عشق وإبتلاء

البارت الثالث عشر

البارت الثالث عشر
#عشق_وإبتلاء💔
#بقلمي_شمس

الوضع تدهور بالعراق .. القتل صار ع الهويه
وبداو مليشيات وجهات غير معروفه .
بالحكم والتنفيذ ع اشخاص وقتلهم ..
ماعندهم اي ذنب . سوا انهم اشتركوا في يوم من الايام بحزب البعث .

والحقيقيه هو كنا حتى احنه الطلاب . اذا منشترك يفصلونا .
كان امر جبري ولازم ننفذه .
وحتى المعلمين والمدرسين ومدراء المدارس
كانو اعضاء حزب . والا ينفصلون من وضائفهم .

وبيوم من الايام كنت دا اغسل الطرمه .
وفجأة سمعت صوت اطلاقات ناريه .
ورمي قوي . وبعدين حركت سيارات وراحت .
اني جمدت بمكاني .
شويه والباب تكسر.
واحنه بس نسوان بالبيت .
ركضنا للباب . وماما تدفع بيه لاتطلعين ادخلي جوه .

شفت اصعب منظر بحياتي .
جدو مثقبيه بالطلق .
من راسه الرجليه
والدم على طول جسمه وحتى ملامحه ممبينه .

من الصدمة گعدت بالگاع واحس رجلي انشلت .
موته كان مثل الصاعقه علينا ..

اول واحد يموت عدنا وبهيج موته وحشيه ..
شنو ذنبه ..
ذنبه لانه كان عضو فرقه ..
لمن كان مدير مدرسه .
بس هو تقاعد .. خمس سنوات ..

شنو هذا الحقد الي مخبيه كل هذي السنين .
معقوله صار القتل سهل .. بهذا الشكل .

شلون نطاكم گلبكم تكتلون رجال بعمر ابوكم او اكبر .
شنو ذنب جدو ..
حتى ماكان عنده اذيه .
اوووف ياحبيبي ياجدو .. المنطقه كلها حاوطته وتبجي وتلطم ع راسها عليه ..

هذا اليوم بحياتي ماانساه ..
وماانسى شكله وهو عينه مفتوحه وتباوعلنا ..
لو جسمه الي مثقبيه هو رجال كبير .
شگالت روحك .. الف رحمه عليها .

بيومها للبيت انخبص .. اخذوا جدو للمستشفى واحنه بقينا بالبيت ..
بيبي هديه تبجي وتگول جيبولي حبيبي ..
اريده وينه ليش اخذتوه مني .
شلون اعيش بدونه .. شلون انام وهو مو على مخدتي نايم ..

الناس تبجي على حالها .. معقوله اكو حب هيج .
كبار بالعمر ومشفتهم يوم تعاركوا ولا زعلوا ع بعض
اكلهم وشربهم ونومتهم سويه ..
ابد ميتفارگون ..
مثل جدو هندي وبيبي ماسه .. حبهم اسطوري .

وتمنيت حبنا اني ومصطفى مثلهم ..

ابجي على جدو .. وابجي من اشوف بيبي ..
هي عشرة عمر وسنين .. حقها ماتتحمل ..

اني حب كم شهر بس يمكن اموت روحي اذا صارله شي مصطفى لاسامح الله ..

اجو خوالي بالليل .. گالو من الفجر نروح ندفنه كعدوا بوسط الصاله ويبجون .
واحنه محاوطيهم ونلطم ونبجي ..

البيت مليان ناس .. مانعرف شبسرعه سمعوا .
او شلون .. المهم عبالك اول مره واحد يموت ..
وفعلا كان الموت قليل ..
ونستغرب من يموت واحد ..

بس موت جدو يختلف موته وحشيه وبلا رحمه ..
ماما متهستره وبس تبجي ..
وتخربطت . انشغلت بيها ..
وگمت اعيط خفت عليها حيل ..
جمدت وبعد ماتتنفس ..
ملخت نفسي ..
لج يوم اگعدي .. يوم لاتعوفيني انتي ..
يوم حبابه اگعدي .. يوم اگعدي لاتخوفيني ابوس ايدج .

مااعرف شنو من يوم هذا ..
ليش ياربي المصايب وحده ورى اللخ ..

شالوها خوالي واني وراهم اركض ..
لبستني رنا بسرعه حجاب ..
وطلعت بدشداستي ..
وماادري بنفسي فقدت ..
احس اني بجحيم ..

دخلوها للطوارئ .. وسوولها تحاليل ..
وفحصها الدكتور ..

گال سكرها صاعد 450 واحتمال شكل عندها ..
ولازم تاخذ احتياطها ..
ضربوها انسولين ..
وكتبلها دوا ..
صارت احسن طلعناها ..

حظنتها وابجي وطول الطريق نايمه بحظني
اباوعلها كبرت سنه مو يوم ..
معقوله صار بيها سكر . وهي بعدهي صغيره .
بيبياتي كبار ومابيهن سكر .
وماما بيها سكر .. شلون راح اگدر اتحمل مرضها .

وصلنا تلگونا اهل الناصريه كلها جايه نسوانها وزلمها .
دخلت ماما ولازمها من الجهه الثانيه حمودي .
رفعت راسي شفت مصطفى ..
باوعلي بالم ..
واني نزلت دموعي ..
اجه بابا ورانا سلم على ماما واخذ من خاطرها ..
وحظني وبقينا نبجي ..
دخلنا ماما لان تعبانه ..

لگينها بيبي ماسه تنعى ويلطمن ويسون هوسات .
وعماتي وكلها موجوده ..
ماما ماتحملت گامت تلطم وياهن . وهي مريضه
لزمتها ماقبلت ..
بقيت طول الفاتحه خايفه عليها .. ماعندي احد غيرها
اموت بلاها اذا صار عليها شي ..

بعد مادفنوا جدو ورجعوا ..
اجتمعوا وقدموا شكوى .
والعشيره كلها گعدت وگالت عساس اكو شهود
وعرفوا واحد منهم ..

اصلا همه ماسوو فاتحه .. الى ان يلزموهم .
بس تجي الناس تسلم عليهم بالبيت ..

مرت الفاتحه واني مشفت مصطفى لان خلو الزلم ببيت اقربائنا بنفس الشارع ..
وبيت جدوا صار بس للنسوان ..

بيوم الثواب ..
تحزمن عماتي وبيبي ماسه وگامن يطبخن .
ومرتضى وحمودي ومصطفى هم اجه وياهن يساعدهن ..
هنا رجعتلي روحي ..
گلي البقيه بحياتج ماسه ..
وحياتك الباقيه مصطفى ..

اليوم كله عيونه متفارگن ..
بودي احظنه وابجي وافرغ الهم الي بيه ..

تعشت الناس وراحت ..
غسلنا المواعين بالحديقه .
وكملنا .  كلها راحت نامت من التعب ..
بقت الطرمه وسخه ..
انشغلت بغسلها ..
شفت مصطفى اجه وجايب علاگتين بيده

استغربت ..

مصطفى شعندك هنا .. ليشوفك احد

شبيج اششش لتخافين .. جبت علاج البيبي ماسه
وصتني ..

ها لعد انطينياه اخذة الها ..

وهاي الج ..
شنو هاي .. بقلمي شمس

هيج شفتج متعشيتي .. اشتريت جباسه وعصير وكيك الج
شكرا مصطفى ..

مشتاقتلج ماستي ..

اني هم .. بيوم الي انقتل جدو تمنيتك يمي ..
واحتمي بيك ..
ماما تخربطت والبيت انخبص وحسيت روحي تايهه

ياعمري اني الي متت من سمعت . بسرعه صرتي گبالي من سمعت ..وخفت عليج ليصير عليج شي ..

ومن الخوف من شفتج گبالي من اجيتي من المستشفى وي امج ..
ردت احضنج واطمأن عليج .

دمعت عيوني .. ماحسيت الا حضني ويمسح عيوني .
#بقلمي_شمس
يتبع… .