سيد جرسة

الجزء 18

سيد راقد بعاين في البيت ويتأفف من الحر والصيام..جات حُسنة داخلة الغرفة بقى يعاين ليها لما قعدت جنبو..

هي تعاين ليه وهو يرد ليها النظرة..

سيد:مالك جيتي تدبي كدي زي الحرامي.😖؟؟

حُسنة:لالا مافي شئ..

سيد:نان بتعايني لي زي الكلب الواقف فوق الرِمة كدي مالك😡؟؟

حُسنة تحول الكلام وتونسو مسافه..وتقول ليه باقي 5 ايام بس من رمضآآن😁..

سيد:اآآي الله لاعادو تاني..وخمسة أيام في رمضان تساوي شهر عدييييل يعني قايلاه انتهى😣؟؟

حُسنة:والعيد بعد 5 ايام😊..

سيد:الله يجيبو سااااكت..ويريحنا من قوم صلي وارح التراويح😒

حُسنة :وبندور نسوي الخبيزو😶

سيد يقوم من السرير ويقلع عيونو وكورك:خبيز شنو آآآولية يخبتك شيطان يعوج خشمك شوف الدولية الماواعية دي😤

حُسنة:بسم الله ياسيد..خبيز العيد..الناس كلهم بيسوهو..ودي فرحة العيد😶

سيد:ديلك ناس(ن) مقتدرين نحاكيهم ونحن طراده (عملة قديمة اقل من القرش)ماعندنا؟؟يامرة هوووي امسكي دربك عديل..وبطلي الحركات دي..وبلاش من الصرف البدون داعي دا،،،حتو دا رمضان ودائرة تقولي حرام وحلال،،خبيز مااافي وما دارين تعيدو ماتعيدو😤

حُسنة:ياسيد مافيها شئ..اسي البجينا يبارك العيد نديه شنو🙁؟؟

سيد:موية من الزير بس..والماعاجبو مايجي زاااتو..وأحسن عشان الشفع بيجو يخمو الخبيز و يوسخوا البيت،،لما يعرفو ماعندنا خبيز مابيجوا🙄

حسنة:خلاس خلي الخبيز،كيس حلاوة نقدمو يوم العيد وخلاص☺

سيد:عمى كباس،قولي آمين..قولت ليك لو جانا زول لديه موية من الزير وخلااااس😤

حُسنة تفكر فكرة جهنمية:ود المصطفي ولا مرتو ولا اولادو كان جونا نسوي ليهم شنو؟؟نديهم موية من الزير؟؟ويقولو علينا عدمانين؟؟😁

سيد:آآآآ آآآ قلتي شنو؟؟

حُسنة:اتا ناسي انو ولدهم بدور بتك؟؟يجونا للعيد ويلقونا خبيز ماعندنا؟؟ولا حبة حلاوة😁

سيد:صدقي يا حُسنة..انا زااتي بريد الخبيز ريده شديده..وكتا بضحك معاك ساااكت..كدي بتدوري تسوي شنو؟؟

حُسنة ضحكت بفرح :ناعم(كعك)

وبسكويت😊..

سيد:خلاس امشي لي حاج حمد في الدكان شيليهن منو وانا بحاسبو..وبجيب ليكم حلاوة العيد..العيد بلا خبيز وبلا حلاوة شِن طعمو🙄؟؟

سيد:إتي آآ حسنة قبال كم يوم قولتي بتودري قروش تجيبي ملايات للعيد،موش كدي؟؟

حسنة:اااي وملابس للأولاد كمان😇

سيد:خلاس بديك تجيبيهن وجيبي معاك ستائر كمان العيد شن طعمو برا البيت يكون كل شي فيه جديد ويفتح النفس،،كان جاك ضيف ساااي يلقاك مبشتن!!🙄

حُسنة:والله اتا فشخار جنس فشخرة..

سيد:آآآ أأأ قلتي شنو؟؟

حُسنة:لا لا ماقلت شئ..قولت ليك العيد مبارك عليك😁

وانتو كل عام وانتو بخير

خبزتو؟؟!!😘