طبعآ سيد ماصدق لقى ليه موضوع يرقدو في السرير ومن خرجوه من المستشفي بعد عضاه الكلب طوااالي رقد في السرير وبقى يتأمر ويكورك..ياولية تعالي هَبيبيني الحر كتلني😫..ويا اولاد تعالو رشوني بالموية السخااانه..ايامو كييييف ما يتدلع عاضيه كلب😏!!وطبعاً الناس تجي تكفر ليه..وهو ناس يرد عليهم باخلاق عالية ويونسهم وناس يكيل ليهم ويطردهم..في أثناء رقدتو ديك وهو مبسوووووووووط تجي حُسنة داخلة تلقاه شايل الكوز مليااان موية عاوز يشرب 🙁
حُسنة:استغفر الله العظيم..اتا آآراجل الدكتور ماقال ليك ماتفطر الفطرك شنو😡؟؟
سيد:الله قال الزول العيان مايصوم لحد مايبقي كويس ..مو كدي يا مرة يا عارفة قول الله والرسول؟؟ا
حُسنة:ااي كدي..عِلا اتا ماك عياناتا عضاك كلب ودا ما مرض😤....
سيد:خلاص انا عيان وعيااي ياها العضة دي..ولي اسع حارقاني..وطوووول ما العضوه حارقاني وبتنتح انا مريض و المرض ماراح..عشان كدي بفطر🙄 وهم في حوارهم دا جوا رجال الحلة..حاج حمد أمام المسجد..وشيخ الحلة..و ود المصطفي..عتمان جارو>>اكتر مخلوق بكرهو سيد علشان يكفرو ليه
حاج حمد:سلام عليكم ناس البيت هوووي..سيد..السلام عليكم..😊
سيد:عليكم السلام..وبصوت واطي السودا التساوده عليكم حالتي دي انا داير اشرب لي كوز موية..اسو شنو اسع دي ورطة شنو دي ألقاها منكم ولا من المرة الفقر دي😤؟
حُسنة:تسوي شنو كيفن يعني؟؟خت الكوز من ايدك واستقبل الضيوف بس دي دايرالها درس عصر؟
حُسنة:عليكم السلام اتفضلو ..ابقو داخلين علي البيت
ويدخلو الرجال ويسلمو علي سيد..ويكفرو ليه وسيد طبعا زهجااااان منهم..وهم ماقصرو في سيد نظريات وارآء..
حاج حمد:والله ياسيد دي سلامة ان الكلب ماهو مسعور😊..
سيد:ااي والله الحمد لله😒..
ود المصطفي:ياخي والله انا سمعت بالخبر دا وكتا جاييك في المستشفي عِلا كان عندي شغل كدي ماقدرت اصلك عشان كدي قلت اجيك في البيت😊
سيد:مالك مابتصلني في المستشفي كراعك كتيرة علي؟؟عامن اول وكتين انقلبت بيك العربية ورقدوك في المستشفي سبعتاشر يوم.انا ماجيتك😤؟؟
ود المصطفي:اااي بالحيييل جيتني..وكراعي ماهي كتيرة عليك علا اتا رقدت يوم واحد بس وقبال ما اصلك خرجوك😏 وهدا اووول ماوصلت بيتك انا جيت اشوفك.
عتمان:والله اتا ياسيد شليق خلاس الوداك تهبش الكلب شنو؟؟..اسع بقيت كيف🤔؟؟
سيد:يبق فيك غاز خلي بقيت كيف قال ..قولت ليكم مليون مرة ماهبشتو انا ..الكلب انفك من ربطتو وهجمني😠..
عتمان:يبق فيني غاز لشنو اسع انا بنضم معاك سااكت في داعي لي جنس دعاك دا؟؟اسع كان الله قبلو😫؟؟
سيد:احسسسن شئ..ويلفوك بالشاش كللك كدي وازورك واخلف كراع فوق التانيه اتفلفس فوقك زي فلفستك دي كدي.. يلفك قطر ان شاء الله😡..
حاج حمد:لا اله الا الله اتا ياسيد عتمان دا اسع قال شنو😳؟؟
سيد:استناه لمن يقول كمان؟؟اتا ماك شايفو بدا يشنف فيني؟؟زول عضاه كلب ..يقول ليه هبشتو لشنو 😖؟؟شمتان معناتها..مو كدي؟؟
عتمان:ياراجل قول بسم الله اشمت فيك كيفن يعني؟؟اتا اخوي وجاري والحاجات دي مافيها شمت😞..
سيد:الخوخه التقلع ضروسك قول امييين..اخوك بي وين آآراجل انا اخوك اتا؟عتمان هووووووي انا مابدورك ومكجنك(كارهك)واتا خابر كدي..دحين اختاني احسن ليك😤
شيخ الحلة:سيد الراجل في بيتك احترمو شوية واحترم قعدتنا معاك دي😖..
سيد:سمح احترمتكم علا عتمان دا خلي ينطم مني ما ازفو بي شئ اجيب اجلو😤...
وكدي ارفعو لي كوز الموية دا انا العطش بدور يكتلني ومناقرت البهيمة دا نسفت ريقي..
هنا الرجال اتخلعو من سيد..وبقوا يتكلموا معاه في انو فطورو برا سبب دا حراااام وقعدو ينصحو فيه..
حاج حمد:ياآآآزول موية شنو قول بسم الله..الصيام ياخي..
سيد:صيام شنو مع المرض ياراجل..كدي اديني الموية دي وبطل نضمي😖..
ود المصطفي:اتا آآآسيد مابتخاف الله؟؟تفطر متعمد كدي وبلا اي سبب؟اما انك زول عجيب يا اخي🙁
سيد:خوف الله خليتو ليك اتا دا..يا الحرامي ..عرفت الله اسع دي😏؟؟
ود المصطفي:دا كلام شنو آآآزول حرامي انا😱؟؟
سيد:كان ماك حرامي القروش الكتيييييييييييييييرة دي جايبها من وين؟؟العافنو انك لاك وارث لااهلك كانو من الاعيان😒
ود المصطفي:دا شغلي والله موفقني فيه والحمد لله واعوذ بالله من نقتك دي😳😟..
شيخ الحلة:الراجل في بيتك ياسيد والكلام دا عيب منك😳..
سيد:اتا كمان بتعرف العيب؟؟اتا العيب زااااتو😠..
شيخ الحلة:مالي عيبي شنو ياسيد😨؟؟
سيد:سارق قروش اللجنة الشعبية كلها ومربي ليك شعيرات زي دقن التيس وجاي توعظني انا.😤
عتمان:سيد والله كدي حرام عليك عدييل ماتتهم الناس بالباطل ياخي😖..
سيد:اتا آآآب صنقور اسكت مني ..عارفني بقوم عليك اسع دي بخلي ريحتك طير طير..
عتمان:ياخي قوم نشوف بتدور تسوي لي شنو..اتا مافي زول مالي عينك ولا كيف؟؟
وهنا سيد يقوم يهجم علي عتمان ويعضيه عضة في صلعتو والرجال يحاولون يبعدوه منو ومايقدرو الا لما يضربوه حتى يفكو..وعتمان يكووورك الراجل سعر الحقوني..الراجل بقي سعرااااان😫😫
الرجال يفكوهم منو ويمشو علي اهلهم
نتمني تكون العبرة من الحلقه ظاهرة😁
يتبع....
