الشمس في نص السماء والبلد موولعه من السخانه..سيد قاعد في نص السرير يتأفف ويحول في التلفزيون وهو زهجان كالعااادة..
حُسنة قاعده في الكرسي مواجهة
سيد..مرة تعاين في التلفزيون ومرة تحمر لي سيد زهجانة من أنه ماسك الريموت و يحول في التلفزيون ماقادر تحضر معاه فجأة شمو ريحة عطر قووووية..وجات سملى طالعة من الغرفة قدامهم..لابسة ملابس كأنها مطبوعة عليها من ضيقها..وعاملة ميك اب صااااارخ..
حُسنة:سجمي ..دا شنو ها بت ها؟؟😱
سلمى:شنو؟؟مالك😨
حُسنة:عِلب البُهية المجلبطة بيها وشك دي شنو؟؟والريحة الكاشحاها فيك دي شنو؟؟😡
سلمى:بهية شنو يُمة..دا ميك أب خفيف😏
حُسنة:دا خفيف؟؟عاد التقيل كيفنو؟؟تختي المصنع زاتو في وشك بي عمالو في وشك👹؟؟
سيد:ياولية ات شن خبرك بالمكاب؟؟خلي البت التمش في حالها بطلي مناقرة😖
حُسنة:ياراجل ات وكت ماك قادر علي تربية الاولاد خليهم علي واسكت ماتتحشر😤
سيد:ياولية انا صااايم ماتولعيني واختيني الساعه دي احسن😣
حُسنة:انا مابتكلم معاك انا بكلم في البت دي..إتي ماك صايمة يابت😡؟؟
سلمى:كيفن ماني صايمة؟؟صايمة.
سيد:هههههههههه الحقي امك بدور تقول ليها كلام خطير..اسع تقول ليك المكياج حرااام في رمضان😆
حُسنة:اوول مرة في حيااااتك تقول ليك شئ صح!!دا العرفك بيه منو؟؟😨
سيد:ها مرة ها انا بضحك عليك ..شنو الطوالي قالت صح!!الخشيم بالتكسرو..
سلمى:هوي كدي انا اتاخرت شكلتكم دي اخروها لي لمن اجي راجعه😏..
حُسنة:يابت انا قلت مابتمرقي مجلبطه كدي..اكان ماخوف من تجريح صيامك..شوفي اسي غير الحرمه البتقعي فيها اتي بانك مريحه كدي..والرسول صالي الله عليه وسلم في حديث قال مامعناه يعني انو اي وحده تتريح ريحه قوية ويشموها ناس الشارع هي زانيه لمن ترجع بيتها....خليك من المكياج الحااار المسوياه دا..واتي صايمه يعني خربتي صيامك مرررة وحدة😬
دا كلللو خليناه خوف من الشناف البشنفو ليك ناس الحلة ساااكت..ماتمرقي كدي..اسع البشوفك طواالي يقول دي اهلها وين فاكينها في الشارع كدي..ويقعدو يلعنو في ابوك وامك واهلك😖
سيد:بمرق معاها انا اوصلها..والراجل المحدثو قلبو اليعاين ليها ساااكت..حررررم يكون آخر يوم في عمرو😤 حررررم بي سكيني دي اجيب ليك خبرو..
حُسنة:في شنو دا كلوو؟؟تغسل وشها بس..لا سكين لا مشاكل وربنا يتقبل ممنا ومنها الصيام
سيد:والله انا خايفك باكر تقولي لينا النفس في رمضان حراام وموتو مخنوقين ..ياا مرة الكلام دا بتجيبي من وين اتي؟شوفو ليكم جنس مرة بالله..
انا لو حضرت زمن المكياج دا ..حرررم ماكت باخدك..كان اخليك ببورتك الكتي فيها ديك لمن تموتي😒 ..
حُسنة:بايرة انا؟؟نسيت جريت وراي كيف وكنت بتقول في الشعر؟وترسل في الاجاويد😆
سلمى:صحي يا يابة قلت فيها شعر؟؟اتاريك كنت رومانسي😁
سيد:اي قلت..😒
سلمي :كدي قوول انسمعو.
سيد..:دا كان وكتاااار قبال العرس..وهسي مابشبها...
علا بشبها دا:-
لها جسم خروف وكراعا بعوضة * ووجه كوجه القرد بل هو اقبح
تبرق عيناها اذا ما رايتها * وتعبس في وجه الضجيع وتنحسُ
وتفتح خشمها فـأنت لو رايته * تخيلته باب من النا ر يفتح
لها شكل متلُ النار تحسب انها * اذا ضحكت في اوجه الناس تلفح
اذاعاين الشيطان صورةوجهها * تعوذ منها حين يمسي ويصبح
سلمى تضحك لمن دموعها تجري😂😂..
وتتغاظ حُسنة:ها بت ها صدقتي الراجل الخرفان دا؟؟انا كدي؟؟😒
سلمي تحس بالذنب..سلمي:لالا انا عارفاك حلوة يُمة وابوي بدور الضحك بس..خلاص ماشة اغسل
وشي عشان الله يقبل صيامي واغير هدومي دي اها مشيت😁..
يتبع....
