மூன்று தளங்களைக் கொண்ட அந்த விளம்பர நிறுவனத்தின் முன்னே வந்து நின்ற கறுப்பு வண்ணக் காரிலிருந்து இறங்கினாள் கீர்த்தனா...சேலையில் அழகோவியமாய் மிளிர்ந்தவள்,தலையினைக் கொண்டையிட்டிருந்தாள்...அவளின் இருபத்தேழு வயதிற்குச் சற்றும் பொருத்தமின்றி அவளது முகத்தினில் ஓர்வித தீவிரம் குடிகொண்டிருந்தது...
வேக நடையோடு எதிரில் வந்து வணக்கம் வைத்த அனைவருக்கும் சிறு தலையசைப்பை பதிலுக்கு வழங்கியவாறே உள் நுழைந்தவள்.. அவளுக்கான அறையினுள் சென்று இருக்கையில் அமர்ந்து கொண்டாள்...அவளைத் தொடர்ந்து பின்னாலேயே வந்து சேர்ந்தாள்...அவளின் தனிப்பட்ட காரியதரிசி சத்தியா...
"குட் மோர்னிங் மேடம்.."
"வெரி குட் மோர்னிங் தியா...இன்னைக்கு என்னோட ஈவ்னிங் ப்ரோகிராம்ஸ் எல்லாத்தையும் கான்சல் பண்ணிடுங்க...அதை எல்லாத்தையும் வாற புதன்கிழமைக்கும்,வியாழக்கிழமைக்கும் மாத்திடுங்க..."
"ஓகே மேடம்...அப்புறம் வானவில் பத்திரிகையில் இருந்து உங்களைப் பேட்டி எடுக்குறதுக்காக டைம் கேட்டிட்டே இருக்காங்க..."
"நான்தான் யாருக்குமே பேட்டி கொடுக்குறதில்லைன்னு உங்களுக்குத் தெரியுமே தியா...அதை அவங்ககிட்டையும் தெளிவா சொல்லிட வேண்டியதுதானே..."
"நான் சொன்னேன் மேடம்...ஆனால் அவங்க தொடர்ந்தும் முயற்சி பண்ணிட்டே இருக்காங்க...வருடா வருடம் அரசோட பெண் சாதனையாளர் விருதினை வின் பண்றவங்களை கடந்த பத்து வருடங்களாய் அவங்கதான் பேட்டி கண்டு வருகிறார்களாம்...இந்த வருடம் அதை நீங்க வின் பண்ணியிருக்கிறதால கண்டிப்பா உங்க பேட்டி அவசியம் வேணும்னு சொல்லுறாங்க.."
"இங்க பாருங்க தியா...எதனாலையும் எதுக்காகவும் நான் யாருக்குமே பேட்டி கொடுக்குறதாயில்லை...சில முடிவுகளை என்னால யாருக்காகவுமே மாத்திக்க முடியாது...இதை எப்படிச்யாச்சும் நீங்களே தீர்த்து முடிச்சிடுங்க...இதுக்கப்புறமும் இது என்னோட காதுக்கு வரக்கூடாது...புரிஞ்சுதா...??.."
YOU ARE READING
அவனும் நானும்
Romance"நான் எழுதிய கவிதைகளின் காகிதங்கள் மொத்தமும் நீயாக, உனை வரையும் கவிக்கோலாகவே நானும் உருமாறிப்போனேனே..." காதலே இங்கு மோதலாக,இரு உள்ளங்கள் நடத்தும் காதல் யுத்தம்..."அவனும் நானும்"
