#كافيني_16
#Roby_Tom
طلعت من الغرفة وعيني ما تشوف الا النوووور.....يا صلاة النبي عليه ما شاء الله ....عيني باردة عليه نايف....لابس البدلة الرمادية والببيونة البنبية و منديل بنبي وجذمة سوداء تلمععع مع الشمس تقول ممسحة .....قال لي انا سمح لي الدرجة دي قولت ليه هااا....قال لي ما قولت شي يلا ارح...قبل ما الزمن يمشي....قولت ليه الساعة بقت كم قال لي 4:45 قولت ليه يا الله طيب ثواني واجيك....
دخلت الغرفة صليت العصر قولت احسن بدل وقتو يفوتني....طلعنا وطول الطريق ونحن ساكتين لحد ما وصلنا قدام الباب والعربات ما شاء الله....دخلنا جواااا يلا مع الباب كده في زي شماعة طلعت العباية وعلقتها قبلت كده .....طبعا من قبيل وانا اصلا ما مركزة نايف مطقم معاي....قال لي نقول توارد خواطر ولا القلوب عند بعضيها.....قولت ليه يمككن صدفة بس ما اكتر وابتسمت ليه....جينا داخلين وطبعا عشان دخلنا في وقت واحد ونفس الالوان ....فلفتنا الانظاار ....مشيت لي لجين سلمت عليها وسلمت علي مراد وانا سلفاا بعرفوا ....عرفتوا علي نايف وعايز اقول ليه ده....بس قبل اكمل قاطعني مراد قال لي حبيب القلب مش ما شاء الله مطقمين بس لايقين علي بعض الله يخليكم لي بعضض.....
قولت ليه يا بابا استني اسمعني الاول ....عايزة اقول ليك ده ود عمتي....ومطقمين بالصدفة....طوالي هو رد ...وقال ليه ما صحي لايقين يا مراد .....في اللحظة ديك الما يتسمي اسعد جاء ناطي....وقال ليه ولا لاقين ولا حاجة....عامملين زي ال 10 .....وجاء مد لي يدو بي اخر نفس عندي قولت لي الف مبروك لي لجين وعقباالك....قال لي عقبالنا لو سمحتي...قولت ليه نعم ...قال لي قولت ليه عقبال ما نكون مكانهم.....ولارديت ليه.....ونزلت راسي عايزة اصلح طرحتي كانت حتقع.....
وهو الحيوان افتكرني خجلت....قال لي ما تخجلي ياااخ ....عاينت ليه باشمئذاذ وقولت ليه انا مخطوبة علي فكرة....وعن اذنك....مشيت قعدت في طربيزة كده جاء اسعد لاحقني وقال لي كيف الكلام ده....ما تكوني مخطوبة لي الطويل العامل زي عمود الكهرباء ده...هسي العاجبك فيه شنو ووووو...وووو...وانا ساكتة وبسمع فيه....نايف جاء علينا وهو ما فاهم شي ....اسعد حدر ليه ومشي خلا....جاء سالني قولت ليه ده مجنون ساي ما تشتغل بيه....
قعدنا شوية كده وساكتين....فجاءة نايف قال لي انت بالجد مخطوبة.....اتردت الف مرة اكلموا ولا اسكت في النهاية قولت ليه اي.....قال لي ومن سعيد الحظ وهو بعاين بالناحية التانية....قولت ليه ولد صاحب بابا...قال لي انت ما تعرفي قولت ليه لا...,لا حصل لاقيتو بس هو صاحب اخوي قال لي تمام الله يتمم ليك علي خير والف مبرووك ....قولت ليه امين وجمعاا كمان....انتهت الحفلو وخلالها كل ما تتلاقي نظراتنا بنبعدها يمكن خوف من الضعف او من حاجات كتيرة....واسعد طول الوقت بعاين لي نايف وبحمر ليه.....شكلو فاكرو هو الخطيبي....
بعد الحفلة خلصت قولت لي نايف انت ارجع البيت ....انا حاساعد خالتو شوية....قال لي استانك قولت ليه لا لا الزمن حيتاخر....انت ارجع .....قال لي بتخلصي في كم كده .....قولت ليه يمكن ساعة او ساعةونص قال لي خلاص ما تمرقي براك الدنيا ليل.... انا بجيك بعد ساعة وشوية كده ....وطلع انا قلبي حاساه مقبوض بس ما عارفة لي ساعدت خاالتو.... الغريبة اسعد من قبيل ما شفتو.....قولت احسن زاتو ارتاح من خلقتو....مرت ساعتين ونايف ما جاء بعد شوية اسعد جاء داخل وراسو مفلوق .....خالتو جرت عليه....مع ان ما بريدو بس ما بدور ليه الشر....
مشيت جبت موية ملح مسحتها ليه و ضمتها ليه.....وقولت ليهم عن اذنكم انا حامشي بعد ده.....الغريب اكتر والحيرني اسعد اصلوااا ما حاول يقدمني زي كل مرة.....طلعت لحد ما وصلت العمارة طلعت في السللالم ونحن عمارتنا شبه مهجورة...... ناسها ما كتااار وغالبا طلوعهم محدود....حصلت الطابق التاني وكانت الكهرباء قاطعة ولا النور طافي ما عارفة ...... بس ما قادرة اشوف مكان المفتاح في الشنطة عشان اطلعوا وافتح .....بقيت اهبش في الحيطة والنور فتح....عايزة ادخل المفتاح كده وقع من يدي .....عايزة اشيلوو لاحظت في زي اثاار دم في الارض.....اتلفت وراي كده لقيت نايف واااقع وغرقااان في دموو....
#يتبع استكاااان
المساء حانزل بارت تاني
أنت تقرأ
كافيني😍💋
Romanceلا ادري متي سالقاااك اهووو اليووم ام غداا....ابعد حيييين اممم شهر......ولكنني ايقن تماااامااا اننني ذات يوووم في ذااات مكاااان سالقااك ......وعندهاوفي تلك اللحظة ستذيب قلبي وويسل حبك في شرايني انت وحدك من بين كل هالناس كاااافيني بقلمي Roby_tom😍💕
