Ikaw Naman ang Taya
NialleAihara
Mahal, sa larong habulan ikaw naman ang gusto kong maging taya
Sapagkat, gusto kong ikaw naman ang mapagod, umasa at lumuha
Sa mga salitang binitawan mo ako naman ang hindi magpapaloko
Ikaw na kinilalang si Pafall at tuso sapagkat ilang babae na ba ang pinaiyak mo?
Pasensya na mahal pero hindi ko matanggap na mapabilang sa mga babae mo
Mali ka ng taong pinili para maging kalaro sapagkat mahilig akong tumakbo palayo
Palayo sa mga kasinungalingan at katangahan na maaring maidulot mo sa puso ko
Sapagkat isa kang Cassanova na niligawan ang isang Maria Clara na hindi mapapabilang sa iyong mundo
Sa larong tagu taguan ay ipinikit mo ang iyong mga mata at bumilang ng tatlo
Pero sa oras na imulat mo ang mga ito ay wala na ako sa paningin mo
Sinubukan mo akong hanapin pero ginalingan ko sa pagtago at hindi mo napansin ang luha ko
Magaling ako sa tagu-taguan at pagtago ng nararamdaman simula ng saktan mo ako
Oo ! Ayaw kong maging taya sa isang laro dahil ayaw ko ng maghanap sa iyo
Sapagkat natatakot ako na habang tayo'y naglalaro ay iniwan mo na pala ako
Sawa na akong maging taya sa langit at lupa
Sapagkat ako'y lagi na lang nasa lupa at ikaw ay aking tinitingala
Ayaw ko ng maging taya sa habulan at gusto kong ikaw naman
Ikaw naman ang maghabol at ikaw naman ang masaktan
Sapagkat , kahit na maabutan mo pa ako
Ay hinding hindi ko na lilingunin ang isang tulad mo
Isang tulad mo na manloloko
isang tulad mong ginagawa mo lang pamapalipas oras ang mga babae mo
Ayaw kong mapabilang sa kanila sapagkat ako ay naiiba
Gusto ko ng nirerespeto, at mahanap ang pag-ibig na totoo na inakala ko na meron ka
Humanap ka na lang ng ibang kalaro at please lang huwag na ako
Sapagkat ayaw ko ng sayangin ang oras ko sa isang laro na pinasimulan mo
BINABASA MO ANG
SPOKEN WORD POETRY
PoesíaPara sa lalaking nanakit at bigla na lang umalis. At PARA SA NAWAWALANG CRISOSTOMO IBARA SA MUNDONG PUNO NG MANLOLOKO AT PAASA