سجين حبك "لعنه حب"

الفصل التالت

البـــــــــارت الثــــــالــــــث♥
"اخبرينى كيف يصف الاخرس مشاعره لشخص أعمى .... وسأخبرك .. كيف أحبك "

لم يصدق عمر ما سمعه للتو هل حقا اعترف آسر بأنه هو من ارتكب الجريمه
عمر بشك  :
الكلام دا حقيقى ولا بتشتغلنى
آسر بثبات :
لا حقيقى انا  اللى عملت كدا
عمر :
لييه ؟
آسر :
زى ما حضرتك عارف انى كنت بحب نور واتقدمتلها بس والدها رفض وهزئنى  لانى فقير ومش من مستواهم وازاى  اتجرأ  واعمل كدا ولافقلى  موضوع الاختلاس دا  علشان كدا  قررت اخلص منه بس للاسف نور شافتنى مكنتش عارف اعمل اييه ف ضربتها على دماغها لحد يسمعنا ويمسكونى
عمر :
بس انت مستواك المادى كويس عندك يخت بأسمك وليك حساب مصرفى وبتشتغل مهندس يعنى هتقدر تعيشها ف مستواها مش سبب ان والدها يهزئك علشان وتعمل دا ثم اكمل
بس مش غريبه تروح تطلب ايدها وهى مخطوبه ل ابن عمها
آسر :
حتى لو كنت زى ما بتقول بالنسبه ل عامر بيه  فلوسى دى مش حاجه ...وبعدين هى  مكنتش مخطوبه ل ابن عمها  ف الوقت دا هى اتخطبت له بعد ما اتقدمتلها  ...وكمان  دا كان اتفاق بين والدها و والد أيَاد بس مش  اكتر علشان الشركه ماتروحش لحد غريب 
عمر :
ماشى هفترض معاك الافتراض دا ماقتلتش أيَاد ليه على الاقل هتخلص منه هو كمان وتفضل نور لوحدها وتعرف تتقرب لها بسهوله
آسر :
كنت هعمل كدا بس انتوا وصلتولى بدرى
عمر :
وايه اللى حصل خلاك تطلع ف نفس اليوم من السجن  مين اللى ولااء الموضوع دا ؟
آسر :
يمكن ندموا ولا حاجه
عمر :
مش داخل ف دماغى كلامك دا وخصوصا  واحد ف ذكائك دا يسيب بصماته  فى  مسرح الجريمه ف اكتر من مكان  ازاى  دا ... دا انت لو عايزنا نقبض عليك مش هتعمل كدا
آسر ببرود  : 
نعمل اييه بقا ي باشا نصيب
عمر :
وتليفون نور واللاب بتاعها فين
آسر :
معرفش عنهم حاجه حضرتك فتشت اليخت ومالقتش حاجه
عمر :
ما لو انت اللى اخدتهم اكيد هتخبيهم
آسر:
انا قولت ل حضرتك انا معرفش عنهم حاجه  
عمر :
عندك بيت تانى غير اليخت دا
آسر :
لا معنديش
عمر :
  طيب كمل
آسر :
لا انا كدا خلصت
عمر :
ماشى  انا كدا شغلى معاك انتهى هتتحول النهارده على النيابه... ول اخر مره بقولك ف حاجه عايز تقولها
آسر بثبات  :
لا
عمر وهو يضغط على الجرس ليدخل العسكرى :
خده ي بنى

بعد خروجه دلف أيَاد ومازن الى المكتب
أيَاد :
قالك ايه  الحيوان دا ؟
عمر :
اعترف انه هو اللى عمل كدا
أيَاد بنرفزة :
لولا ان حضرتك بعدتنا عنه انا كنت قتله
عمر :
ماتقلقش احنا هنقوم بالواجب  علفكرة تصريح الدفن طلع ممكن تاخده وانت خارج
أيَاد بحزن :
تمام متشكر جدا لحضرتك

خرج أيَاد من المكتب
مازن :
اسرع قضيه تخلص ف الكون
عمر :
حاسس ان ف حلقه مفقودة مننا وان القضيه ماتحلتش
مازن :
وانت غاوى تعب قلب ما الراجل اعترف ان هو اللى عمل كدا احنا عايزين ايييه تانى اكتر من كدا
عمر بتفكير :
مش عارف ي مازن مش مطمن حاسس ف حاجه ضايعه مننا  مين اللى رن على الداده علشان تنقذ نور طيب لو قولنا آسر اللى عمل كدا ....  مين الشخص اللى نور سابت الحفله علشانه وخرجت... وفين الاجهزة بتاعتها أختفت لييه اكييييد عليهم حاجه تساعدنا ف القضيه .....فى اكتر من حاجه غامضه 
مازن  بأبتسامه :
انت اللى تاعب نفسك على الفاضى مش متعود على القواضى السهله
عمر بحيره  :
ممكن برضو  
★★★★★★★★★★★
عدت الاياام وتم دفن عامر واخذ العزاء وتم الحكم على آسر بالمؤبد وظلت نور ف غيبوبتها 
 
فى يوم كان أيَاد جالس يدخن بشراسه  أتت  ساره  وجلست بجواره
ساره بأسى  :
هتفضل كدا لحد أمتى
أيَاد بتعب :
بالله عليكى ي ساره سيبينى ف حالى
ساره :
مكنتش اعرف انك بتحبها قوى كدا
أيَاد :
اكتر مما تتخيلى 
ساره :
ان شاء الله  بكره تقوم بالسلامه  وترجع لينا كلنا
أياد :
فيين ي ساره بقالها 3 شهور   على الكلام دا  انا كل يوم ازورها ف المستشفى ومفيش اى جديد
ساره :
صدقنى هتفوق بس انت سيبك من السجاير والكلام دا انت وعدتها انك تبطل عايزها لما تفوق تزعل منك
أيَاد بحزن :
بس هى تفوق
ساره :
هتفوق  المهم دلوقتى المحامى كلمنى علشان اعلان الوراثه 
أيَاد  بنرفزة :
دا وقته
ساره :
عارفه انه مش وقته بس الشغل واقف وانت الوريث الوحيد دلوقتى لازم تنقذ الشركه لوقت ما هى  تفوق
أيَاد :
ربنا يسهل  انا هقوم اروح المستشفى وهعدى على الشركه
ساره :
ماما كلمتنى وقالتلى انها هتيجى كمان كام يوم
أيَاد بضيق :
تيجى تعمل ايه...  هى مش لسه ماشيه من كام يوم (والده أياد وساره متجوزة وساكنه ف محافظه أخرى بعيد عنهم ) 
ساره :
ما انت عارف هى جايه ليه ...  المهم اانا هاجى معاك اشوف نور

توجهوا الى المشفى وجدوا حركه ف غرفه نور
أيَاد  يسأل احدى الممرضات :
هو ف اييه
الممرضه :
الانسه نور الحمد لله فاقت
أيَاد بفرحه :
بجد   توجه الى الغرفه  وجدها  جالسه على السرير بعد حوالى شهر اخيرا يرى عيناها اللتان يعشقهما كل العشق  وكان الطبيب يفحصها 
أيَاد وهو يقبل جبينها بحب:
حمد لله على السلامه ي حبيبى
نور بأبتسامه :
أيَاد اخيرا  
أيَاد :
اه حبيبى اخيرا  انا جنبك متخافيش
ساره :
حمد لله على السلامه ي نور
نور :
ساره ازيك
ساره :
الحمد لله ي حبيبتى 
نور  بحيره :
انااا    بعمل ايييه هنا
أيَاد :
أنتِ  مش فاكره اييه اللى وصلك لهنا
نور  وهى تضع يدها على جبينها :
لا انااا اخر حاجه فكراها انى كنت ااااا   اه كنت ف رحله معاكوا ف شرم
أيَاد وهو ينظر للطبيب :
رحله شرم ؟
نور :
اااه هو بابى فييين ؟ وانا بعمل اييه هنا
الطبيب :
تقدرى تقوليلى  احنا سنه كام
نور :
أاااا 2016 تقريبا   
   أيَاد بزعر :
2016   ايه ي نور احنا ف 2018
نور بعدم فهم :
ااا انت بتهزر صح  هو ف ايييه انتوا  مالكوا بتتصرفوا بطريقه غريبه كدا ليييه
الطبيب :
خلاص ي نور اهدأ دلوقتى  وهنتكلم   ف كل حاجه بعدين
نور :
لا انا عايزة افهم ف ايييه
الطبيب :
هفهمك كل حاجه بس انا عايزك ترتاحى دلوقتى وهنتكلم بعدين تمام   (ثم وجه حديثه ل أيادوساره )  اتفضلوا معايا علشان نسيبها  ترتاح

خرج الطبيب وأيَاد وساره وتوجهوا الى مكتب الطبيب
أيَاد بعد فهم :
ممكن افهم اييه اللى حصل من شويه دا
الطبيب :
صدمه  نتيجه ل اللى تعرضتله.. عقلها الفتره اللى فاتت كان رافض الحياااه  من بعد يوم الحادثه ف قرر انه يلغى كل حاجه مرتبطه بالحادثه ف حصلها فقدان للذاكره لاخر فتره  من حياتها...  يعنى بمعنى اصح هى حاليا عندها 23 سنه وفى 2016 ...  هى كانت بتاخد اى ادويه منشطات او منبهات قبل الحادث
أيَاد :
معرفش  مخدتش بالى من حاجه زى دى
ساره  :
طيب هنقولها ازاى على  موت  اونكل  عامر دى كانت مرتبطه بييه جدا
الطبيب :
احنا هنأجل الموضوع دا ...  المهم انا هكلم دكتور نفسى يحاول معاها فى اعادة تنشيط الذاكرة ..وان شاء الله تفتكر
ساره :
انا دكتورة نفسيه  واقدر اساعدك ف دا
الطبيب :
معلش ي دكتورة  انا عايز نور تقول كل حاجه من غير ضغوط ... واكيد هنحتاج ل مساعدتك
أيَاد :
طيب هى تنفع تخرج من هنا وتيجى معانا البيت
الطبيب :
اوكى مفيش مشكله بس المهم محدش يحاول يضغط عليها  ف موضوع الذاكره  وموضوع والدها
أيَاد :
اكييد
★★★★★★★★★★★
توجه عمر الى مكتب اللواء وبعد أن ألقى التحيه عليه
اللواء :
نور فاقت
عمر :
فاقت! امتى ؟
اللواء :
النهارده خلى  حد يروح ياخد أفادتها مش لازم انت تروح الموضوع اصلا انتهى بس دا أمر روتينى
عمر :
لا انا هروح
اللواء :
على راحتك
عمر وهو ينهض :
تمام ي فندم 
تحرك كلا من  عمر ومازن  ومعهم مُحضر الى المستشفى
توصلوا الى  غرفه نور وكانت بمفردها

مازن بصوت واطى ل عمر :
ايييه البت دى ! دى حلوة قوى
عمر وهو يضغط ع اسنانه  :
اخرس خالص
توجه عمر الى سريرها :
ازيك ي نوور عامله ايه
نور بأستغراب :
الحمد لله .... عمر ؟ انت بتعمل اييه هنا
عمر بحزن  :
البقاء لله ف والدك
نوربزعيق  :
نعم؟؟انت بتقول ايييه انت ...انت مجنون... أطلع بررره 
عمر وهو يحاول تهدأتها :
نوور اهدأ انا مقدر شعورك  بس دا قضاء ربنا ..انا عارف ان والدك كان عزيز عليكى و.....
قاطعت كلامه صوت صرخاتها :
اطلــع بـــــره
دخل الطبيب  وأيَاد وساره الى الغرفه بعدما  سمعوا صوت صراخ نور
أيَاد :
ايييه ف ايييه
نور وهى تمسك بيدة :
ألـــحقنــــى ي أيَاد  المجنون  دا بيقول ان بابا مات ... هو بابا مات فعلا ؟؟
أيَاد :
.................
نور بهسترياا  صراخ :
أيَاد رد عليااا اللى بيقوله دا حقيقى .....(توجهت الى ساره ) طيب بلاش انت ساره الكلام دا حقيقى ....حد يرد عليااااااااااااااا
الطبيب  :
اهدأ ي نورر  .....حقنه بسررعه
أعطاها حقنه مهدئ

خرج الجميع من الغرفه
الطبيب ل عمر :
اييه اللى حضرتك عملته دا
عمر :
انا مش فاهم حاجه هو ف اييه .... انتوا عايزين تقنعونى انها مسألتش على والدها أول ما فاقت
الطبيب :
نور جالها فقدان جزئى ف الذاكره
عمر :
بمعنى ؟  شرح له الطبيب كل شئ عن حاله نور
عمر :
يعنى مش هنعرف اخد أقوالها  ونعرف اييه اللى حصل يوم الحادث
أيَاد بنرفزه :
هو انت  كل اللى ف دماغك تاخد أقوالها وخلاص دا اييه انعدام الاحساس اللى عندك دا
عارف لو الكلام دا طلع منك ف وقت تانى غير دا كان زمان  تصرفى غير دا بس انا مقدر شعورك
يلا ي مازن
ذهب كلا من عمر ومازن من المستشفى
أيَاد ل الطبيب :
هنقدر ناخدها النهارده البيت
الطبيب :
لما تفوق هنعرف هنعمل ايييه
★★★★★★★★★★★
عاد كلا من عمر ومازن الى المكتب
مازن :
خلاص ي باشا هى مكنتش هتزود حاجه خلاص آسر اتحكم عليه وخلصنا
عمر :
هى  الوحيده اللى كان عندها الحلقات المفقوده
مازن :
اكيد مش هتفضل كدا علطول
عمر :
اى ان كان بقا انا خلاص  استلمت قضيه تانيه ودى اتقفلت لان الحكم طلع
مازن :
بالتوفيق ي رب
عمر :
همشى بقا  سلام
★★★★★★★★★★★
سمح الطبيب ل نور بالخروج والذهاب مع أيَاد و ساره الى المنزل
أيَاد :
حمدا لله على سلامتك نورتى البيت
نور :
انا عايزة اروح بيتى
أيَاد :
معلش خليكى معانا الفتره دى هنا وانا هجيبلك كل حاجه تخصك هناك  هنا
نور ببكاء :
و بابا ؟ هتقدر تجيبهولى ....... أيَاد هو اييه اللى حصل ل بابا   انا ليييه مش فااكره حاجه عن الموضوع دا ولا عن سبب قعادى ف المستشفى
أيَاد :
ممكن تهدأ  وكل حاجه هتكون كويسه صدقينى انا معاكى وهفضل معاكى صدقينى
نور ببكاااء :
هتقولى كل حاجه صح
أيَاد :
اكييد بس يلا اطلعى ارتاحى ونتكلم بكره
ذهبت نور الى أحدى الغرف وظلت طواال الليل مستيقظه وهى تحاول تذكر ما حدث ولكن دون جدوى 
★★★★★★★★★★★

فى مكان ما كان هناك اثنان جالسان أحدهما معه هاتف نور والاخر معه اللاب
الطرف الاول :
انا مش عارف افتح البتاع دا
الطرف الاخر :
ولا انا  عامله باسورد ل اللاب كمان  ..... بس الموبيل بيشتغل ب بصمه مجربتش ليه تاخد بصمتها يوم ما كنا هناك
الطرف الاول :
اكيد  عملت كدا ولا بصمه نفعت ف حاولت استخدم كلمه المرور وجربت اسم حبيب القلب ومفيش فايده .... جربه على اللاب يمكن يفتح معاك
الطرف الاخر :
جربته ومفيش فايده  برضو
الطرف الاول  :
لازن افتحهم بأى تمن
الطرف الاخر :
خلاص نفرمطهم وخلاص
الطرف الاول :
لا لازم اعرف عليهم اييه
يتبع