سجين حبك "لعنه حب"

الفصل الحادى عشر

البارت الــحــادى عــشــر ♥
"هل للشوق وزن؟ - لا أعرف، و لكن قَلبي يُصبح بثقل الجِبال كلما إشتقت ُ إليك."

كان عمر ف المنزل كانت اسماء بجواره
أسماء :
مالك ؟
عمر :
مفيش ي حبيبتى 
أسماء :
انت بتتعب نفسك جامد ف الشغل دا .... لما ترجع البيت حاول تفصل علشان صحتك
عمر وهو يضع يده على بطنها المنتفخه  :
حاضر ي حبيبتى ... المهم أنتِ  عامله ايــه دلوقتى
أسماء :
بنتك متعبه جدا يعنى
عمر :
طالعه ل مامتها هى هتجيبه من بره
أسماء بأستنكار :
طيب ليه متكونش طلعالك انت
عمر :
انا متعب دا انا طيب وغلبان
أسماء :
اها جدا انت هتقولى
عمر :
ي بنتى أنتِ  حبيتينى اصلا بسبب طيبتى .... وانا حبيبتك علشان طوله لسانك
أسماء :
لا ي راجل   ؟
عمر :
ايوااا  مش عاجبك
أسماء
اه مش عاجبنى ورينى هتعمل اييه
عمر وهو يلقى عليها احدى المخدات الصغيره :
هعمل كدا
أسماء تمثل التعب :
اااه
عمر بخضه :
اييه ف اييه ... اسف والله مكنش قصدى هو أنتِ  هتولدى ولا ايه
أسماء بأبسامه :
ههههههه دخلت عليييك تعيش وتاخد غيرها
عمر وهو يلقى ما تبقى من المخدات عليها :
تصدقى انك هبله وتستاهلى اللى اعمله فيكى
بدأت ف التأوه والصراخ :
ألحقنى ي عمر انا بولد
عمر :
انا صدقتها المره الاولى مش هصدقك المره دى كمان هو انا مجنون
أسماء بصراخ :
اااه مجنون انا بولد بجد  يخربيتك
عمر :
نعم بتولدى بجد !
أسماء بتعب :
مش وقت انبهار خالص أخلص أطلب ماما ولا الاسعاف ولا اى نيله ف اليوم اللى مش فايت دا
عمر :
طيب خلاص يلا قومى هوصلك بالعربيه
نقلها الى المستشفى وظل فى حالته توتر أمام غرفه العمليات
★★★★★★★★★★
توجهت نور الى منزلها للبحث عن اى شئ توجهت الى غرفتها وظلت تبحث بها لم تجد شئ وأثناء خروجها وجدت بوكس  موسيقى على الكومود بجوار السرير أمسك بها وظلت تحاول تشغيلها فحركت الغطاء مكان وضع الحجاره  وجدت ورقه صغيره مطويه فتحتها  " كتب الكتاب الساعه 1  بحبك "
ورساله أخرى ف ورقه
" لو فكرتى انى ممكن اتخلى عنك فى يوم من الايام .....تبقى غلطانه هو فى حد ممكن يتخلى عن نفسه .....طبعا لا .... انتِ نفسى ي نور يبقى هتخلى عنك ازاى ؟ ......على الرغم من كل اللى مرينا بيه الفتره اللى فاتت ...  فضلت جنبك وفى ضهرك وحبى ليكى كان بيزيد ....مع ان التخلى عنك كان سهل بس انا مقدرتش مقدرتش اتخلى عن البنت الوحيده اللى قدرت تقتحم اسوار قلبى .... حبى ليكى ميتوصفش ولا يكفى لعمر واحد .... لو فكرتى انى ممكن اتخلى عنك افتكرى انى علشان افضل معاكى واحميكى محيت آسر اللى بيحبك ....وبقيت شخص تانى خالص ....كل  اللى بيحصل دا هياخد وقته وهيعدى وهترجع كل حاجه زى الاول ودا وعد منى ....انا مش هطلب منك غير الصبر وكل حاجه هتبقى تمام ثقى فيا ......آسر 
نور لنفسها "دا اللى هو ايه دا كتب كتاب ايه دا وليه آسر يبعتلى حاجه زى دى  ؟
أخذت بوكس الموسيقى والورقه وخرجت من المنزلها وتوجهت الى المنزل أياد
★★★★★★★★★★
كان يحمل صناديق الخضروات التى كلفه بها العسكرى بحملها و وضعها ف مخزن المطبخ أنهى ياسين العمل المكلف به وتوجه الى آسر لمساعدته
ياسين :
اييه ي بنى انت لسه مخلصتش
آسر :
لا الصناديق كتيره
ياسين وهو يعطيه زجاجه ماء  :
والجو حر كمان خد أشرب مايه واقعد استريح شويه ونقوم نشيلهم مع بعض
آسر وهو يأخذ الزجاجه ويضع بعض القطرات على وجهه لينعش نفسه  :
تسلم
ياسين :
ما تخفف اللبس دا انت لابس التىشيرت الى ب بكُم دا ليه تحت اللبس
آسر :
عادى انا مبحبش ألبس نص كُم
ياسين :
اوقات بتعمل حاجات مالهاش تفسير
آسر :
طيب يلا بقا لو العسكرى  شافنا مش بعيده يدخلنى الانفرادى
قاموا بحمل الصناديق وجلسوا مره اخرى
آسر بتعب رفع كُمه الايسر بعفويه  :
آف اييه دا كل دى صناديق
ياسين وقد رأى شئ من أسفل على يده فقال بزهول   :
ايه دا ي آسر ؟
آسر بتردد  وهو يخفى معصمه بالكُم :لا مفيش متخدش فى بالك 
★★★★★★★★★★
كان مازن وساره جالسان معا  على البحر ف وقت متأخر من الليل
ساره :
انا مش عارفه انا ازاى سمعت  كلامك وجيت  معاك ف البرد دا ؟
مازن :
طيب انا راضى ذمتك ف احلى من الجو دا ؟ المكان هادئ ومفيهوش حد والهواء نقى
ساره :
وهناخد برد
مازن :
ما ناخد فيها ايه يعنى ؟ المهم انك تكونى مبسوطه ف الوقت الحالى واللى هيحصل بعدين دا شئ بأيد ربنا مالناش اننا  نفكر فيه
ساره بأستغراب :
انا مش فاهمه كميه السلام النفسى اللى انت فيها دى جايبها منين
مازن بمرح :
من عند البقال هبقى اجيبلك وانا جاى المره الجايه
ساره :
ه ه ه   ظريف
مازن :
انت مش واخده بالك انك اخدتى عليا جامد
ساره :
اه وفيها ايه ...وبعدين انا الكبيره
مازن بضجر :
دى هى سنه
ساره :
كبيره ولا مش كبيره
مازن  بضيق :
لا مش كبيره ..وبعدين مش بالسن علفكره
ساره :
طيب  خلاص مالك قفشت كدا ليه ..... يلا علشان نمشى انا اتاخرت 
مازن :
يلا ي اختى  ..... هشوفك بكره
ساره بتفكير :
اممممممم
مازن :
مش مهم رأيك اصلا .... خلاص هنتقابل بكره
ساره :
لا ي شيخ
مازن  :
اه ... بطلى بقا البؤس اللى جواكى دا وعيشى حياتك ... هاا قولتى ايه نتقابل بكره
ساره بأبتسامه : تمام
*************************
امام غرفه العمليات خرج الطبيب
عمر :
خير ي دكتور طمنى
الطبيب :
مبروك جالك بنوته زى القمر
عمر :
الله يبارك ف حضرتك والمدام عامله ايه
الطبيب :
كويسه عن اذنك
والدته أسماء :
مبروك ي حبيبى تتربى ف عزك
عمر :
الله يبارك فيكى ي أمى
خرجت الممرضه ومعها الطفله واعطتها ل عمر
حملها وكبر ف اذنها وحنقها بالتمر ثم توجهوا  الى غرفه أسماء
والدتها :
حمدا لله على سلامتك ي بنتى
أسماء :
الله يسلمك ي ماما
عمر وهو يقبل رأسها :
حمدا لله على سلامتك
أسماء :
الله يسلمك .. هاتها عايزة اشيلها 
عمر اعطاها الطفله  :
اتفضلى
أسماء :
هو سيف  فين ؟
عمر :
سيبته مع الجيران
أسماء :
طيب احنا هنروح امتى
الام :
وقت ما الدكتور يسمح بخروجك وبعدين أنتِ  مستعجله ليه !
أسماء  :
عايزة ابنى
عمر :
هى الامومه نقحت عليكى دلوقتى دا أنتِ  كنتى بتسيبيه يعيط وبتنامى
أسماء :
كنت عايزنى اعمل ايه يعنى كنت حامل وتعبانه ومش قادره اقوم ويعدين انت مبتعملش حاجه خالص 
عمر :
عايزيانى اعملك اييه ما انا قولتلك اجيبلك واحده تساعدك موافقتيش
أسماء  :
اه علشان  تعجبك و تحبها وتتجوزهها
عمر :
أنتِ  ف حد ف عيلتك اهبل 
الام :
بس بطلوا انتوا ف مستشفى ايه شغل العيال دا
أسماء :
هو اللى بدأ الاول
عمر :
عارفه لو مش لسه والده كنت اديتك على دماغك بس يلا بقا انا الكبير
أسماء :
اعملها ما انت ظالم
الام :
والله لو مابطلت انت وهى الهبل دا ل اصوت وألم الناس عليكوا اروحمونى بقا
ظلوا يضحكوا على جنانهم
★★★★★★★★★★
عادت الى المنزل ومعها كل ما وجدته ف منزلها
ساره :
أنتِ   كنتى فين
نور وهى تحاول أخفاء الاشياء خلفها :
كنت بتمشى شويه
ساره بشك  :
ايه اللى أنتِ  خبيتيه وراكى دا ؟
نور :
مفيش ... انا هطلع انام عن اذنك
ساره :
اتفضلى .... علفكره أياد سأل عليكى وقالى اول ما توصلى اتصلى بيه ... يعنى لو عايزة تتصلى
نور :
اوكى
تركتها وتوجهت الى غرفتها ...
"انا لازم اورى ل عمر الورقه دى ولازم اخلى كل تحركاتى سريه شويه ومعرفش حد ان ناويه اعمل ايه " 
جلست تفكرف  الخطوة التاليه
★★★★★★★★★★
ياسين بعصبيه :
انت ازاى تعمل كدا
آسر :
عملت ايه ؟
ياسين :
انت راسم وشم على ايدك وبتسأل عملت ايه ؟ انت مش عارف انه حرام
فى حديث بيقول  ﻋﻦ اﺑﻦ ﻣﺴﻌﻮﺩ ﺭﺿﻲ اﻟﻠﻪ ﻋﻨﻪ ﻗﺎﻝ "ﻟﻌﻦ اﻟﻠﻪ اﻟﻮاﺷﻤﺎﺕ ﻭاﻟﻤﺴﺘﻮﺷﻤﺎﺕ، ﻭاﻟﻨﺎﻣﺼﺎﺕ ﻭاﻟﻤﺘﻨﻤﺼﺎﺕ، ﻭاﻟﻤﺘﻔﻠﺠﺎﺕ ﻟﻠﺤﺴﻦ اﻟﻤﻐﻴﺮاﺕ ﺧﻠﻖ اﻟﻠﻪ» رواه  البخارى و مسلم
آسر بأسف  : 
انا مكنش ف دماغى كدا خالص ... بجد مكنش قصدى ومكنتش اعرف  انه ملعون 
ياسين :
المهم انك عرفت دلوقتى ومش هتكرر الموضوع دا تانى وهنشوف حد لو يعرف يشيله
آسر بحزن :
بس دا دائم
ياسين :
هنحاول ولو منفعش خلاص انت توبت ومش هتعمل كدا تانى وربنا رؤوف رحيم
آسر :
ممكن اطلب منك طلب ممكن تعلمنى حاجات ف الدين اكتر وتساعدنى
ياسين :
من عنيا
آسر :
تسلملى ي رب
ياسين :
بس لحظه انت كنت عامل العلامه دى مع مين بقا  ؟
آسر :
نور
ياسين :
يعنى انت عملتها على اسمها
آسر :
لا انا وهى اللى عملينها مع بعض
ياسين بعدم فهم :
مش فاهم
آسر :
ما انا قولتلك حكايتنا فيها حلقات مفقودة كتيرة هتعرفها قريب جداا
ياسين :
اما نشوف بس انا قدامى شهر واخرج ف اخلص قول بسرعه
آسر :
قبل ما تخرج من هنا هتكون فاهم كل حاجه
★★★★★★★★★★★★
هاتفت عمر واتى لها صوته بعد فتره
نور :
عمر عايزاه اتكلم معاك ف حاجه ضرورى
عمر :
اتفضلى انا سامعك
نور :
مش هينفع على التليفون لازم اشوفك
عمر :
طيب انا مش ف الشغل انا ف البيت تعرفى تجيلى
نور :
تمام انتوا لسه ساكنين ف البيت اللى اتجوزت فيه انت واسماء صح
عمر :
ايوا
نور :
تمام مسافه الطريق وهكون عندك
★★★★★★★★★★★★
كانت ساره جالسه على الكورنيش بأنتظار مازن الذى ذهب ليحضر لها شئ لتأكله
أتى معه  اتنين ايس كريم
مازن وهو يعطيها احدهما :
اتفضلى
ساره بزهول :
ايس كريم ف السقعه دى ؟ انت ناوى على موتنا صح
مازن :
انتِ تانى ...اقولك (اخد منها الايس كريم ) بلاش منه هأكله انا لوحدى
ساره وهى تأخذه منه :
لا لا  خلاص اهو اللى يجيى منك ا........
مازن وهو يقاطعها :
ايه ؟ والله لو كملتى ل أخده منك ...بقا دى كلمه شكرا اللى مفروض تقوليها
ساره :
خلاص ي عم  شكرا
مازن بضجر :
بعد ايه ؟
ساره بأبتسامه  :
خلاص متزعلش ..بجد شكرا ...شكرا على كل حاجه عملتهالى وشكرا على وجودك ف حياتى
مازن  بفخر مصطنع :
والله الكل  بيقولى كدا ....انت وجودك ف حياتنا نعمه بس انا مبحبش اتكلم عن نفسى علشان متقولوش انى مغرور
ساره  بأستنكار :
لا انت مش مغرور لا سمح الله ...دا انت الغرور ف حد ذاته
مازن :
شكرا شكرا لا داعى للتصفيق 
ساره:
العفو ي اخويا
مازن بجديه :
انا اللى المفرض اشكرك انتى خليتى ل حياتى معنى
ساره بكسوف :
الشكر لله ....احم يلا بينا انا لازم اروح البيت قبل ما اروح الشغل
مازن :
يلا بينا
★★★★★★★★★★★★
فى مكان ما
الطرف الاول :
طمنى اخر الاخبار ايه
الطرف الاخر :
راحت بيتها القديم بس معرفتش راحت تعمل ايه
الطرف الاول بعصبيه  :
اومال لازمتك ايه
الرف الاول :
عايزينى اعمل ايه يعنى ادخل وراهاالبيت علشان تقفشنى
الطرف الاول :
اتصرف اعرفى كانت بتعمل ايه هناك بأى طريقه انت لسه بتراقبها صح
الطرف الاخر :
ايوا وهى ف طريقها ل بيت الظابط اللى اسمه عمر دا
الطرف الاول :
عايزك تعرفلى قالوا ايه انت فاهم
الطرف الاخر :
ازاى يعنى بقولك راحت بيته
الطرف الاول :
ماليش فيه اتص رف ثم اغلق الهاتف بعنف " ناويه على ايه ي بنت الدميرى مش هسمحلك تبوظيلى كل اللى عملته  "
★★★★★★★★★★★★ توجهت نور  الى منزل عمر ...استقبلها هو بنفسه
نور :
أسفه لو كنت ضايقتك بمجيئ
عمر :
عيب اللى بتقوليه دا دا بيتك تشربى ايه
نور :
لا شكرا مالوش لزوم اومال اسماء فين؟
عمر :
عقبالك ان شاء الله اسماء ولدت من كام يوم وماصدقت ان البنت تنام ف نامت هى كمان
نور :
حمدا لله على سلامتها ومبروك
عمر :
لما نخلص كلامنا هتكون صحيت هدخلك ليها
نور  وهى تخرج بوكس الموسيقى والورق :
تمام ... المهم شوف الورق دا انا لاقيته ف البوكس دا 
عمر بعدما قرأ الورق  :
كتب كتاب ايه دا ؟
نور :
معرفش بس اكيد دى حاجه ليها علاقه ب آسر لان الورقه دى  كانت مع الجواب ف نفس المكان وهو اللى قالى ادور ف اوضتى يعنى ليه دخل بالموضوع
عمر :
انتِ مفتكرتيش حاجه لحد دلوقتى
نور :
لا ...
عمر :
انا هوريله الحاجات دى و هحاول  اطلع منه بحاجه
نور :
ياريت ي عمر لانى تعبت جدا
سمع صوت خارج  من غرفه اسماء
عمر وهو يتهض :
اسماء شكلها صحيت  عن اذنك لحظه واحد وجاى
نور :
اوكى اتفضل
توجه الى الغرفه وكانت اسماء مستيقظه وجالسه على السرير
عمر :
انتِ صاحيه من امتى
أسماء بضيق   :
من زمان 
عمر :
طيب مش ناديتى عليا ليه كنا جينا نقعد معاكى دى نور اللى بره مش حد غريب
أسماء:
حبيت اسيبكوا على راحتكم
عمر :
راحتنا ؟  انتِ بتتكلمى بجد ولا بتهزرى
أسماء بعصبيه   :
لا بتكلم بجد ... انت عارفنى مبعرفش انافق حد مش هعرف اتعامل معاها طبيعى زى الاول وانا عارفه انها كانت سبب ف اذيتك ف يوم من الايام
عمر بنرفزة :
وطى صوتك  وميعلاش مره تانيه فاهمه .... الهبل اللى ف دماغك دا طلعيه وبلاش تخربى بيتك بأيدك واتعاملى كويس معاها فاهمه ...انا هناديها ..ولو عملتى اى حركه مش تمام حسابك هيبقى معايا
دلفت نور الى الغرفه
نور وهى تسلم عليها :
حمدا لله على سلامتك وسلامه البيبى
أسماء :
الله يسلمك
نور :
وحشانى جدا بقالنا كتير متقابلناش
أسماء:
مشغوليات بقا وكدا ... وبعدين انتِ مش فاضيه ..وراكى حاجات كتيرة الله يكون ف عونك
نور بأسف  :
انا اسفه على اللى حصل ل عمر زمان بسببى والله مكنتش اعرف دا انا لسه عارفه من فتره بالموضوع دا
أسماء  ببرود :
عادى ولا يهمك  ...كلنا فداكى 
نوراحست بجفاء أسماء ف الحديث فقالت وهى تنهض   :
طيب انا مبسوطه انى شوفتك كويسه ..همشى بقا علشان اتاخرت عن أذنكم
عمر وهو ينظر ل أسماء :
استنى هوصلك
نور :
لا مفيش داعى انا هروح لوحدى شكرا جدا ليك ولو حصلت حاجه جديده قولى عليها
عمر :
تمام ان شاء الله
غادرت منزل عمر
أما عمر فلم يتحدث مع أسماء أبدل ملابسه وتوجه الى العمل بدون ان يتفوه بكلمه
★★★★★★★★★★★★
كان أياد جالس ف المنزل يباشر عمله واتت والدته
الام :
اومال نور فين ؟
أياد :
خرجت تشم شويه هواء
الام :
انتوا ناويين تتجوزا امتى
أياد :
لسه شويه لحد ما نفسيه نور تهدأ
الام بسخريه :
ي حنين هى نفسيتها مالها ان شاء الله ؟
أياد :
اعتقد انتِ عارفه كويس قوى نفسيها مالها ... واحده صحيت الصبح لاقت والدها ميت وفى فتره من حياتها نسياها ومش فاهمه اى حاجه من اللى بتحصل حوليها اعتقد لو انتِ مكانها مش هتتحمل كل دا
الام :
ما انا علشان كدا بقولك اتجوزها لازم تكون جنبها
أياد :
ان شاء الله هقولها هنشوف هتقول ايه
الام :
سيب انا  الموضوع دا عليا
أياد :
ياريت متضغطيش عليها هاا
الام :
متخافش .... علفكره أحمد جاى النهارده يعيش معانا
أياد بعصبيه :
تانى هنتكلم ف الموضوع دا تانى
الام :
لا انا مش بتكلم انا بقولك
أياد :
انتِ ايه ي شيخه بعد ما نصفينا من نحيتك  ورجعنا نتعامل معاكى على انك امنا ... رجعتى تعملى تانى الحاجات اللى بتكرهينى فيكى ليه تانى
الام :
انا اللى بكرهكوا فيا ولا عامر هو  اللى خلاكوا تكرهونى من الاول
أياد :
سيبى عمى ف حاله كفايه قوى أذيتك ليه وهو عايش ...والكلام دا تضحكى بيه على حد غيرى
الام :
هو اللى بدأ والبادى أظلم ... وانت بلاش تبدأ معايا علشان مترجعش تندم
أتت نور ف تلك اللحظه وسمعت جزء من حديثهم توجهت ناحينتهم
نور :
ف ايه مالكم
الام :
اهلا بالعروسه .. مفيش ي حبيبتى قوليلى هننزل نجيب فستان الفرح امتى
نور بعدم فهم  :
فرح مين ؟
الام :
فرحك أنتِ وأياد
نور وهى تنظر ل أياد  :
بس احنا متفقناش على فرح ولا اى حاجه من الكلام دا
الام :
ما احنا بنتفق اهو
نور :
احنا كدا بنتفق ؟ وانت رأيك ايه ف الكلام دا
أياد :
الرأى رأيك ي نور أنتِ عارفه كويس قوى انى عايز اتجوزك دلوقتى قبل بكره
نور :
يعنى موافق ؟
أياد :
اكيد موافق بس برضو رأيك  هو اللى هعمل بيه انا عايز راحتك
نور :
ممكن نأجل الكلام ف الموضوع دا دلوقتى
الام بعصبيه  :
انتِ هتفضلى تقولى هنأجل هنأجل ف ايه انتِ بتتدلعى على ايه
أياد :
ماما لو سمحتى خلاص هى حره
نور :
انا مبتدلعش ي طنط بس من حقى اعرف ايه اللى حصلى ف الفتره الاخيره من حياتى قبل ما ابدأ حياه جديده ولا دا مش من حقى
الام :
طيب ما تعرفيها وانتِ متجوزة
نور بأستغراب :
هو حضرتك مهتمه قوى بجوازنا كدا ليه
الام :
ابنى وعايزة اطمن عليه
نور :
ودا من امتى دا حضرتك طول عمرك مبتهميش غير بنفسك وبس ايه اللى جد ؟
الام :
اعتقد ان ابوكى هو اللى كان السبب  هو اللى بخ سمه ف دماغ ولادى على انى مبحبهمش وعايزة فلوسهم
نور :
لا ي طنط بابى مكنش بيبخ سمه ولا حاجه دى كانت الحقيقه حضرتك كل اللى هامك ف علاقتك بولادك الفلوس وبس
الام :
انتِ بنت قليله الادب
أياد :
ماما لو سمحتى نور مش قيله الادب
الام :
ماشاء الله وكمان بتدافع عنها بدل ما تيدها بالقلم على وشها لانها بتغلط ف حقى
نور :
انا مغلطش علشان حد يضربنى  انا بقولك الحقيقه ... اللى خلتك تخسرى  ولادك
قاطع حديثها دخول شاب ف نفس عمر أياد تقريبا ودلف الى الصالون
أياد :
نور اطلعى فوق لو سمحتى
نور :
مين دا ؟
أياد بعصبيه  :
قولت أطلعى فووق
صعدت الى الاعلى وهو توجه ناحيه الشاب والشرر يتطاير من عيناه
أياد ل أحمد :
انت ايه اللى جابك هنا
أحمد :
جاى  بيت مراتى 
أياد بعصبيه :
لا ي بابا دا بيتى انا واختى ....ومش مسموح بوجودك هنا 
احمد ل زوجته :
شوفتى ابنك بيطردنى من بيتك
الام :
اياد احترم نفسك ولازم تتعامل معاه بأسلوب احسن من كدا
أياد :
وماله تحبى أقوله ي أونكل  كمان وابوس ايدة
أحمد بسخريه :
وماله  مش حرام انا ف مقام والدك
أياد بعصبيه وهو يمسك ب ياقه قميصه   :
والد  مين دا ...انا ابويا ضفره بميه زيك
اتت ساره وحاولت ان تفك الجدال القائم بينهم
الام وهى تبعد اياد عن أحمد :
بس بقا.... احمد هيعيش معانا هنا وانت مالكش دعوة بيه كأنه مش موجود
أياد :
لا يعنى لا
سارة :
اكسر الشر وخليه يعيش هنا وخلصنا من الموضوع دا بقا
اياااد 😒:
ماشى  انا  هشوف بيت تانى وهنسيبلكوا البيت دا كله تشبعوا بيه ....وانا بحذرك لو قربت من سارة او نور هقتلك 
أحمد وهو يدع يده على كتف والدة أياد :
متخافش مراتى مالية عينى
سارة وهى تنظر ليده :
ياريت تحترم شعورنا ومتعملش الحركات دى قدامنا دى مهما إن كانت والدتنا برضو
الام :
تعالى اوريك الاوضه
غادر أياد و صعد أحمد وزوجته الى غرفتهم

وذهبت لعملها
بينما كانت هى تباشر عملها أدخل الممرض المريض التالى
ساره وهى تنظر الى الاوراق التى امامها :
اتفضل حضرتك اقعد
الشاب :
طيب بصيلى طيب دا انا شاب قمر وحلو
رفعت نظرها وجدته مازن هتفت بزهول  :
انت بتعمل ايه هنا ؟
مازن :
اعمل ايه مش عارف اتلم عليكى  قولت اجى اعمل نفسى مريض يمكن نعرف نتكلم
ساره :
ايه جنان دا ما احنا كنا مع بعض من كام ساعه  .... وبعدين انت ماعندكش شغل ولا ايه
مازن :
لا معنديش (  رن هاتفه وكانت المتصل عمر اجاب عليه وكان يطلبه ليحضر له على الفور ) نقيتى فيها ي اختى  اه الشغل عايزنى
ساره بأبتسامه
طيب يلا روح  وهبقى اتصل عليك  عشان نخرج  علشان متزعلش ...خد بالك من نفسك
مازن  :
وانتِ كمان
★★★★★★★★★★★★ ابدل احمد ملابسه ثم هبط الى اسفل وكان على وشك الخروج  ولكن اوقفه صوت فريده
فريده :
رايح فين :
أحمد :
رايح الشغل ما انا بشتغل برضو
فريده :
شغل ايه دا ؟ هو انت مش شغال ف القاهره
أحمد :
ايوا بس لما عرفت اننا جايين هنا قولتلهم ينقلونى الفرع اللى هنا لحد ما حبيبتى تمسكنى الشغل مكانها ف شركتها اللى وعدتنى بيه ولحد دلوقتى مشوفتش حاجه
فريده :
الصبر .... انت عارف أياد
أحمد :
ماشى ي فريده اما اشوف اخرتها معاكى ايه انت وابنك 
فريده :
خير ان شاء ....روح بقا علشان متتأخرش على شغلك

كان  يقود سيارته ولكن اوقفته فتاه فى بدايه العشرينات من عمرها وهى تشير له بيدها فتوقف  
الفتاه تحدثت  بنعومه وهى تشير لسيارتها الواقفه على احدى جانبى الطريق  :
عربيتى وقفت وانا مش عارفه اتصرف ممكن تساعدنى لو سمحت
أحمد وهو ينظر لها بتفحص :
اكيد طبعا (هبط من السياره وتوجه ناحيته السياره ليتفقدها
بعد فتره من تفقد السياره قال :
شكل ف مشكله ف المحرك ممكن اكلملك ميكانيكى يجى يشوفها ولو مستعجله ممكن تيجى معايا اوصلك وتخلى الميكانيكى يوصلك العربيه مكان ماتحبى
الفتاه :
ياريت لانى مستعجله جدا اصل انا رايحه مبنى الاذاعه
أحمد :
ايه دا انا كمان رايح هناك انتى بتشتغلى هناك
الفتاه :
ايوا
أحمد وهو يمد يده لمصافحتها :
انا احمد
الفتاه وهى تصافحه :
وانا مريم تشرفت بيك
قاد السيار وتوجه الى المبنى
كان هناك من يراقبهم اخرج هاتفه ليتحدث مع شخص ما :
مبروك السمكه بلعت  الطعم
يــــــــتبع