سيد قاعد في كرسي في ضل الشجرة القدام باب الشارع يرش في الشارع بالموية ويعاين ..فجأة يجي ولد وبنت صغار شايلين كورة مغطية وعاوزين يدخلو بيت سيد..
سيد.:هاجنا ها تعال هنا...شايل شنو😏؟؟
الولد: دي لحمة امي قالت لي اقول لي خالتي حُسنة تختها لينا في التلاجه🙁..
سيد:لحم عديييييييل كدي؟؟ودا أمك جايباهو من وين؟؟اكيد ابوك سرقو من السلخانه😣..
الولد يعاين لي اختو وينزل عيونو في الارض ..اختو تقول ليه ارح نديه لخالتي حُسنة😏..
سيد:ها شفع ها تعالو هنا..تلاجتنا خسرانه..وهي خسرت من شوية.؟؟خسرتوها اتو بي حاجاتكم المسروقه دي😖..البت تجر اخوها ويمشو علي الباب ومايهتمو لكلامو..وقربو من الباب سيد قام فيهم،،
سيد:ارجعو بوسخكم دا يلا..نحن مابنمسك شي مسرووق كمان في تلاجتنا..يلااا😡
حُسنة تجي جارية وهي بتسمع في سيد تتخلع من كلامو😤
حُسنة:اتا ااا راجل جنيت؟؟بي صِحَك اتا ؟؟والله حرام عليك..👺
سيد:يامرة تحرم عليك عيشتك..حرام شنو بيتي وانا ماداير تعامل مع الناس ديل..الكلام دا واضح؟؟👺
حُسنة:والشفع ذنبهم شنو،،تنبذ ليهم اهلهم كدي😪؟؟
سيد:ذنبهم ماذنبهم مادخلي..المهم مايجيبو وسخهم وسرقتهم عندنا😒
حُسنة :الحمد لله..استغفر الله..لا حول ولا قوة الا بالله..
سيد:ها مرة ها خبارك تحوقلي وتستغفري كدي..كفرت انا؟؟الراجل دا حرااامي ولحمهم دا اكييد مسرووق جاي يدسو عندنا هنا..اتي جنس دا مابتفهميه،علا انا مابفوت علي 😊
حُسنة مابترد عليه وترجع البيت تكمل شغلها وشوية تسمع كواريك تجي راجعه تاني برا..
تلقي ابو الاولاد يكورك مع سيد..وماسكو من رقبتو وقال ليه حرامي انا ياسيد😡؟؟انت حركاتك دي كترت معاي وانا علي بالطلاق أتلفت عليك واقصدك الا اوريك نوور
سيد والخوف حيموتو :عاد منو الحرامي🙄؟؟
ابو الاولاد:يازول هووي ..اتا قايلني انا بسكت ليك؟؟والله اخبتك خبته واحده تجيب اجلك😡..
سيد:يا زول هوووي..انا جيتك في بيتك ؟سعلتك؟
ابو الاولاد:جوك اولادي وقولت ليهم ابوكم حرامي،،اديني دليل علي كلامك دا😣 والله الليله ماتجيبو دليل ما ارحمك وهو لسه خاامش سيد من جلابيتو😤ويطوطح فيه ويجرو ويدفرو ويخبتو كف وبونية وسيد يكورك
سيد:الحلة كلها شااهدة انك كنت في السجن معناها شنو؟😏
ابو الاولاد خلاص ماقدر يمسك نفسو و بدا يضرب في سيد
سيد حس بغلطتو وحس انو حياتو في خطر..وبقا يتمتم..الناس الفي الشارع اتلملمو ونصهم شمتااان في سيد وعاوزين الراجل دا ياخد ليهم حقهم،،واصوات الناس بقت عاليه وهم بيحاولو يفكو سيد من الراجل.. هنا عتمان سمع الكواريك جاء طالع وصلهم وبقي يهدي فيهم ياناس استهدو بالله..كدي فكو عليك الله والراجل ماشغال بزول وبخبت في سيد..وسيد خلاص بقي يكورك وعتمان مسك الراجل من نصو ويحاول يجرو ويبعدو من سيد
هنا حسنة وصلتهم وهي تقارن بين الراجل ابو سوابق المعضل وراجلها قالت سجمنا الراجل راح فيها خلاص
حُسنة: وووووووووب علي ياراجل فكوو😫
ابو الاولاد:هدن الضرب شوية لكن ماسك سيد لسه وخانقو بالجلابية،،وسيد عيونو مزرزة ويعاين لحسنه وبقوليها النجددة😫 وعتمان يسحب في الراجل ويحاول يفك يديه من رقبة سيد😐
ابو الاولاد: راجلك المابختشي دا بقول للاولاد اللحم مسروق..انا بتاع مشاكل اي ودخلت السجن كم مرة لكن ماحرامي😤..انا زول مابخافو وباخد حقي بضراعي عشان كدا الناس اشتكوني ودخلت السجن..لكن حق الناس مابشيلو😠
حُسنة:معليش امسحها لي في وشي..اتا عارف سيد في رمضان مابكون واعي😖..
سيد:ماواعي عديل؟؟ها مرة ها اسكتي يسكتوك بالحبه(نظام مجنونة ويهدوها بحبوب الاعصاب)دا كلام رجال امرقي منو اتي😖
ابو الاولادضرب سيد بونية وقاليه:رجال منو؟؟اتا راجل؟؟ من قبييل كان الخوف حيكتلك اسع تقول راجل😣؟؟
حُسنة:خلاس معليش وعفا الله عما سلف..ودي بدايه صفحه جديده ومن هنا لقدام تاني اضمن ليك مايسالك🙄
ابو الاولاد يعاين لي سيد باحتقار وسيد الخوف مقطعو..ويدفرو بايديهم الاتنين سيد يقع في و الارض وهو بيعاين للراجل برعب🤐وخشمو يكب في الدم ابوالاولاد:خلاس علشان خاطر المراة الكامله وعتمان دا انا سامحتك لكن اسمع كلمتي دي وااااحدة وما بعيدها وقدااام الناس ديل ياسيد علي بالطلاق تكررها تاني سكيني دي الا تاباك🔪وابقي كتال كتلا بدل حرامي
عتمان :كتر خيرك والله وعفى الله عما سلف😊
سيد يحس بالفرح ويوعدو مايكررها تاني..ويرجع ابو الاولاد لبيتو..وحُسنة وعتمان يرفعو سيد من الأرض ويدخلوه جوة البيت..والناس يتفرقوا وهم مبسوطين في العلاقة الاخدها سيد😂
عتمان:الحكاية شنو ياسيد خشمك دا امسكو عليك شوية وعليك الله ماتستفذ الناس🙄
سيد:عتمااان هوووي اختاني مالك ومالي😤
عتمان :صحي الحجاز ادو العكاز.
حسنه:ياراجل اخجل كما عتمان ماسك الراجل كان الليله كتلك😒
وبدل تتشكرو تكورك فيه!!يا عتمان كتر خيرك والله ماقصرت أعفى لينا
عتمان:عافي ليكم يا حسنه والناس بالناس.لكن بالله ياسيد ابعد من الظن..إن بعض الظن اثم،،،وشي ماشفتو بعينك ولا سمعتو باضانك ماتقولو😕
يتبع.....
