كافيني😍💋

part 1

#كافيني_1

#Roby_Tom

بسم الله الرحمن الرحيم

نبدا .... فتحت مذكرات وبديت اكتب

.

.

.

لا ادري متي نلتقي ولكن اعلم انني لم اجدك بعد......في ذات يوم وذات مكان ا مسائا ام صباحا .....اصدفة مقصودة ام لا ....ولكن اعلم انني سالقاك..... #كافيني. 15\3\1995

بعد خلصت رفعت راسي من الدفتر وقفلت ومشيت علي الشباك وبقيت بعاين في الغيوم كان الجو هادي شديد والسماء الصافية بقيت اتامل فيها وانا ما حاسة وعايشة دور العاشقة الولهانة لحد ما ....سمعت لي صوت كدايس بيتشاكلووو براحة قفلت الشباك ورقدت نمت وانا ببتسم كانت الساعة ماشة علي 3 والصباح عندي محاضرة بدري .....نمت و ما وعيت علي نفسي الا الساعة 5:30 قمت متاكسلة اتروشت وجيت صليت وقريت سورة البقرة قبلت علي الساعة لقيتها ياداب 6 لبست اسكيرت بترولي وبلوزة بيضة وطرحة حلاوي واسبورت حلاوي وشنطة بترولي علي اسود انا عادة ما بحب الميك اب شديد عملت لاينر وقلوص وكحل ......الزمن داك المكياج ما كان كتير ومتنوع زي هسي..... واتجهزت مشيت المطبخ عملت لي شاي لبن طلعت لقيت بابا جاي من المسجد سلمت عليه ورجعت الغرفة قعدت اذاكر لحد 7:30 نزلت ولقيت البيت صاني كالعادة كتبت ورقة وعلقتها في التلاجة عشان لو صحوا يلقوها ...طلعت علي القراش ركبت عربيتي واتحركت علي الجامعة ...... وصلت الجامعة في 10 دقايق ...اكتر مكان برتاح فيه.....ومن الباب وانا بسلم من عمو عثمان البواب وكل العاملين لحد وصلت جوااا .....اي زول بيلقاني في طريقي بسلم عليه مشيت علي البورت شفت محاضرتنا في اي قاعة ....لفت عشان اتحرك لقاني واحد من تانية سلمت عليه وقال عندهم تست العصر وطلب اراجع ليهم هم شلة من 8 تنفار اتفقنا الاقيهم بعد الظهر لان ما شغالة جنب القاعة لقيت الشلة قاعدين تحت اشجرة وبراجعو.

قعدنا راجعنا لحد الساعة 8:20 ودخلنا القاعة خلصنا عشرة وطلعنا مشيت الاستراحة صليت الضحي وقعدت سبحت شوية...... وطلعت علي بوفي وانا فتحت الشنطة دقت لي زينب قالت جاياني المساء قفلت وانا بدخل في التلفون.....التلفونات كانت نادرة وحتي هي داقة لي من هاتف ثابت ....انا كان عندي ثرية .......وانا بقفل في الشنطة طقشني واحد والتلفون وقع... رفعت رااسي عايزة اشكلووو لقيتو مشي حتي قبل اشوف وشو بس ريحة عطروو كانت قوووية ومميزة .....خلتني سرحت لوهلة بس تاني رجعت للواقع .....لقيت الشلة بينادوني مشيت عليهم بس لسه الريحة عالقة في راسي .....بالجد كانت غريبة ....ضحكت في رووحي اتاملت في الفاضي ونحن بنفطر كنت سرحااانة.... فجاءة لقيت وااحد بطقطق لي قبلت عليه لقيتو باسل.... قال لي وووين يابت بقيتي تحبي ولا شنو ضحكت وابتسمت ابتسامة باهتة....وقولت ليه حب شنوو ياخ مع الجري ده.. واتفاديت اعاين ليه في عيونوا .....وقبلت طوالي كملنا ونستنا ومشينا القاعة لحد 1 حتن المحاضرة انتهت كانت مملة بس بحاول اركز قدر الامكان ....واصلا كنت نعسانة بعد المحاضرة شفت الساعة وكان باقي 15 دقيقة عشان نتلاقة في قاعة جنب المكتبة مشيت شربت لي قهوة صحصحت شوية و مشيت ليهم لقيتهم كلهم متلمين سلمت عليهم وبدينا نشرح حوالي ساعتين حتن خلصنا .....انا من صغيرة كانت بحب التدريس ونفسي ابقي استاذة بس اهلي رفضو بالاخص بابا عايزني اطلع طبيبة في النهاية مشيت علي رايهم......الساعة 2:30 بالضبط ركبت عربيتي وانا في الطريق مريت بي المطعم شلت اكل ورجعت البيت 3 طوالي نمت صحيت 5 دقة لي زينب نزلت خلطت عصير وسخنت الاكل وطلعت فووق جاتني وبقينا نتوونس واصلاا لينا فترة اي واحدة مع جامعة والمشاغل فما بنتلاقة كتير .....فرقت علي كتتتير لان في البيت اي زول بحياتووو....المغرب رجعت صليت وقعدت اقراااا لحد 9 قمت صلييت ورجعت تاني 12 بالضبط فتحت دفتري وبديت اكتب

.

.

.

وكم اود لقاك ....ولكن تمر الايام ولا علم متي ولا اين ....#كافيني.

عايزة انوم كده الباب دقة ودخل رامي سلم علي وسال عن حالي ومرق . ونمت

انا ربا ((روبي)) عمري 20 في بقرا طب في الخرطوم المستوي التالت ...عندي اخ واحد اكبر من بخمسةة سنين قرااا هندسة طيران واغلب الوقت بكون ماااف ....اتعودت علي غيابو ...بابا دايمااا في حالة شغل واجتماعات وبرضو زي رامي دايمااا مشغول .... عندي تاني اختين رنا وراما بس ما شقيقاتي امي وابوي منفصلين وامي متزوجة ومستقرة في السعودية ...انا بسافر ليها في اجازتي ولمن هم يجي بمشي ليهم ......

#استكااانة