

والي فاجأني اول مرجع قرر امه تخطبله بعد ماكان رافض فكره الزواج .
وگعدت تتباهى شفتله بنيه شگره وتخبل .
عبالها تحرگ روحي او اضوج .

گلتلها شايف كل خير ربي يسعدهم ان شاء الله.
تفاجأت وسكتت .

اني من الدوام للبيت . تغيرت حياتي وصارت عندي صديقات هوايه ومتونسه بالكليه . نطلع سويه ونتسوگ ومرات نروح زيارات .
نسوي عزايم بالبيت ونجتمع .
كل فترة ببيت وحده .
رجعت الي حيويتي . هواي صارحوني بس مسويت علاقه وي احد .
كنت مبتعده عن العلاقات وحب الجامعه . بينما صديقاتي كلهم عندهم علاقات .
حتى وسن يحبها واحد من الناصريه اسمه علاء .
ويعرف مصطفى وعمامي وبابا .. بقلمي شمس

كنت متحذرة بتصرفاتي خاف يجي يوم ويسأله مصطفى عني . مااعرف ليش هيج كنت احس او مجرد تخمين .

طول هاي الفترة مشفت بيها مصطفى .
عرفت ساعتها نساني وابتدأ حياته وصار لازم انساه اني واخليه يعيش ويربي بنته .

بيوم كنت گاعده اني ووسن وساره وبنات بعد .
اجه ولد مرتب وحلو .
گال ممكن احجي وياج .
اني كنت اشوفه بالقسم مالتنا بس مااعرف يامرحله .

صفنت بوجهه ومااعرف شنو احجي .
گلتله شرايد اخي احجي هنا .
اباوع للبنات ومستحيه .
اشو ذني تركني وگامن .
صرت بموقف لايحسد عليه .

اجه هو گعد ع المصطبى . گال اني هاي السنه الثانيه متابعج ومراقبج والصراحه عجبتيني .

گمت گتله . اسفه خويه اني مو مال هيج سوالف .

ضحك وبينت غمازاتة . يااااا عزا

فهمتيني غلط . اني مااحب سالفه العلاقات واذا اريد امشي وي بنيه لازم اتقدملها بالاول .

گتله خويه اعرفني بالاول يله تحجي .

هههه اگلج اريد اتقدملج تگليلي خويه .

اسفه صديقاتي منتضراتني وحسيت بحراره بوجهي .
گلت اكيد بس يعرف مطلقه . اتفشل لو يحرجني .
صديته ونترت عليه .
مااعرف ليش ردت اتغدا بي قبل ليعرف ويتعشا بيه بالاهانه ..

مشيت خطوتين . گال اعرف انتي كنتي مرتبطه ومنفصله .

اتفاجأت هذا ممخلي شي ميعرفه عني .
وكحد يعرف بيه مطلقه بس وسن .وهي مستحيل تحجي .
هذا منين عرف .
رحت للقسم ومرتبكه ووسن والبنات يضحكن ويصنفن عليه .
ويگليلي ولج حلو وميتعوض .
واني قافله .
تالي اجت ساره تركض وتدور عليه.

وينج ااادور عليج .

على كيفج اخذي نفس شبيج .

ولج يمه غمازاته يمه .

منو ولج ??بقلمي شمس

صفاء ..

ياصفاء .

ولج الي اجه حجى وياج قبل شويه .

شراد منج .

لج اني افتهمت شي . هو يحجي واني صافنه عليه بس يعرفني بنت خالج .
يعرف العشيره كلها .
حتى يعرف وين ساكنين وبيتنا .
ويگول اريد اودي اهلي شوكت فارغين .

ياااا عزااا . هذا مخبل . مو صديته ليش هيج يلح .

وسن . لج مبين شاريج لاترفضين .واكيد سأل عليج وعرفج حبابه . وحلو ويخبل .

ولي لج مو اروح اگول العلاء .

ههههه لا حبابه يموتني غير .

ساره . باعي ماسه اذا مترديه حوليه گوليله هاي بنت خالي وحبابه واكسبي بيه ثواب ..

ههههه اخذيه بلحمه وشحمه .

اي بس شنو الفائدة . هو يريدج الج وكاتل نفسه .
ويگول مراقبها ومختبرها .
ويريد يدز امه واخته .

بيومها اكلن راسي وصدعني . يحاولن يخلني اوافق بأي شكل .

والصراحه كنت خايفه ادخل بتجربه ثانيه واني مااعرف اي شي عن الولد .
ولو شحصلت اني من الي اعرفهم .

الولد مااستسلم وكل ساعه جاي .
اني ماانطيه مجال . يروح على ساره .
وساره تخاف ليشوفها مرتضى وتگلي على يوم انكتل من وراج .

وشويه شويه بديت اقتنع بعد ماسألت عليه بنات القسم كلهن ومدحن بي ويگولن ثگيل .
وعنده صداقات بنات بس بحكم الخوه والزماله ممسوي اي علاقة حب وهو حاليا مرحله رابعه .
ومابقى شي ع التخرج .
وگايل الساره حاليا خطوبه وبعطلة نصف السنه الزواج .

گلت الماما ماما وگالت . نسأل عليهم ونشوف.
هو كاتب عنوانهم بورقه وناطيها الساره .
نطيتها الماما .
انطتها الخالو معتز يسأل عليهم .

راح اتقدم خطوه ماكانت بالحسبان ولاكانت ع بالي يجي يوم واتزوج احد غير مصطفى بعد تجربتي الفاشله وي احمد ..
#بقلمي_شمس
يتبع…