سجين حبك "لعنه حب"

الفصل الرابع عشر

الـبـارتـ الـرابـع عـشـر ♥
أنا لم أكن أدري بأن بداية الدنيا لديك و أن آخرها إليك و أنّ لقيانا قدر

مازال آسر  يقص على ياسين ما حدث معه
فى اليوم التالى كان جالسا فى اليخت شاردا لم ينتبه الى عاصم الذى اتى وجلس بجواره 
عاصم بمرح  :
ايه ي رومانسى من اول لقاء كدا سرحان اومال هتعمل ايه بعدين
آسر بسخريه :
لافي بعدين ولا قلبلين ... هى مجتش اصلا
عاصم بزهول :
اييه دا بجد ؟ لــــيــه كدا
آسر :
معرفش ومش عايز اعرف .
عاصم :
اكيد عندها اسبابها مش انت عرفت بيتها ما تروح تسأل عليها
آسر :
لا طبعا انا مش هقلل من نفسى علشان خاطر واحده معرفهاش ..... اهى راحت ل حال سبيلها
عاصم :
متأكد انها راحت ل حال سبيلها .. البنت اللى تخلى آسر يعرض عليها الخروج  من اول يوم يقابلها فيه ويزعل انها مجتش ويسرح فيها كمان تبقى دخلت  دماغه ومش بيعده تكون دخلت  قلبه كمان
آسر بأستنكار وعصبيه  :
ايه الهبل اللى بتقوله دا ...... حب اول نظرة دا مالوش وجود غير ف الافلام وبس
عاصم :
براحه على اعصابك انت اتعصبت كدا  لييه
آسر :
انت اللى بتقول كلام يعصب
عاصم :
مع علينا خالتك كلمتنى قالت انها رنت عليك اكتر من مره من امبارح والموبيل مغلق
آسر :
فصل شحن ونسيت اشحنه ..... هكلمها لما اشحنه
عاصم :
بطل استهتار وخلى موبيلك مشحون .. انت عارف اننا  بنقلق عليك 
آسر :
انا مبحبش الموبيلات والكلام الفاضى دا
عاصم :
معلش تعالى على نفسك ي  اخويا ....انا مش فاهم انت ازاى مبتحبش التكنولوجيا والسوشيال ميديا وعايش ف ياخت ومبتحبش الاختلاط بالناس  وبتحب الكتابه واتخرجت من هندسه ولحد دلوقتى مشتغلتش بيها ...  انت انسان طبيعى زينا كدا
آسر :
اه طبيعى جدا
عاصم :
ربنا يوقعك ف واحده مجنونه وتجنن اهلك معاها وتطلعك من صومعتك دى ي أخى
آسر:
مفيش واحده تقدر تغيرنا
عاصم :
هنشوف
★★★★★★★★★★
كانت جالسه بالمنزل وهى تفكر فى العشاء الذى لم تذهب أليه او بمعنى اصح ف آسر الذى عرض عليها العشاء 
نور ل نفسها " ي ترى زعل ولا ايه ..ما هو اللى غلطان مدانيش رقمه ..وكمان هو عارف بيتى لو اهتم هيجى يسأل .... وانتِ عايزاه يسأل ليه يعنى ...خلاص بقا انا مش هشوفه تانى والموضوع خلص "
اتت ساره وجلست بجوارها  وبصوت عالى  :
أنتِ ي حجه
نور  بخضه :
ف ايه خوفتينى 
ساره :
بقالى سنه بقولك انا رايحه الملجأ تيجى معايا
نور :
امممم اوكى انا زهقانه اصلا وعايزة اخرج والولاد وحشونى جدا
ساره بفرحه  :
طيب يلا اجهزى ..... وعلفكره احتمال يكون هناك
نور هى تغمز لها :
مين روميو ؟!
ساره  بضجر :
اه ي غلسه  روميو ... يلا بقا اجهزى وألا هسيبك وامشى
أبدلت ملابسها وتوجهوا الى الملجأ
لعبت مع الاطفال حبتهم جدا أحست وكأنها طفله فى نفس عمرهم وقضت وقت لطيف معهم   
ساره بضيق :
يلا بقا شكله مش جاى دا أنتِ  نحس
نور  :
شكرا أمدحى فيا كمان وكمان 
ساره :
طيب يلا
نور :
لحظه واحده هصورهم وهاجى .. 
اتصورت مع الاطفال وعادوا الى المنزل
نور :
عايزة اقولك ع حاجه
ساره :
اتفضلى
نور :
هو أنتِ  لو حد عزمك على عشاء وأنتِ  مروحتيش المعاد دا وكمان متصلتيش عليه تعتذرى على المعاد ممكن يزعل
ساره :
اكــــيــد هيزعل وأنتِ   متصلتش ليه بقا
نور بتردد :
اناا ايـــه لا دى مش انا دا حد تانى غيرى
ساره :
موضوع صحبتى والكلام دا  فكسان ومش هداخل دماغى أخلصى ي ماما
نور :
هقولك بس أياكى تقولى ل اخوكى
ساره :
عيب عليكى
نور :
مكنش معايا رقمه
ساره :
رقمه ! هو واحد ... نهار مش فايت أنتِ  بخرجى مع واحد من ورانا
نور :
أخرج اييه ي هبله أنتِ  دماغك راحت فين ... الموضوع انه عمل معايا موقف كويس ف دا كان عشاء امتنان ليه  مش أكتر
ساره بفضول  :
اممم فهمت ... بس ايه الموقف دا ؟
نور بمزاح :
أنتِ  مالك أنتِ  ... المهم اعمل ايه
ساره :
انا لو مكانك وهو فعلا علمى حاجه انا مديونه ليه بيها يبقى مفروض تعتذريله وتفهميه أنتِ  مروحتيش ليه
نور :
بس انا معييش رقمه يعنى لو عايزة اكلمه مفروض اروحله المكان اللى عايش فييه
ساره :
هتروحى فين ؟  ... لا طبعا .. خلاص سيبك منه لو قابلتيه صدفه قوليله ... بلاش مجازفه
نور :
انا قولت كدا برضو ... كفايه عليا اخوكى
ساره  :
والله اخويا دا غلبان ...أنتِ  اللى ظالمه
نور :
انا برضو؟ .. طبعا لازم تدافعى عنه ما هو اخوكى
باااااك
ياسين وهو يستريح بعدما وضع الصناديق مكانها ووقف يجفف عرقه قال بزهول   :
يعنى انت شوفتها واتكلمت معاها كمان
آسر :
اه
ياسين :
ايه اللى حصل بعد كدا
آسر وهو ينهض :
هكملك بعدين يلا نكمل الشغل
★★★★★★★★★★★★ أمر عمر العسكرى بأحضار آسر الى مكتبه وبعدما أتى
آسر :
روحت واتأكدت من اللى قولتلك عليه ؟
عمر وهو يخرج الورقه ل آسر  :
الكلام دا حصل ازاى وامتى
آسر :
التاريخ عندك
عمر :
انا مش مصدق ان الورقه دى حقيقيه ... حاسسها متفبركه
آسر :
ممكن توديها لحد بفحصها انا معنديش مانع
عمر :
ازاى عامر بيه كان حاضر ...لما هو كدا انت قتلته ليه ؟
آسر :
قولتلك لما نور تيجى هقول كل حاجه
عمر :
انا لو اقتنعت باللى بتقوله دا نور مش هتقتنع
آسر :
دى مهمتك بقا ي عمر بيه
عمر :
انا مش عارف انت طلعتلى منين ومعرفش انا عايز اساعدك ليه
آسر :
لانك عايز توصل للحقيقه .... وحاسس ان اللى بقوله صح
عمر :
ماشى خلينا وراء الكذاب لحد باب البيت هروحلها النهارده وهحاول اقنعها
آسر :
اتكلم معاها  فى مكان بعيد عن البيت  ... اقولك روح العنوان دا (...... ) والمفاتيح هتلاقيها ف الشنطه اللى معاك ...ولتانى مره خبيها ف مكان أمان  وياريت يكون بعيد عن بيتك
عمر :
شقه مين دى ؟
آسر :
شقتى
عمر :
ازاى لما عملنا تحريات منكش ف شقق بأسمك
آسر :
انا كتبتها بأسم عاصم
آسر :
دا انت مظبط كل حاجه بقا
★★★★★★★★★★★★
رأت أياد غارقا ف التفكير فتوجهت اليه
نور :
انت لسه برضو متضايق من موضوع  وجود  البنى ادم دا هنا
أياد :
انا مش عارف هى ليه بتعمل معانا كدا هو احنا مش اولادها
نور :
خلاص ي سيبك منه وكأنه مش موجود
أياد :
ازاى يعنى انا بروح الشغل كل يوم وانتِ بتفضلى هنا ازاى هطمن عليكى وهو موجود هنا
نور :
متقلقش هو مش هيعملى حاجه لو انت مش مطمن قوى كدا انا ممكن ارجع بيتى وانتهى الحوار
أياد :
دا على أساس انك كدا حليتى الموضوع انت صعبتيه اكتر ...على العموم انا هدور على شقه ننقل فيها كلنا انا وانتِ وساره لحد ما اشوف حل للموضوع دا
نور :
المهم متتعبش نفسك وترهق نفسك ف التفكير
أياد :
اول مره احس انك قلقانه  عليا ؟
نور :
ومقلقش عليك ليه ؟
أياد :
يمكن لانى وحشتنى نور القديمه اللى كانت معايا انا وبس
نور :
هو انا دلوقتى مش معاك انت وبس ؟
أياد ظل ينظر أليها من دون ان يتحدث ثم أردف :
يمكن تكونى معايا بس قلبك وعقلك مش معايا
نور :
بمعنى ؟
أياد :
مفيش معنى .. هو كدا وبس
نور " معقوله يكون عرف ؟ " :
طيب هقوم انا بقا مش عايزة اعطلك اكتر من كدا عن اذنك
تركته وصعدت الى غرفتها لتفكر ف كيفيه حل تلك المشكله رن هاتفها وكان المتصل عمر أعطاها العنوان لتذهب لمقابلته هناك أرتدت ملابسها وتوجهت الى هناك من دون أعلام احد وظلت تتجول بالسياره ف اماكن كثيره مثلما اخبرها عمر ان تفعل وتوجهت الى أحدى المولات ودخلت من الباب وخرجت من الباب الاخر الذى يوجد ف الشارع الآخر واخذت تاكسى وتوجهت الى العنوان
★★★★★★★★★★★★
كان احمد جالسا فى المنزل شارد فى التفكير اتت فريده وجلست أمامه
فريده :
ايه سرحان ف ايه
أحمد بشرود :
مفيش
فريده :
مالك بقالك مدة مش مظبوط ف ايه
أحمد بزعيق:
قولت مفيش ي فريده
فريده بعصبيه :
انت بتعلى صوتك عليا انت نسيت نفسك ولا ايه لا فوق وصحصح كدا انا اللى عملاك وانا اللى بأيدى اخسفك
أحمد وهو يغادر:
مش هتبطلى طريقتك دى
فريده :
اى طريقه انت اللى استفزيتنى
أحمد :
عارفه ي فريده ايه عيبك الوحيد انك شايفانى قليل قوى
فريده :
اسفه كنش قصدى
أحمد :
ولو قصدك مش فارقه ...اصلا احنا لسهمع بعض بسبب الحاجه اللى انا وانتى عارفينه
فريده :
لا انا....
أحمد وهو يقاطعها :
متحاوليش ي فريده انا عارف كل حاجه بس بستعبط علاقتنا مبنيه على المصالح وبس وكل واحد فينا عارف الكلام دا كويس يبقى مالوش داعى التجمل
فريده :
يعنى انت عايز ايه
أحمد :
مش عايز حاجه انا طالع انام تصبحى على خير
★★★★★★★★★★★★ الطرف الاول :
نور مبقتش بتقول لحد حاجه وبقت بتتصرف بغرابه اليومين دول خايف ل توصل ل حاجه وخصوصا الضابط دا شكله مش هيجيبها لبر
الطرف الاخر :
ما انا قولت نخلص منه مرضتش
الطرف الاول :
شكلنا هنعمل كدا فعلا
الطرف الاخر :
بس خد بالك مش عايزين أى غلط وألا هنروح ف داهيه
الطرف الاول :
متخافش انا هتصرف وهخليها نضيفه .... والست نور دى بقا سيبوها عليا
الطرف الاخر :
ها اما نشوف
★★★★★★★★★★★
احضر احمد كوبان قهوه ووضعهم على الطاوله
احمد :
بقيت متعود  على وجودك ف حياتى بقيتى جزء اساسى منها
مريم :
ي سلام مش للدرجه دى يعنى
أحمد :
واكتر كمان .... مريم انا حبيتك
مريم بزهول:
انت بتقول ايه
أحمد :
الحقيقه انا بقول الحقيقه 
مريم  :
مش شايف ان الكلام دا بدرى قوى احنا نعرف بعض من مده صغيرة
أحمد :
اهى المده دى بقى غيرتنى وخلتنى اعيد تفكير فى حاجات كتيرة ومستعد اعمل المستحيل علشان اكون معاكى
مريم " ايه اللى بيصلى دا انا ليه بصدقه لا ي مريم فوقى "  :
انا لازم امشى
احمد :
مريم استنى انا
مريم وهى تنهض قبل ان ينهى كلامه :
سلام
★★★★★★★★★★★
وصلت نور  الى العنوان الذى أخبرها به عمر وصعدت الى الدور الرابع ورنت الجرس  فتح لها عمر ودلفت الى الداخل
نور :
ف ايه  وايه المكان دا ؟
عمر :
تعالى ورايا (دلفوا الى أحدى أركان الصالون وشاور لها الى مجموعه الصور المعلقه على الحائط )
عمر :
شوفى الصور دى
كانت صور لها هى وآسر  فى أكتر من مكان وأسفل كل صورة التاريخ والحدث ظلت تتفقد كل الصور الى ان وقعت عينها على أخر صورة
نور بزهول :
ازاى دا ؟
عمر :
زى ما انتِ شايفه كدا ... من الواضح انه مكنش حب وبس
نور وهى تمسك الصورة بين يدها :
ازاى انا وهو وبابا متصورين مع بعض  ؟
عمر :
ولسه المفاجأه الاكبر
نور :
مفاجأه ايه ؟
عمر :
آسر طالب يشوف مراته 
نور بزهول :
هو متجوز ؟
عمر :
ايوا متجوزك انتِ
نور بزهول :
ايـــــــــــــــــــــــــــــــه !؟

يتبع