تدري البنت لعشقت وش ممكن يصير ، مكتمله

10

البـــــــــــــــــــــــــــارت العــــــــــــــــ 10 ــــــــــــاشـــــر

عند رغد
وصلت لبيت افنان وكان الوقت فجر اعطت التاكسي فلوسه وطلعت بشنطها للعماره الي ساكنه فيها افنان وقتها كانت افنان رايحه جايه فالبيت وهي فقمه القلق على رغد لان المفروض تكون وصلت من زمان بس هي تأخرت عليها ماصحاها من تفكيرها الا جرس البيت يرن وقفت عند الباب تتأكد اذا رغد والا لا بس يوم دقت ثلاث مرات عرفت انها هي وفتحت لها الباب على طول
أفنان: رورو

رغد: هلا فنو وحشتيــــــــــــــــــــني

كان لقائهم حميمي واخذو بعض بالاحضان والدموع وكان شكلهم غلط
وقتها رغد كانت لسه لابسه الثوب وشكلها 100% ولد
دخلو بسرعه للشقه وراحت افنان تجيب شيء لرغد تاكله وبجامه تلبسها
لانه بين عليها جوعانه وتعبانه مره وصعبه تبدا تسألها وهي بذي الحاله
بعد ساعه حست رغد انها ارتاحت شوي وجلست مقابله لافنان

افنان"بشوق": وحشتييييييييييييني يادبه من زمان ماشفت خشتك ههههههههه

رغد:وانتي اكثر ياقلبي بس الظروف بعدتني والحين الظروف كمان هي الي جابتني هههههههههه
مااعرف وش اقولك فنو الي سويته معاي مستحيل انساه مشكووره حبيبتي

افنان: افــاآ عليك رغد انا ماسويت شئ انتي صاحبتي والي سويته شئ طبيعي لا تخليني ازعل منك

رغد" تتنهد": ااااه ياافنان حاسه ان جبل انزاح عني بس لسه ماحصلت الراحه الي ابغاها

افنان : اتصلتي على مرام ورنا لازم تطمنيهم عليك اكيد جالسين على نار

رغد: ارسلت رساله لرنا اني بخير اما مرام صعبه اكلمها الحين ماابغى اسبب لها مشاكل مع اهلها خليها بكره وخير

افنان: قوليلي كل شئ ليش شردتي من عند عمك وايش الموضوع احس اني متلخبطه

رغد: انا اقولك السالفه الي صار انو عمي قال بيزوجني طارق غصب عني وووووووو.......................................... .....................
.................................................. .................................
.................................................. ............................
والحين انا عندك وهاذي السالفه كلها

افنان: مدري والله وش ااقولك بس تصرفك ذا مجنون ولاتزعلي مني مستحيل
يتركوك فحالك بعد الي سويتيه فيهم

رغد بااسف: انا عارفه بس ماكان عندي حل ثاني هم اجبروني على كذا انا ماكنت افكر ااذيهم فأاي شئ هم الي وقفو فوجهي واجبروني اتزوج ولدهم وانا مااطيقه كل الي سويتو اني حررت نفسي وبس انا غلطانه؟؟؟

افنان: ماادري المسأله معقده انتي موغلطانه وهذا حقك تختاري الزوج الي تبينه ويناسبك بس طريقه حلك للمشكله غلط مافكرتي وش بيقولو الناس عنك وعن بيت عمك انتي حطيتهم فموقف صعب مهما عملو معك انتي الي سويتيه فيهم مو شوي وحتى انتي الناس مابترحمك وبيقولون عنك صايعه واشياء افضع من كذا