Nasaan ang pulang tali na sinasabing nagbibigkis sa ating dalawa
Na matagal kong hinahanap saan man ako magpunta
Isa ka lang ba talagang malaking Paasa
Na mayroong tayo sa tuwing ako'y nag-iisa
Hinanap kita sa mga oras na kailangan kita
Sa mga oras na ako'y tumatangis at naghahanap ng suporta
Na sana'ynandito ka at pinapahid mo ang aking mga luha
Niyayakap ng mahigpit at bumubulong na tahan na
Hinihintay kita sa mga oras na pinapangarap kong maging bida
Sa mga palabas na Anime, Wagas at Koreanovela
Na pinapangarap ko na mayroong isang ikaw sa aking malungkot na storya
Asan ka nga ba ngayon sinta? Kailan kaya ang tamang panahong sinasabi nila?
Napapagod na ako sa kakahintay sa taong hindi sinasabi ang oras ng pagdating
Ang mga oras at araw ay lumilipas at ako'y naghihintay pa rin
Sino ka nga ba? at bakit ang tagal mo?
Pinapaasa pa rin ba ako ng Red string of Fate na ito?
Gusto na kitang makita upang samahan ako sa pamamasyal
Sabay nating pagmasdan ang mga bituin habang hawak ang mga kamay
Saba'y umaawit ng masasaya at malulungkot na mga kanta
Binubulong sa langit na ikaw ay akin at hindi na hahanap ng iba
Tintingnan ko ang pulang tali at hinahanap pa rin kita
Sana dumating ka na bago mawalan na ako ng natitirang tiwala
Sana dumating ka na bago pa akalaing ang lahat ng lalaki ay babaero at paasa
Dumating ka na sa hindi inaasahang araw at oras dahil gusto kong sabihin na sayo na
Mahal kita !
BINABASA MO ANG
SPOKEN WORD POETRY
PoésiePara sa lalaking nanakit at bigla na lang umalis. At PARA SA NAWAWALANG CRISOSTOMO IBARA SA MUNDONG PUNO NG MANLOLOKO AT PAASA
