البيت كلوو هادئ حُسنه تبل في الابري وعايزة تخت البليله في النار..محمد ولدها الكبير قاعد يقرأ في كتاب سهى واحمد يحضرو في التلفزيون ..سلمى تزاكر.. ..كالعاده ايمن ماعارفينو مكانو وين..واكيد سيد جرسة نااااااايم..
حُسنة:محمد صحي ابوك دا وقومو للصلاة الليله الجمعه ..صلاة الجمعه برضو ماعايز يمشي ليها الجامع😏؟؟
محمد:حااضر يا يُمة..ويمشي لأبوه..وبيني وبين نفسو يقول (اللهم لا اسألك رد القضاء ولكني اسألك اللطف فيه)
محمد:يابة..ياابة..😰
سيد يفتح عيونو ويعاين لي محمد مسااافه😤 وهو ساكت..
محمد:يابة..يابة..😰
سيد:مااااااااالك يااجنه ماشايفني صحيت؟قوول داير شنو😡..؟؟
محمد:امي قالت لي اصحيك لصلاة الجمعة..
سيد:امك دي مي شديدية👿
حُسنة:مالي ياراجل ..ماني شديدة عشان بدورك تصلي الجمعه في الجامع زي الرجال😤؟؟دا رمضااااان ياسيد خلي ربنا اللي يغفر ليك ..سوي ليك شئ يشفع ليك في عقاب عمرك..
سيد:ماقلت ليك امك دي مفوتة؟؟اسع قولي رمضان الدخلو شنو بي الجمعه؟؟قالو ليك المابمشي يصلي الجمعه يومو مامقبول؟؟😒الجمعه دي بي رمضان وبلاه بتجي..مالك اسي ربطيها مع رمضان ليلة القدر هي علشان تقولي لي رمضان؟😣
حُسنة:ياراجل ات بتدور المشاكل ساااكت..الجمعه بتجي بي رمضان وبلاه عارفاها..الا اي اجر في رمضان درجاتو بتختلف من باقي الشهور..كدي انعل ابليس وقوم علي الجامع صلي🙂..
محمد:خلاص يابة ارح قوم استحم والنمش سوى وتعال راجع نوم😊
سيد:ارح خلي نرتاح من المرة الفقر دي
محمد خلص ومنتظر ابوه..سيد لقي محمد منتظرو محمد:يلا يا يابة ارح.
سيد:هاجنة ها ,,الشفقه المتل شفقت امك دي بطلها..ارح وين؟؟
محمد:ات ماقلت بتمش معاي للصلاة؟😓
سيد:اي قلت..لكن زمن الصلاة ماجاء.😠
محمد:الخطبه قربت تبدأ ارح عشان ماتفوتنا..😰
سيد:خطبة شنو دي كمان البحضرها ليك دي؟امش اقعد لي حاج حمد الفد شئ فارزو مافي عشان يقعد يتفلسف علي😡ويقعد قال فلان عن فلان ويجر الناس لمن يصل ابونا آدم حتى يقول قال الرسول ويحكي الحديث الدايرو !!ماني ماشي ليه..!!
محمد:ات يا يايبة ماشي ليه هو؟؟ولا الكلام بقولو هو من راسو.؟؟دا كلام الله و الرسول
حُسنة:خبارك مابتسمع لي حاج حمد؟؟حاج مرتين ومعمر خمس مرات..وحديثو كلو ماقال الله وماقال
