سيد وعيلتو بيضبطو منبه الموبايل علشان يصحيهم للسحور..واليوم دا الكهرباء كانت قاطعه..والموبايل مافيه كهرباء وجرسة وعيلتو نايمييييييييين ماصحو السحور😁
سيد جرسة قام مخلوووع من النوم وكورك :حُسنة..ياولية الليله بكسر رقبتك..السحورر ياااولية😱
حُسنة:المنبه ماضرب وانا ماصحيت ياراجل😬
سيد:كدي قومي مدي لي السحور دا جاي خلينا نتسحر😖
حُسنة جابت كورة السحور لسيد وقالت ليه:يا سيد والله كان ما اخاف الكضب اقول الواطة صبحت و قت الامساك جاء كدي نتأكد اول ماتشرب☹ وطبعا سيد ولا شغال بيها من مسك السحور في يدو وقع شرااااب😁 ..
حُسنة قامت فتحت الشباك..لقت الشمس طاااالع🌞
حُسنة:ووب علي ياراجل اقيف الشمس طالعه🙉
سيد:الشمس ماتطلع كان طالعه 😣..حرررررررررم تقفلي الشباك دا ولما اكمل سحوري بعداك تفتحي👿 و واصل في سحورو
حُسنة:كلام شنو ها راجل 😱اقيف ماتشرب خلاص اقيف😰
سيد يشرب ولا يعبرها..
سيد:قلت ليك اقفلي الشباك نتسحر وافتحي تاني😏
حُسنة:ياراجل انت بتغش في منو؟؟الشمس طاااالعة وانت تشرب..!!كدي انت فاطر عمداً..😤
سيد:اختيني يا مرة عمود يطقك في راسك الماكن دا ...
محمد يسمع الكواريك ويجي وهو نعساااان وراه سلمى اختو مخلوووعة😳..
محمد:يابة..يُمة..خير مالكم ؟؟قولو بسم الله في شنو😨
حُسنة:ابوك قاعد يتسحر والشمس طالعة.قال مابصوم من دون سحووور..سمعت بي جنس دا😠؟؟
محمد:يابة دا ماصح منك كدي.إنت فطرت عمدا 😖😖..ودا كفارتو شهرين متتابعين يعني 60 يوم صيااام متواااصل بدل يوم واحد😶
سيد:ياود باقي تقول لي اني كفرت!!انا حر اتسحر في اي زمن..انتو تمسكو الدين بي جنبة وتخلو جنبة😤بي مزاجكم هو؟؟يعني إش معني ماقلتو انو الرسول قال لااازم نتسحر..موش في حديث بقول كدي؟ولا دا ما بتدوروه انتو😑
محمد:اي في بس دا قال فيه انو السحور سنة ,,والصيام واجب ..والسنة مابتوقف الواجب وكمان ماقالت الزول لو ما اتسحر مايصوم!!😒
سيد:هووي ها ..اسكت ماني رايق ليك انا..بطل فلسفتك دي وانا سحوري مابخلي تطلع شمس ولا قمر مابخلي شن قولك😤😤
سلمي:يعني ات يابا فاطر هسي..وعليك قضاء 60 يووم.!!
سيد:ستين سوط في راسك المعولق دا..انا ال30 اللات رمضان عندي فيهن راي..60 شنو البصومها؟؟😡
يقوم يسيب ليهم البيت ويطلع..وهو في الشارع مبسووووووط وحام ماخلى مكان ماوصلو😁جاء راجع البيت يدندن.. مشي علي التلاجة وجاب الكوز وقعد يشرب ..
