اول الأيـــــام

حب الصبا

السلام عليكم سيداتي آنساتي وردايتي ..
اليوم قصتنه تتحدث عن موضوع خاص بالنساء فقط و متأذيين بيه همه بشكل ..
بالذات في مجتمعنا و حكم الجميع مو صح بيه ليش ؟
لان حكم ظاهري !!!!
اكو مثل مصري يگول ( ياما في السجن مظاليم ) ..
فهواي مرات نسوي امور ننغصب عليها ..
تفضلوا حبيباتي استمتعوا وياية ..
تعليقاتكم و مشاركتكم على كل فصل كلش تهمني و تفرحني و تشجعني ..

(( هذهِ القصة هي ثاني ما اكتب فارجوا العذر منكم على الاخطاء الاملائية و اللغوية و حتى التعبيريه ))

#اول_الايام
الفصل الاول
#بقلمي_اسراءالجميلي

ماما : حنان ..
اني : نعم ماما .. هسة نازلة بس اجيب جنطتي ..
ماما : اي عيني مو وسام دينتظرج حتى يوصلج للمدرسة ..
نزلت لگيت وسام منتظرني كالعادة مثل ما كلما يجينه ..
يبات يمنه يوصلني لان مدرستي بعيدة ..
وسام : هلو عيني وينچ اتاخرتي اليوم يلا انلحك !
اني : اي مو اليوم عندي امتحان و سهرت اقره ..
هاااا ديلا عيني عادي ..
ماما : حنان لفتچ هاچ لا تنسيه ..
شكراً ماما ربي يخليچ النه ..
طلعنه نتمشى ..
المدرسة تبعد نص ساعة على بيتنا ..
وسام ابن خالتي ..
صار تقريبا اربع شهور هواية يجينه و يبات يمنه كلما يرجع من عسكريته بالبصرة ..
و لازم كل اجازة بيه يوم يومين يمنه ..
اني عاجبني الوضع لان الصدگ كلش معجبه بيه ..
هو كلش حباب و خلوق و شجاع و ومهذب و محترم و رجل بما تحمل الكلمة من معنى ..
مخلص كلية تربية رياضيات و حاليا بالجيش ديقضي فترة التجنيد مالته ..
طوله متوسط لونه حنطاوي وجه بيضوي ..
عيونة متوسطة الحجم بس مجرورة لونهم نرجسي .. ضعيف لان بالجيش و تدريب و شوية جسمه امعضل ..
عمره ٢٢ سنة ..
الي نبهني عليه مو شكله ابد ..
الي شدني صفاته كأنسان ..
شگد يساعد امي بالبيت حتى اكثر من اخوتي ..
روحه حلوة بس يضحك ..
ما يعجبه يشوف احد ضايج ..
لازم يفتهم مشكلته و يضحكه و مثقف كلش ..
بين قوسين ( وردة مال الله ) ..
اي وحدة بالدنيا تتمناه ..
اني چنت منهم معجبه بيه و اتمناه ..
بس مجتمعنه ينتقص البنت الي تگول او تبين اعجابه ..
چنت اعتبر نفسي صغيرة و اخاف لا يصدني ..
ضامه اعجابي بين قلبي و عقلي و ساكته ..
وسام : شلونج حنونه اخبارج ؟
اني : هههههه هاي شبيك وسام انت مو من البارحة يمنه يعني تعرف اخباري و شلوني !
وسام : ههههههههه اي صح بس بالبيت اعرفه بشكل عام ..
اني : هو الخاص مالتي نفس العام ..
اني ما عندي شئ اضم على احد ..
وسام : هااا كلش زين ..
اني حبيت اخذ رئيچ بموضوع ؟
انداريت و فتحت عيوني عليه متفاجاءة ..
اني !!!! تاخذ راي اني ؟
اي انتِ ليش شبيج انتِ ؟
لا مبيه شئ بس تعجبت لان اني صغيرة و بعدني ما اعرف شئ بالدنيا ..
ليش صغيرة ؟
عمرج ١٦ يعني كبرتي و واعية و تفهمين ..
تسلم ربي يخليك ..
المهم نرجع الموضوعنه ابيش تريد تاخذ رأي ؟
و الله حنونه اني معجب بأبنية ..
بس كال هيچ قلبي گام يوجعني خفت ..
اكيد حيگول اسم غيري ..
ظلت ميت فكرة براسي و دا افكر شنو اگول ..
اني : و المطلوب مني شنو ؟
ضحك و سلب روحي بضحكته ..
هههههه لا سلامتچ بس حبيت اخذ رئيچ بيها ..
رأييّ اني !
بداخلي هذا شبيه ؟
گلت يلا خلي اجاري بالحچي ..
زين هي منو ؟
حتى اگدر انطيك رأييّ المضبوط بيها !
اني ما اگدر اكلچ منو ؟
لان بنات الناس مو لعبه ..
اهنا دگات قلبي تخربطت يعني مو اني ؟
بالگوة لازمه نفسي منتظرته يكمل ..
لعد شلون راح اعرفها ؟
حكلچ مواصفاتها و انتي راح تعرفين ..
امممم خوش ..
يلا احچي ..
هيه وردة مال الله ..
مطيعه الاهلها و نظيفه و مؤدبة و محترمه ..
عدها كرامة ..
لدرجة كلشي ممكن تسوي حتى محد يحچي عليها او يدوسلها على طرف ..
لا طويلة و لا قصيرة ..
بيضة شعرها لنص ظهرها واصل ..
ملامحها ناعمة ..
اديها صغيرونه عبالك طفله ..
اني قلبي راد يوگف ديقصد بت خالي حسناء ..
قلبي مدا يتحمل اخليه يكمل ..
هاي متگلي اسمها و انت دارخه درخ ..
اي عيني و عيونها شلونها ؟
هههههه اي غير معجب و نيتي حلال ..
هاااا اي همين صح ..
زين اشو مگتلي شلون عيونها ؟
شجلبتي بعينها ؟
مو مدا اعرفها فاريد عيونها بلكي تجي ابالي وحدة ..
هاااا خوش لعد عيونها تلمع و تجدح و نظراتها تسحر ..
اووووو تره ضوجتني دا اگلك شكل عيونها و لونها ؟
مو وصف نظراتها ؟
و انتِ ليش هيچ عصبيه ؟
مو طولتها و احنه راح نوصل للمدرسة ..
اي و الله صدگ منتبهت على الطريق ..
عيونه دائرية و رموشه اطوال و مكحلة من الله ..
اهنا شكيت يقصدني لان بت خالي تشبهني صح بس هي عيونها عادية و رموشها مو طوال ..
بس خفت احچي شئ لا يخجلني ..
اريدها من حلگه تطلع ..
حسيت بعد اذا امشي راح اوگع ..
فاحترمت نفسي و راساً وگفت ..
انداريت عليه ظليت اباوع بعيونه ..
هو عيونه تضحك و وجه مبتسم ..
ممكن تگلي اسمها بدون لف و دوران ؟
اسمها ؟
اوف اسمها ؟
يجنن اسم على مسمى ..
يحچي و يشم الهوى بقوة ..
شوف وسام تگلي اسمها هسة ..
لو اعوفك و اروح و بعد ما اخليك توصلني ابد ؟
ههههههه يمه على بختچ يا العصبيه اسمها ..
روحي و قلبي و عقلي و عمري و فرحتي و امنيتي من هاي الدنيا ..
اسمها حنان ..
و هي تنبع طيبه و حنان و امان ..
كلشي حلوو و دافي بالدنيا هي ..
تمنيت اكو كرسي وراية اگعد عليه ..
حسيت رجلي مدا تشيلني ..
گامت نار تطلع من وجهي ..
و خلف الله على الصدرية ضمت قلبي و مخلته يطلع من مكانه ..
انت شنو تحچي ؟
صدگ تحچي وسام ؟
اي و الله صدگ احچي ويا ريت تقبلين هسة ارجع اگول الخالتي ..
لحظة لحظة على كيف !!!
اني هسة ثالث و اريد اكمل و انجح يلا ..
بس مو بعيدة ؟
لا ابد مو بعيدة اصلاً بعد كم يوم راح تبدي فترة المراجعة و بعدها الله كريم ..
زين يعني هاي ال الله كريم اعتبرها موافقه ؟؟؟
هههه بكيفك ..
خوش لعد دمشي حتى تلحكين على الامتحان ..
ها اي صح .. دوختني و نسيتني ..
ههههه اي صح اني كلش مؤثر بالبشر ..
هاي انت شكد مغرور ؟؟؟
اي من حقي انغر اذا احسن بنات الدنيا رضت بيه ..
ههههه ياااااابه ..
الله يساعدني على السانك ..
رحت للدوام و اول مرة بحياتي اجاوب هيچ كلش زينه و طلعت من الامتحان سعيدة كلش ..
الحمدلله ربي اخيرا راح تعوضني عن حنان و حب ابوية الي محسيت بيه طول عمري ..
والدي مو ميت لا ..
والدي شبه ميت ..
احنه چنه عائلة عايشين بسلام و امان و راحة بال عددنه اربع بنات ..
نجاة .. اختي الچبيرة متزوجه اخو وسام الچبير يونس ..
سعاد .. الاصغر متزوجة اخو وسام الاصغر احسان ..
سعيد .. ضابط عسكري .. بعده ممتزوج ..
جنان .. الاصغر متزوجة ابن خالتي اللخ مصطفى ..
و اني حنان طالبة بالثالث المتوسط اتاخرو بتسجيلي لان بابا اتاخر يلا اجه حتى يسويلي جنسيتي ..
ابونه كأي رجل عراقي متخلف و اهله مثله عدك كومة بنات ولد واحد بس ..
منو يتحملك بكبرك منو باچر عگبة يشيل تابوتك ..
منو يحافظ على بناتك الاربعة هو واحد شيطلع بيده ..
و هو اصلاً علاقته ابأمي متوترة بسبب هذا الموضوع و غيره كومة ..
فقرر يتزوج ..
و للعلم اتزوج بموافقة امي و شرطها كان ما يطلكها حتى سمعت بناتها ما تتاثر ..
بس بنفس الوقت بعد ما يتقربله ابد ..
امي شخصية قوية و كرامتها فوق كلشي حتى قلبها ..
قاسية بتربيتنه كلش تكول بنات لازم هيچ حتى ما يغلطن ..
راح ابوية خطبولة وحدة امه و خواته و اتزوجها و من اول شهر حملت بتوم ..
ما انسه هذا اليوم چان عمري اربع سنوات ..
اجتنه عمتي الچبيرة الوحيدة الي مچانت موافقتهم على زواجت ابويه ..
اتكلهم مليحة وردة مال الله و صاينته و جابتله من الشكلين و بعدها صغيرة تكدر تجيب بكدهم ..
بس لا حياة لمن تنادي واحد على عشرة ميفيد ..
المهم جنه دا نتغده بالمطبخ بالكاع لان مطبخنه چبير ..
فاتت عمتي علينه ..
اول مدخلت ما قبلت انگومله ..
الزاد ما عليه سلام ..
امي : تفضلي ام اياد حبيبتي ..
عمتي : لا حبيبه شكراً اتغديت و اجيت و الله ..
كملنه و گمنه و بعدين رحنه بالهول اني و اخواتي نباوع تلفزيون و نجاة دتسوي چاي ..
حجت عمتي شئ وي امي تبسبس ..
اني چانت عيني عليهم ما اعرف ليش ؟؟
امي گامت دموعها تنزل و هي تحچي و كانوا ما حاسه بيهن ..
و عمتي انتبهت عليه دا اشوفهم ..
عمتي : گومي خيه غسلي عيونچ بس يدمعن مدري شفات بيهن ؟
راحت امي للمغسلة و لحكتها نجاة جانت هستوة داخله بصينية الچاي ..
من راحت وره امي لحكتهم اشوفها تبچي و اختي حاضنتها ..
شافتني غسلت و رجعت ..
امي : يمه سعيد ابوك مرته والده اثنين ولد ..
لازم تروح تبارك له و تاخذلهم صوغة ؟
سعيد : هااا اي ماما حاضر ..
عمتي : اصيله ام سعيد و خسرچ اخوية ..
امي : لا خيتي ماكو خسارة ربحي بچهالي و ربحه بچهاله منه اثنينه ..
من كبرت عرفت ليش امي بچت انقهرت من التوم ..
مرت ٣ سنوات مجاي ابوية مشايفي ..
اجانه بعد مصار عنده ٣ ولد و ابنية ..
چان عمري صاير سبع سنوات و امي دازتله خبر بيد عمتي تريد اتسويلي جنسية حتى ادوام ..
اجانه ابوية و اني فرحانه كلش ..
اكثر وحدة بيهم فرحانه طفلة و متدري شنو زعل و مشاكل و حقد ما اله داعي ..
كلهم گاعدين دايره مدايرة اني گعدت بحضنه و امنه تباوع من بعيد عيونه مغوركة بالدموع بس مبتسمه و فرحانتلنه ..
ابوية ينام وي سعيد من يجينه ..
و ظل هيج الحال كلما يجينه تقريباً ثمن شهور و امي قايمه بكل واجبته كزوج ما عده فراش الزوجية ..
احنه بيتنه ٢٠٠م جوة صالة كبيرة و مطبخ و هول و غرفة نوم و فوك غرفتين وحدة السعيد و اللخ النه البنات ..
فد يوم دا نتغده ..
اني : بابا ليش خالوو محمد و زوجته ينامون وحدهم بغرفة ..
هو دياكل ممنتبهلي و لا احد بيهم كلهم ملتهين ببطونهم ..
بابا : غير لان متزوجين ..
اني : زين ليش خالة ام يونس تنام هي و زوجها بغرفه ..
بابا : هاي شبيچ بابا غير متزوجين !!!
اني : بابا لعد ليش انت تنام يم سعيد مو يم ماما انتوا مو متزوجين همينه ؟؟؟

و فالقصة حدث غريب عجيب ..
هاي شبيهم العالم ؟؟؟