NialleAihara
IKAW ANG AKING TULA
NialleAihara
Malayo ang iyong tingin,
Di mo ako napapansin.
Ikaw ang sigaw ng aking damdamin,
Sana'y sagot sa aking panalangin.
Ikaw ang laman ng aking tula,
Taludtod at gunita.
Paksa ng aking mga saknong,
Sagot sa aking mga tanong.
Maubos man ang bawat tinta,
Di mailarawan ang nadarama.
Sa isang malimit na pagkikita,
Bakit ikaw ang hanap ng aking mata.
Natatakot mahuli ang aking sulyap,
Damdaming tinatago sa pagsulat.
Sa isang tulang isinulat para sayo,
Kahit di nalalaman ang damdaming ito.
Ngunit napatigil sa pagsusulat,
Sa katotohanang muling namulat.
Wala nga palang pag-ibig na wagas,
Sapagkat agad itong nagwawakas.
Sana'y di masayang ang tinta,
Mga damdaming binura.
Sa isang itinatagong katha,
na hindi mo mababasa.
Siguro'y natatakot mahulog muli,
Kaya damdami'y ayaw manatili.
Gusto kong tapusin ang sandal,
Nawa'y hindi na makitang muli.
BINABASA MO ANG
SPOKEN WORD POETRY
PoesíaPara sa lalaking nanakit at bigla na lang umalis. At PARA SA NAWAWALANG CRISOSTOMO IBARA SA MUNDONG PUNO NG MANLOLOKO AT PAASA