سيد جرسة

الجزء 04

سيد ماصدق فطر..وقام بسرعه لبس جلابيتو و طالع..حُسنة استغربت لانو مامن عوايدو يطلع بعد ياكل >>بالعاده بياكل وينوم..

حُسنة:ها راجل ها ماشي وين؟🤔

سيد وهو مبسوووط:ماشي قريب وجاي😁

حُسنة:قريب وين يعني؟؟🤔

سيد:ياولية صبراً يبل الابري مافي؟؟قلنا قريب وهسع بجي راجع😁

البنات لموا العدة غسلوها ورتبو المكان..وحُسنة عملت القهوة وجابتها واتلموا يشربوا فيها..فجأة يسمعوا صوت نباح كلب وضجة..

حُسنة:دا شنو الكلب النباح دا؟؟

ايمن:دا عندنا هنا اظنو😁

سلمى:عندنا كلب ؟؟جانا من وين🤔

سيد يجي داخل الحوش وهو سايق كلب بوليسي ضخم بحبل من رقبتو ويدندن بانبساط😁

حُسنة:سجمنا دا شنو اا آراجل ؟؟كلب دا ولا خروف سمين كدي😱؟؟

سيد:دا كلب بوليسي مدرب يامرة..دا ال حيلم الشحادين والناس المزعجين ويبعدهم مننا تاني الباب دا زووول بدقة مافي..وانا تاني بنوم مرتااااح😁

حُسنة:ياراجل خاف الله..اول شئ كلب بدون سبب في البيت بيمنع دخول الملائكه للبيت وتانيا ات داير الكلب يمنع منو😟؟؟

سيد:الملائكه ال مامنعتيهم اتي من دخول البيت الكلب مامانعهم انطمي اتي بس🙃

سيد يربط الكلب في الشجره ال في الحوش ويجيب ليه موية ولبن ويتخت كرسيه جنبو ويقعد يحرسو وهو مبسووووط😆

حُسنة:سيد,,سيد..تعال العشاء..

سيد:جيبيه هنا دي..انا الليله من الكلب دا ماني زاح بدور اعلمو كيف يهاجم الناس😤

حُسنة بينها وبين نفسها الله يستر دا شكلو موضوع خطيييير😳 طبعا سيد يحرس الكلب لحد بعد السحور يدرب فيه علي المهاجمة..مشى نام وصحي بدري..وقعد يكورك..

سيد:حُسنة..حُسنة..ها مرة ها يااااا ولية عوووووووووووك..

حُسنة:اي اي جاية,,,مالك في شنو.؟؟

سيد.:الكلب دا اديتيه شئ ياكلو؟؟اديتيه موية❔؟؟

حُسنة وهي مخلوعه:اووول مرة تهتم بي شئ غير روحك كلب شنو اا راجل المهتم بيه كدي؟؟ات الناس مامهتم بيهم..😨

سيد:الكلب دا اهم من الناس ..اتي عارفة انا مشيت اخدو قايلو رخيص..سيدو قال لي بي خمسه مليون لانو بوليسي ومدرب قلت ليه كان بدفع فيه خمسه مليون كت اجيب لي حرس وخلاس..علا هو فيه الخير أجرة لي شهر رمضان كلو ب 500جنيه..دا كلب غالي امشي اكليه يلا😏

حُسنة ماقادره تعبر واااثقة مخلووعة😱

سيد:خلاس انا براااي بمش ااكلو خليك اتي في كسلك دا😤