الساعه 2 ونص صباحا سيد يصحي من النوم..يقوم يصحي مرتو🙄..
سيد:حُسنة..يااوليه...هي ها..المرة دي ميتة ولا نايمه هي.؟؟
تصحي وتعاين ليه بنص عين
حُسنة:اها مالك؟أنعل مأفي عوجة؟؟😳
سيد:قومي سوي السحور مالي شنو ملالة تملك😣
حُسنة:سحور شنو البسويه من هسه نحن متين نومنا؟؟😕 المنبه ضرب؟؟
سيد:لا لا لسع لكن الساعه 2 ونص قومي علشان الزمن مايضايقك😖
حُسنه تعاين ليه مخلوعة:تصحيني 2 ونص علشان اسوي السحور؟؟ياراجل بدري لسه.😞
سيد:بدري شنو يياوليه لما تسويه وتنتهي بياخد ساعه قومي ..ولا دايراني اقوم انا كمان!!😕
تقوم بحرقة وتمشي ..المطبخ وهي تطنطن الراجل دا ينووم النهار كوولو ويجي يغلغلني انا بالليل.دي حالة شنو دي الله يصبرني بس😫
تسوي السحور وتجيبو تختو في الطربيزة..وتقول لي سيد.
حسنة:اها جبتو ولسه باقي زمن كتير علي السحور ..بتستناهن صاحي ولا بتاكلو من اسي😏
سيد:بستناهن صاحي ..كدي سوي لينا شاي نصحصح بيه علشان مايفووتنا السحوور🙄
حُسنة تعاين ليه بين الغيظ والغضب وهي نعسااانة وتعبااانة لانها اليوم كلو مدروشة في المطبخ ونامت بعد الساعه ١٢
حُسنة:ياراجل دا كلام شنو دا في زول بيقول يشرب شاي علشان ينتظر السحوور؟؟نوم قولت ليك المنبه انا ظابطاه بيصحينا😐
سيد:عشان قلت ليك سوي الشاي تقولي نووم!!نوم اتي تنوم عليك حيطة شوف المرة المابتسمع الكلام دي..مخير الله انوم بي كيفي انا متي ما انعس انوم....وقبال كدي بسبب المنبه دا نحن موش نومنا بدون سحور!!هسي وكتين صاحين خلينا ننتظر السحور اضمن لينا😌
تعمل حسنة الشاي وتختو ليه وترجع تنوم وتخليه صاحي لزمن السحور يتسحر وينوم نومة وااااحده مايصحي منها الا الساعه 4 عصر
يقوم يكورك حُسنة..ياااامرة..المرة دي طارت وين..يفتشها في البيت يلقي محمد ولدو بيقرا في المصحف وهو قاعد في المصلاية..محمد دا اكتر زول متزن في البيت هو اللي بيعلم امو اصول الفقه لانها ماكملت تعليمها ابوه بيشاكلو ويقول ليه امك دي غيرك ات دا مافي زول خرب طبعها لانها بقت توعيه وتحاول تفقهو في الدين والكلام دا طبعا مانافع مع سيد🙄
محمد:اي اي يا ايبه داير حاجة؟؟
سيد:امك وين ياولد؟؟بكورك ليها من الصباح مابترد علي..طارت وين!😕
محمد:امي مشيت تشوف مره الجيران دي قالو وقعت في الشارع عيانه😞..
سيد:دا زمن مرقه هسي؟وهي المره المحومها شنو لمن تقع ان شاء الله حال امك في مرقتها دي😖نسوان اخر زمن....
