الليلة سيد معزوم فطور عند ناس حاج حمد امام الجامع وحُسنة مبسوووطة انها حترتاح منو..وحتعمل الفطور بمزااااج من غير ما تتعرض للسانو اللازع ..
هو من صحى من الصباح كل مرة يسأل و يقول الساعه كم🤔؟؟انا ماشي للراجل دا..اتي آآحسنة مرتو دي بتعرف تسوي الاكل🤔؟؟
حسنة:أجي آآراجل !كيفن عاد مابتعرف😟
سيد:يعني اكلهم نضيف ومطبخها نضيف؟؟
حسنة:هههههه آآي نضيف ياسيد😁
سيد: هي مرة شحيحة ولا بتسووا اكل كتير وماهل؟؟
حُسنة:شن خبرني بيها ااراجل اتا مالك ساعال كدي؟؟
سيد:بدور اعرف عشان ما امش اتمقلب ساكت اكان اكلهم مو كتير ولا مو سمح اشيل معاي اكل من هنا.😳.
حُسنة:أجي يا أخواني دي فضيحه عديل ..الناس يقولو عليك شنو؟؟ضهلان وفطسان!
سيد:مايقولو الدايرنو انا صايم وكمان اكل ليهم اي شئ انا شوية ولا مو كلهم ماااابنفع معاي في الفطر خلي في رمضان😤كدي اسع خلي الكلام الكتير دا وشوفي لي الساعه كم😖..
حُسنة:الساعه واحدة الا تلت..
سيد:خلاس جيبي لي جلابيتي وعمتي ديل النقوم علي الراجل دا😞..
حُسنة: من اسع آآ راجل؟؟
سيد يطنشها ويقوم يلبس هدومو ويطلع ..يلقي حاج حمد براااه ونااااايم..
سيد:حاج حمد السلام عليكم..عووووووووك..
حاج حمد يقوم من النوم مخلوووع :عليكم السلام..سيد؟؟!!انعل مافي عوجه😳؟؟
سيد باستنكااار:عوجة شنو آآ زول؟؟اتا ماك عازمني فطور😳؟؟
حاج حمد:آآي بي الحيل..عِلا الساعه كم😨؟؟
سيد:الساعه واحدة إلا خمسه دقايق..
حاج حمد يقعد يونس في سيد..وكل مرة سيد يقول ليه كدي قوم شوفهم سووو شنو..كدي قوم علي المطبخ شوف المرة ناقصها شي😖
حاج حمد:اشوف شنو ياخي الزمن بدري لسه..
سيد:بدري شنو والله اسع الاذان ياذن كدي اتا اتاكد يمكن المرة نايمه ولا ناسيه ليها شي..
حاج حمد:كدي خلي دا اسع وارحكاكا علي المسجد نصلي العصر ونجي نلقاهم سوو الاكل ونشوف لو ناقصهم شي..طبعا سيد بيكره الزول البقوليه الصلاه والصيام وخصوصا مشي المسجد..
سيد:الصلاة دي ماممكن نصليها هنا🙁؟؟فتران انا وجيعان😫..جاايك من بيتنا المشوار دا هدا حيلي وفقدني الموية الفي جسمي جت..
حاج حمد:الاجر آآسيد اجر صلاة المسجد كبير ماتفوتو بالعجز والكسل..وكمان انا الامام اغيب من الصلاة كيف
