Chapter 30
Halaga
Ilang buwan at araw na ang nakalipas nang magkaroon ako ng third eye at nang matuklasan ko kung paano yun gagamitin .
Kung dati ay natatakot pa ako kapag may nakikitang bago , ngayon ay balewala nalang sakin at para bang normal lang ang lahat .
Nasanay na rin ako na kasama namin sa bahay ang mga multo at kakaibang mga nilalang na para sa iba ay kathang isip lamang .
Hindi ko narin binabanggit sa mga kakilala at kaibigan ko ang tungkol sa third eye ko . Ayoko nang malaman nila . At ano naman kung nalaman nila ? Hindi naman sila naniniwala .
Samin samin nalang kumbaga . Wala na akong balak ipaalam sa iba ang kwento ng mga kaibigan kong hindi naman nakikita at pinaniniwalaan ng iba .
Hindi ako nagsisisi at nagpapasalamat pa nga ako dahil nagkaroon ako ng third eye . Biyaya yun para sakin dahil sa pamamagitan ng mga mata ko , nakikita ko at nakakasalamuha ko yung mga kinatatakutan niyo .
Wala namang rason para matakot kayo sa kanila . Minsan narin silang naging tao , minsan narin natin silang nakasama .
Nawala lang ang pisikal nilang katawan pero buhay parin sila , 'di niyo nga makita kasi nga kaluluwa na sila .
Nandiyan lang sila palagi , nasa paligid . Minsan binabantayan ka , pinapanood ka , dinadamayan ka sa lahat ng bagay ; kapag masaya ka , malungkot o may problema .
Di mo man sila makita , mararamdaman mo naman na nandiyan lang sila palagi para sayo .
Maraming rason kung bakit nandito pa sila . Huwag nating sabihin na dapat nililisan na nila ang mundong ibabaw dahil ang mundo na ginawa ng Diyos ay para sa lahat ng nilalang niya , nakikita man o hindi .
" What is essential is invisible to the eye "
Naalala ko na sinabi ng fox dun sa little Prince .
Di natin nakikita yung mahahalagang bagay o yung halaga ng isang bagay satin kasi madalas na binabalewala lang natin sila . Sabi nga
" Tsaka mo lang makikita yung halaga ng isang bagay kapag nawala na yun sayo "
Kaya 'wag natin babalewalain yung isang bagay , malaki man yun o maliit at matuto tayong mag-appreciate .
Invisible man ang mga kaibigan ko sa paningin ng nakararami , may halaga sila sakin at hindi yun matutumbasan ng kahit anong bagay .
Nagpapasalamat ako dahil nakikita ko sila sa mga mata ko .
BINABASA MO ANG
Sa Mga Mata Ni Maria
AdventureSi Maria ay isang matalino , talented , mabait at higit sa lahat isang simpleng babae . Bata palamang siya ay pakiramdam na niya ay naiiba siya sa mga kaedaran niya . Maraming tanong na naglalaro sa kaniyag isipan na hindi pa nahahanapan n...
