سيد جرسة

مقدمة

 #سيد_جرسة.. لمحبي الضحك والفكاهة

رمضان الشهر اللي منه بنجمع الحسنات..

وهو شهر العتق من النار..وهو شهر الرحمه والمغفرة..

في صيامه ممكن نصوم بطريقتين..الاولي اننا نكون قاصدين ارضاء الله وكسب الحسنات..👍🏻

ودا يكون بالصبر وتحمل العطش والجوه وعدم التزمر..وهنا بإذن الله نكون اخدنا اجرنا كاااامل ☺..

الطريقه التانيه وهي الجرسه وعدم الصبر..وهنا الواحد كانو ماراضي بأمر ربنا.😳.ويكون فوت علي نفسو جزء كبيـــــــــــــــر من الاجر..!!😰

معانا شخصيه سيد جرسة وهي بنحاول نوصل بيها التصرفات اللي ممكن تخدش صيامنا وتقلل من اجرنا وربنا يوفقنا واياكم لصيام نهاره وقيام ليله ويبلغنا ليلة القدر فيه ويعتق فيه رقابنا من النار..😍

سيد جرسه راجل قصير اصلع..عيونه صغيرة انفه منبطح لا عمود له ..سريع الغضب,,سليط اللسان😓 كلمتو زي النار ..الكل بيتحاشاه خصوصا في رمضان..

زوجته حُسنة..امرأه بالها طويل وبتحب رمضان جدا بس بتخاف من زوجها والاحراج اللي بيعملو ليها مع الناس طوول الشهر..

يوم 29 شعبان..من الصباح اي زول يسألو ..يهب فيه ويندمو علي فتحت خشمو معاه😡

واحد من الجيران :سيد رمضان قالو بكرة؟؟🤔

سيد :ماعارف طير من وشي كدا ولا كدا.😖

يدخل البيت وهو من الزهج حينفجر..ماباقي ليه الا يقطع شعرو👹

حُسنه :ياراجل مالك زهجان كدا؟؟

سيد:ماعارف👿..

حُسنة:طيب,, سمعت رمضان قالو متين😊؟؟

سيد بنظرة مغزاها الله يطولك يارووووح😣 :شن خبرني بيه.!! ان شاء الله مايجي..!!

احمد ولده التاني ..جرسه طالع لي ابوه..

مابيصوم خاااالص ,,وبيكره رمضان عديـــــــــــــــل..

احمد يجي قاطع جنبهم وهو زهجان نفس زهجت ابووه (من شابه اباه فما ظلم)👹

حُسنة:احمد رمضان سبتو ولا لسه🤔؟؟

احمد: اي سبتوه الله يكتلهم..ماعارفين السنه دي حاره 😣..!!

حُسنه :ياولد هم مالهم ومال الحر والبرد دا امر من ربنا..متى ما ارادنا نصوم نصوم.😳

احمد"خلاص خلاص صومو.... يمشي منهم وهو بيطنطن😓

حُسنة:الله يهديك ياولدي..

سيد جرسة:ياوليه قومي جهزي العشاء انا ماشي الدكان اجيب الحاجات الناقصه دايرين شنو😖؟؟

حُسنة:ياراجل العشاء جاهز..!!😨

عشاء شنو الجاهز .دا مابكفي..رمضان بكرة..لازم ناكل اكل تمام علشان مانجوع.. كدي النمشي الدكان واجي..😏