عارفين كسودانيين عندنا في الصيف الكهرباء مامنتظمه وبتقطع كل يوووم..وسيد في رمضان مافي شئ بيوقفو من الشكل غير النوم..
والكهرباء قاطعه..وسيد مع الحر ماقادر ينوم. قاعد مع حسنة ويناقش فيها...
سيد:تعرفي يا ولية مع قطعة الكهرباء دي مافي حل غير امش ديوان ود المصطفي باقي عندو بابور كهرباء..حررم الكهرباء اول ما تقطع يدورو بابورهم دي والمكيفات يشتغلن😖..
حُسنة:اي امرق من البيت دا...عشان الوقت يقصر ليك😁
سيد اتوجه لديوان ود المصطفي ولقاه مكتظ بالناس الهاربين من السخانه..حمر ليهم كلهم..لما عينو وقعت في عين حاج بابكر..مشي قعد جنبو..وكان جنبهم حاج حمد ..جاء عتمان قعد معاهم برضو..الرجال يتكلمو وسيد يحمر ويتأفأف ويتململ ..حاج حمد عاين ليه..
حاج حمد:سيد نضمينا دا جت مافيه شيتن عجبك ؟؟ولا مالك ساكت كدي؟؟🤔
سيد:محتار فيكم انا اسع..نقنق نقنق مابتقيفو من الكلام اصلكم..وريقكم مابنشف..اكان ما اخاف الكضب اقول اتو ماكم صايمين.
عتمان:آآ زول دا كلام شنو؟ماصايمين كيف؟؟
سيد:انا خابر ليك؟؟بتستحملو النضمي الكتير دا في الصيام كيف؟؟.
حاج بابكر:والله آآ سيد,انا محتار في جرستك من الصيام دي,,اتَ مابتتسحر؟؟
سيد:كيفن مابتسحر.؟؟انا كان ما اتسحرت الصايم ليها شنو😣؟
حاج حمد:بتتسحر بشنو؟؟😒
سيد:الفي باكلو..عصيده..كان فول كان بيض كللو بختو..اكل مابوقفني الاكل يكمل ولا بطني تابا الاكل..!!
عتمان:بسس عشان كدي بتعطش..السحور دا لازم تاكل ولا تشرب حاجه تمنع العطش..
سيد:اها السجم..حاجه تقطع العطش دي شنو كمان.؟؟😨
عتمان:زي التمر باللبن😍يسخننو اللبن ويغسلو التمر يرمو ليك فيه حرم. الجنبك ماتديه😍
حاج حمد:اي سمعت قالو سمح شديد في السحوور..
حاج بابكر:اي والله التوم ود حسين دا من عرف الصيام بتسحر بيه..يوم وااحد ما اشتكي قال عطشان😊..
سيد حمض الكلام في راسوو تماااام وقام علي حيلو..عاينو ليه بإستغراااب.
حاج حمد سألو: ماشي وين آآآ سيد ؟؟
سيد:علي البيت..ودعتكم الله..😁
سيد..يدخل البيت ويكووورك..
سيد:حُسنة,حُسنة..
حُسنة:اي يا راجل انا في المطبخ ..
سيد يمشي المطبخ..يلقي حُسنة تسوي في الملاح..
سيد:اتِ آآآ مرة انا مقصر ليك في شنو؟؟حاجات رمضان انا ماني جايبة من رجب؟؟😤
حُسنة باستغراب:اي جايبها من رجب..وتبرى ماك مقصر..
