Bet On heart [ZAWGYI + UNICODE]

The start is...

[UNICODE]

"အဲ့ကောင်လေးက ဘယ်သူလဲ " ဟူသောအမေ့ အမေးကြောင့် ကျွန်မ တုန်လှုပ်သွားခဲ့သည်။ "အတန်းဖော်တစ်ယောက်ပါ" ဟု ကျွန်မ ခပ်တိုတိုပြန်ဖြေပေးလိုက်သည်။ သို့သော် သူသည် ကျွန်မအတွက်တော့...

"မြူ..."ဟူသည့် အသံနှင့်အတူ ကျွန်မကျော တစ်ချက်စူးခနဲအောင့်သွားသည်။ အောင့်ဆို သူလှမ်းခေါ်လိုက်တာကြောင့်ပါ။ ဟုတ်တယ်။ သူကျွန်မကို လှမ်းခေါ်တိုင်း ကျွန်မကျောကို လက်ကွေးပြီး တောက်တတ်သည်။ နဖူးတောက်သလိုမျိုးပေါ့။

"ထက်ယံ" ဟု ကျွန်မ အသံမာမာဖြင့်အော်လိုက်သည်။ "ဘာလဲ စတာမကြိုက်ဘူးလား" ဆိုပြီး ကျွန်မကို မဲ့ကာရွဲ့ကာ မေးလိုက်သည်။ ထို့နောက် ပြောင်စပ်စပ်လုပ်ပြနေသည့် ထက်ယံသည် ကျွန်မအတွက် ရယ်စရာဆိုတာထက် စိတ်ကျေနပ်ဖွယ်ကောင်းနေသည်။

"မြူ ကိုယ်တောင်းထားတဲ့အဖြေရော"

"ထက်ယံရာ" ဟု ကျွန်မပြောလိုက်သည်နှင့်

"အိုကေ အိုကေ မြူစိတ်ကြိုက် အချိန်ယူပါ ဒါပေမယ့် တစ်ခုပဲ ငြင်းတော့ မငြင်းရဘူး" ဟု ကျွန်မနားကပ်ကာ လာပြောသည်။ ကျွန်မလည်း ပြုံးကာ မတုန်မလှုပ်ရပ်နေလေသည်။ နောက်တော့ သူကပဲ ကျောခိုင်း လက်ပြကာ ကျွန်မရှေ့က ထွက်သွားခဲ့သည်။ ထက်ယံသည် မဖြူလွန်း မမည်းလွန်း မပိန်လွန်း မဝလွန်း အလယ်အလတ်ဟုဆိုနိုင်သည်။ သူ့၏ ထူးခြားချက်မှာ နဖူးထက်တွင် ဆက်နေသည့် မျက်ခုံးပင်ဖြစ်မည်။ ထို့နောက် ညာဖက်မျက်လုံးအောက်က မှဲ့နှင့် နှာခေါင်းပေါ်က မှဲ့။ ထို့နောက် အပေါ်နှုတ်ခမ်းပါးသလောက် အောက်နှုတ်ခမ်းထူက စွဲမက်ဖွယ်ကောင်းလှသည့် ဥပဒိရုပ်ကြောင့်ကျောင်းတွင် နာမည်ကြီးလှသည်။ သူ၏ မဟုတ်မခံတတ်သည့်အကျင့်နှင့် ရန်ဖြစ်တတ်သည့်အကျင့်ကြောင့်လည်း လူသိများလှသည်။ ကျွန်မမှာမူ သူနှင့်ဆန့်ကျင်ကာ ကျွန်မကိုသတိထားမိသည့်သူဆိုလျှင် ဆရာ၊ ဆရာမများသာ ဖြစ်မည်။ ထို့နောက် သူပေါ့။

ထက်ယံနှင့် ကျွန်မတွေ့ဆုံပုံမှာ....တစ်နေ့ကျွန်မ ကျောင်းဆေးဗီဒိုရှင်းရန် ဗီဒိုအဖွင့်

"အမလေး အမေကြီးရဲ့" ကျွန်မထအော်လိုက်မိသည်။ အော်ဆို နဖူးထိပ်သွေးများနှင့် လူတစ်ယောက် ဗီဒိုထဲမှ ထွက်ကျလာသလို မျက်စိရှေ့မှောက်ရောက်နေတာကို။