عشق وإبتلاء

البارت الثاني والثلاثون

البارت الثاني والثلاثون
#عشق_وإبتلاء💔
#بقلمي_شمس

خجلت من نفسي من شفت دموع حنين وعتبها .
مهما يكون حبي الماسه .
بس حنين انسانه وميصير اجرحها هيج .

گمت بسرعه . لبست دشداشتي وطلعت .
تلگتني امي بالهلاهل .

طلعت سلمت على عمامي وابوي وجدي .
وبقيت برى يم ولد عمي واصدقائي .

مااگدر ادخل واخلي عيني بعين حنين .

صارت 11 ابوي گام يحجي .
تعال ادخل تعشا البنيه خطيه ماتت من الجوع .

دخلت لگيت مخلين عشا وهي سابحه ومبدله وگاعده منتضرتني .
گلتلها اتعشي اني راح اروح اسبح .

اخذت منشفه وتراك وسبحت وطلعت وهي مگابله الصينه مامتعشيه .بقلمي شمس

ليش ماتعشيتي .

منتضرتك

مو گتلج مااتعشا

مصطفى انسى الي صار . كأنه ماسمعت شي ولاصار شي ..

گعدت يمها . حنين انتي تعرفين وضعي ولازم تقدريه

واني مگايله شي . مساعده اتحمل وانتضرك .
بس ع الاقل لتجيب اسمها يمي وبغرفتنا .
خلي مشاعرك النفسك ولاتطلعها لبرة .

صار وبستها براسها . احسبيها عليه .

رغم حبي الكبير الماسه . بس حنين خطيه ومالها ذنب .
رغم ماردت اذيها واتقربلها واني گلبي يم ماسه .

لكن عوطفي وشوقي وحنيني الماسه تخيلتها اليوم زوجتي وتقربتلها بحريه وراحه .
الى ان صار الي صار واني ماحاس ع روحي ..

مرت الايام عادي .بقلمي شمس
وگمت اتجنب اتقرب الحنين .
الدوام شويه شاغلني .
ارجع بس بالاجازات . مرتاح نوعا ما .

عمه احلام كانت تنقل اخبار ماسه كلها .
وكانت تحجيلي معاناتها بآخر فتره .
وهذا العار شلون يعاملها يفور دمي ومااتحمل .
وابقى اغلي .
وساعات اگله ربي لا تستجيب دعائي من گلت ماينسعدون .
اسعدها ياربي . لان بعد خلص اني تزوجت وهي تزوجت
ومااظن بعد نجتمع .
وگلت العمتي بعد مااريد اسمع اخبارها .
لان بأعتبار كل واحد راح بطريقه .

الى ان يوم بالصدفه . سمعت امي تحجي بالتلفون مااعرف وي منو .
بس گالتلها مادريتي بماسه تطلگت .

اي هي متصله على ابوها وگايلتله وخطيه بس تبجي
طلع جان يعذبها ومراويها الويل .
وتالي خاينها وعنده سوالف موزينه .

حسيت شرار يطلع من عيني . گلبي وجعني حيل .
طلعت بره .وگمت اضرب بوكسات بالحايط اريد اطلع حرگة گلببي .

آخ لو يمي يااحمد . لك تضربها وتخونها .
ولك اذا تشوف نفسك مو گدها ليش اخذتها مني .
ليش فرقتنا وحرمتني منها.

گمت اضرب ع راسي . ليش استعجلت يامصطفى ليش
ولك مر شهر على زواجك وحبيبتك تطلگت .
ولو حتى اذا مامتزوج شلون اخذها واني عاقد على حنين .
الندم اكل گلبي . ويوم كامل اني الي يحاجيني انفجر بوجهة .
اخر شي ماتحملت . رحت الخالي عادل .
وطلعت كل الي بگلبي .

-انت ابو انت . بنتك تتعذب وتنضرب وتنهان وانت گاعد هنا بالجذب روح واسيها حسسها انك يمها .
روح ادب الي جرحها .

-ليش هي من تزوجت احترمتني اخذت رأي .

-لو شايفتك ابو الها صدگ جان اخذت رأيك .
بس انت من هي صغيرها هاملها وشامرها عند خوالها .
بكيفهم يمشوها ويتحكمون بيها .

تركته وطلعت .
وصلت للبيت لگيت امي معصبه .
عرفت وكالة الانباء بتول موصلتلها الحجي ..

-انت شعليك بماسه وتروح الخالك تهد عليه .
انت رجال متزوج بطل سوالفك .
وابعد عن ماسه .
هاي بنت خالتك وذيج بنت خالك .
لاتخلينا نتحارب بسببك .
عوف ماسه وانساها ومو يعني تطلگت راح تحلى بعينك .

-ليش هي يمته طاحت من عيني حتى هسا تحلى .
بس انتي الجبرتيني ع الزواج .
مو گتلج مااگدر انساها .

-دير بالك تفكر بيها لا والله اتبرأ منك ومتشوف وجهي بعد فاهم . خليك المرتك وبيتك ومعليك بغيرك .

-صحيح اني متزوج . بس ماسه مو غريبه ومالها احد من تحتاج واحد يوگفلها ويدافعلها ماراح اقصر خلي هذا الشي ببالج . طلعت من البيت .
رحت يم نهر الغراف . واول مره اروحله من يوم الي انخطبت ماسه .

ليش هيج ياالهي . ليش هيج القدر يحاول يفرقنا بكل الطرق .. اتزوجت وتركتني . ومن تطلگت اني متزوج . هيج مامقسوملنا ننجمع .
استغفر الله ياربي . حيشاك من ان الومك . بس اعذر گلب يحب ومتعذب بحبه .

رجعت للبيت مالي خلگ وتعبان .
شفت حنين تحوم داير مدايري .

-شكو شبيج احجي . بس اذا سالفه تغثني لاتسولفين

-الحقيقيه مااعرف اذا تغثك او لا .
اني يمكن حامل مصطفى

-طفرت من مكاني 😲😲 شنو
اقصد شلون عرفتي .

-مامتأكده بس اني وخالتي يگولن منتضرين باجر نروح نحلل ونتأكد . بس لان انت ضايج وردت تروح باجر للدوام گلت اگلك من هسا .

-بيها الخير ان شاء الله. مبرروك ...
حجيتها ومااعرف اذا فرحان او لا .
بس الحمد لله هذا رزق منه .
گلتلها اذا تأكدتوا باجر خابريني وگليلي ..

سبحان الله شنو هذا السر الي خله الاخبار تنزل عليه كلها  اليوم .
خبر طلاگ ماسه وصارت حره .
وجايني طفل بالطريق .
معقوله هذا الطفل حتى ينسد كل امل بيني وبينها .
بقلمي الكاتبه شمس
………………
ماااااسه ..

من هددته الاحمد . اضطر يطلگني بس شلعه الگلبي يله طلگ .
واخيرا رجعتلي حريتي ..
بس بعد مانفسيتي تعبت وحياتي انقلبت رأسا على عقب .
اتصلت على بابا وگتله بقى يلوم بيه .ويحجي بس راضيته وتصالحنه .
وگال تعاي كم يوم هنا يم بيبيتج ارتاحي وغيري جو .
كنت متردده بس بعد الحاحه وافقت .
قررت اروح كم يوم وارجع لان راح ابدي اقرأ واحظر للسادس لازم اكمل هذي السنه .
#بقلمي_شمس
يتبع….