عشق وإبتلاء

بارت اربعه واربعون

بارت اربعه واربعون
#عشق_وإبتلاء💔
#بقلمي_شمس

بعد ماراح مصطفى اجه صفاء .
گال .
لعد ليش مگلتي من البدايه عندج حبيب .
ليش هيج اتأملت ودزيت امي واختي .

ماسه . اعتقد لليوم محجيت وياك . ومن حجيت صديتك ومانطيتك كلمه . وامك واختك انت دزيتهم وحدك وفعلا كنت ممرتبطه .
للبارحة اجت عمتي وخطبتني .
واني كنت راغبته الابن عمتي لهذا مارفضت .

امممم شايفه كل خير. بس كنت اتمنى تصيرين من نصيبي

كلشي قسمه ونصيب وان شاء الله تلگي الي تسعدك .

تركني ومشا .

اني رجعت للبيت ونزلنا اني وماما وساره راحت هم ويانا  اشتريت تخم ذهب نازك .
ماگلكم ضخم وكبير .
صار بمليونين بس حلو ونازك حيل .
واخذت فستان للعقد وحذاء ونواعم .
وساره هم اشترت الروحها ملابس .

رحنا المحل كماليات . تعجبت يامحاسن الصدف .
هذا صفاء شجابه لهنا .
ساره گامت ترعش . گالت ماسه انتي راح تنخطبين يعني ماترديه .
ميخالف اخذه .

ههههه محلله وموهبه الج وحلالج .
غير حبيبي ميحلالي .

ولج ماسه من يمته تحبين مصطفى شو اني ماادري

اوووه من زمان بس رنا تدري عبالي بيها حظ . بس هي كل يوم تعايرني .

اي صحيح جنت اشوفجن تتهامسن وتسولفن واني اضوج

بعد عمري الي مايعرفك مايثمنك . اعتذر وبوستها .

گالت امي يله فاهيات راح الوكت راح يصير الليل امشن .
غمزت الساره .
گلتلها يوم بس ساره تروح تشتري مو ابو الكماليات شغلات وتجي.
هي راحت تركض .ممصدگه .
اباوعلها تسولف وياه وخجلانه . وهو يبتسم .

اشترت ورجعنا .
خلال هذا الاسبوع طلعت عينه المصطفى .
وبس يغازل .
ويغني شيجيب الجمعه واصبر شلون هههه

كانت حياتي عباره عن حلم وخايفه اصحى منه .
خايفه يوم اگعد واصحى من الحياة الي عايشتها .
حلفت اعيش كل ايامي وياه ومااخلي شي ينغص حياتنا كافي ااي ضاع من عمرنا .

وصارت الجمعه .
عزمت الكل . الي يحب والي يكره .
اجن نسوان خوالي . وباجي احلام فرحانة وترگص واني كنت زعلانه عليها لان خبت عليه هوايه اشياء.
بس حلفت گالت حلفوني بجهالي وماقبلوا احجي .

وخلص سامحتها . لان هي اكثر وحده وگفت ويانا .

اجت مرت خالي ماهر ومرت احمد .
ورنا . وعيونها الي تريد تاكلني ومعاجبها العجب وبس تقلد . مع انه الكل تعجب بمكياجي وفستاني.
الضحكه مافارگت وجهي .
ومنتظره ساعه ساعه حتى اشوفه بالقاط گبالي .

اجت وسن وشغلنا اغاني . جبت ام بي ثري وسويت فلاش. واختاريت اغاني وحجزت اغنيه خاصه .
من نگوم نرگص .

شبعنا رگص اني وصديقاتي ووسن وساره .
ورنا تسمعني حجي هي وامها .
وتگول عبالك اول مره تتزوج. والله خفيفه .
من تزوجت اول مره معبسه وعبالك بجنازه .

شگد حجن مااهتميت ولاخليت شي يضيع فرحتي .

واخيرا اجو وسمعت هورن السيارات .
احنه بالصاله .
والرجال بالاستقبال .

دخلت حلا وعلا وعماتي وبنات عمامهم وبيبي هم .
ويسون هوسات بالوسط ودبكات .
الفرحه مسايعتني . الحمد لله ربي الي خليتني اشوف هذا اليوم .

عقد السيد . وگلت نعم انت وكيلي .
دخل جدو مهدي خليت شال ع كتفيي .
باسني براسي ونطاني فلوس .ودخل مصطفى وياه .
حسيت دموعي تنزل من شفته .
اريد اعيط واصرخ . هذا حبيبي واخيرا صرت مرته .
مخله مكان بوجهي مابوسه .
فضحنا مشايف .
مسح دموعي وباس راسي .
خلص يعمري بعد ماكو دموع .
ايامنا كلها افراح .

لبسني الحلقه ولبسته .
وبعدين لبسني الذهب وقطعنا الكيكه .
واشرت الساره تشغل اغنيه .
اشتغلت الاغنيه ..
(صغيره جنت وانت صغيرون حبنه عرف بنضرة العيون كالو تره ذوله يحبون من الصغر لمى يكبرون...مثل نجمه والكمر كبر حبنا وازدهر بعيونك حبيبي نبدتي دروب السهر..على الجرف كعدنه ليالي مر النهر والنخل عالي تغيرنه وكبرنه ياغالي وضل النهر والنخل عالي)

گام يضحك بصوت . گال والله عليج سوالف .
سحبني من ايدي .
وگمنا نرگص واخواته ويانا . وبعدين كلها گامت
بعدين حظني وبوسني برگبتي .

گتله . مصطفى ترى راح ننضرب بعين .

ههههه .. ادري لاحظتهن .

يقصد على مرت خالو ورنا ومرت احمد .
عيونهن مافارقتنا .

رجعنا گعدنا .
اجت حلا جابت ملوكه جانت نايمه .
تبجي . تخبل مدنفشه وحلوه .
شلتها وبوستها .وانقهرت عليها . تذكرت نفسي بيها .

شافت الكيكه تخبلت .
قطعتلها قطعه وگمت ااكلها .

مصطفى.  اروح فدوه الج .والگلبج .

لاتگول هيج مصطفى. هاي ماسه الصغيره بالنسبه الي

مااعرف الوقت شلون خلص . وضجت لان راح يرحون .
عيوني مشافت احد بس هو .
خليته بعالمي وحاوطته بجدار وقفلته . وماخليت واحد يدخل بينا .

گمنا نسهر ونتخابر للصبح ومرات اروح للجامعه مطفيه ونعسانه.
صارحته بسالفه صفاء . وگلتله مانطيته امل وهو من وحده دز امه .
هو صحيح ضاج . بس گال مدام انتي الي تحجين كلي ثقه بيج .

مره سألني عن احمد من كنا متزوجين . وشنو سبب المشاكل وليش يضربج .

بس اني تلافيت الكلام وگاله مااريد اتذكر اي شي من زواجي منه .
اعتبرني ممتزوجه قبلك وخلينا بحاظرنا وحبنا .
وهو فعلا ماضغط عليه ولااصر .
بين فتره وفترة يجي للكليه يشوفني .
وبديت اجهز للزواج .

مرتضى بين فترة وفتره اشوفه وي نفس البنيه .
انقهر على رنا رغم مساوئها بس مااحب رجال يخون مرته .

اخر فتره انشغلت بأمتحانات اخر السنه .
وحتى مصطفى مو هواي نتخابر ونحجي .
وهو يحسب ايام حتى نخلص امتحانات .
ونتزوج.
وفعلا ماصدگت خلصت .
وبسرعه بديت احظر ورحت للصالون حفيت وصبغت .
واني مكمله كولشي .
وماببقالي بس يومين للزواج ..
#بقلمي_شمس
يتبع…

……………… .

بارتات اليوم كلها افراح وتفائل .
اعذروني لان باجر عندي زياره ولازم نطلع بالخمسه الصبح .
ومااگدر اطول وياكم اكثر .
تصبحون ع خير حبايب 😘😘