Nagsulat ako sa isang Malinis na PapelNialleAihara
Nagsulat ako sa isang malinis na papel tungkol lahat sayo,
Kung paano mo ako natagpuan at sinimulan ang pagiging tayo .
Nabighani- sa mga mata mong nakakabasa ng nararamdaman ko,
Hinuli sa mga matatamis mong salita at nakakatawa mong kwento.
Natuwa ako magsulat dahil inakala ko sa sarili ko na baka ikaw rin at ako
Hanggang dumating ang oras na nakuha mo rin ang matamis kong OO
Bahala na basta alam kong handa na akong ibigin ka ng totoo
Sinimulan mong burahinin ang nakasulat sa ating kwento
Huminto ka ng iginuhit mo ang siya sa kwento nating dalawa
Sino ba sa amin ang kontrabida dahil nararamdaman kong nanlalamig ka na
Ang ilang bahagi ng papel ay unti- unti ng nabasa dahil sa aking mga luha
Gusto ko ng tanggapin na ang isang papel na sinulatan ko ay maaari ng ibasura
Siguro nga tama ka!Mahal wala na siguro akong halaga
Hindi ko kayang burahin ang mga ala-ala at nag-iwan lang ito ng marka
Ang mga marka na siyang magsisilbing tanda na sinaktan mo ako at pinaasa
Isa kang paasa, para talikuran mo ako kasama siya
Hayaan ang iyong gusto pero tandaan mo na hindi ako maghahabol sa inyo
Simula ngayon ay tutuldukan ko na ang kwento nating dalawa
Sapagkat! Mahal pinilit kitang inintindi pero ako'y napagod at nagsawa na
Sumulat ako sa isang puting papel at ang mga letra nito'y tuluyan ng nabura
At ang bawat letra'y nag-iwan ng isang marka
Markang naging tanda ng pananakit mo at mga ala-ala
Pinunit ko ang isang malinis na papel sapagkat mahal,! Ayaw ko na
Ang pangalan niya ang nakasulat dito sa papel na aking binabasa
Tama na! kaya mahal pasensya na kung pupunitin ko ito
Ang papel na napuno ng letra ng pangalan ng bago mo
Kaya kumuha ako muli ng isang piraso ng papel na pagsusulatan ko
Ang papel na kung saa'y nakasulat ang pangalan mo
Ngunit hindi ka na bida rito sapagkat tapos na ang lahat
Susulat ako sa isang malinis na papel ngunit hindi na tungkol sa kanya
Hindi na siya ang sentro ng mundo ko
Sa isang malinis na papel ay wala ng tayo
BINABASA MO ANG
SPOKEN WORD POETRY
PoetryPara sa lalaking nanakit at bigla na lang umalis. At PARA SA NAWAWALANG CRISOSTOMO IBARA SA MUNDONG PUNO NG MANLOLOKO AT PAASA