#كافيني_9
#Roby_tom
مر يومان وساعتان وبضعة دقائق وثواني وعقلي الباطن مازال يفكر بك......كيف لي العيش اكثر ملات سمائي كافيني......خارت قواي بعدك.....تمنيت الموت مرارا وتكرارا في كل لحظة وكل ثانية ولكن......يبدو انا الالم قد كتب لي من بعدك .....يا كافيني عن كل الناس احببتتك لا اعلم كيف ولا متي....اتمني لو تعود تلك اللحظة حين التقت عيناي بك.....حين توقف قلبي وازدات دقاته بسرعة ......#كافيني
مرت اكتر من اسبوع وماما كل ما تقول عايز تتكلم معاي بيحصل شي.....التومات نزلوا المدرسة و مااما وعمو احمد شغلهم وانا براي في البيت اغلب الوقت....يا نايمة يا في التلفزيون ....الحمدلله جايبة معاي شوية مراجع .....يوم الخميس المساء ونحن بنتعشاء عمو احمد تلفونوا ضرب......بعد مسافة قال ليه اي يا حسام خلاص تمام بس بيصلوا حوالي الساعة كم كده .....خلاص ان شاء الله ويصلوا بالسلامة ....الله يعافيك سلام .....
بعدها عمو احمد قبل علينا وقال بكرة المساء مني وولده حيجو يعملواعمرة .....طوالي امي سالتوا بقت كيف العملية اتحسنت ولا لسه......قال ليها اي بقت كويسة وهسي تجي تعمر وترجع حالتها استقرت...قالت ليه الحمدلله مادام كده نجهز ليها الغرفة الفاضية.....اليوم التاني صحينا بدري رتبنا البيت وجهزنا ليهم الغرفة امي قالت معها ولدها .....قولت ليها تمام ونقلنا سرير تاني معاها و عدا اليوم لحد الظهر دخلنا المطبخ وانا عن غير عادتي مزاجي رايق ......عملت اصناف كتيرة لحد العصر حتي خلصت......عمو احمد طلع علي المطار .....ونحن بدينا نجهز.....بديت بي اخواتي لحد ما خلصت منهم .....بديت اجهز امي نادتني .....عندها حاجة عند الجيران مشيت اجيبها ......بس ابو يخلوني اطلع منهم طوالي.....وانا عادة ما بمشي ليهم......بعد نص ساعة حتن فكوني.....رجعت البيت في الطريق غشيت البقالة جبت الحاجات الناقصة ....وصلت البيت كده وانا اصلا خاتة في بالي انا عمو احمد ما بكون وصل وعشان ما اتاخر علي امي اكتر جبتهم في طريقي.....وانا في الباب طبعا يديني مليانات وكمان شايلة طبق بيض وما قادرة ادق الجرس ويديني ما بقدر ادق بيهم .....بس بقيت ادق بي رجلي ...
بعد دقيقة كده و ما سمعت زول جاي مشيت علي الناحية التانية ....في زي شباك كده خارجي وبقيت بنادي يا رنا يا راما يا ماما .....جاتني رنا وبدل ما تجي تفتح لي بقت تسالني انت منو غاظتني ياااخ وهي طبعا مع النقاب ما عرفتني شكلها قولت ليها انا اختك يا بت ما عرفتيني قالت لي اهاا طيب مالك اتاخرتي كده .....بس ما اشتغلت بيها رفعت لي كثافتي وعلي الحر الحاصل والدنيا صيف ......قولت ليها تعالي افتحي لي قالت لي مااام وقعدت تتعاور .....وانا اصلا فترانة وحالتي مستعصية وحاسة الدنيا طشاش طشاش ......بس شوية كده وجاتني تحت راما شالت من الاكياس هي وجات وراها ورنا .......ودخلت وانا في السلم حاسة نفسي ما علي بعضي ......وانا من الصباح ما ماكلة ومع الشمس واصلا عندي فقر دم ونقص حديد وبوتاسيوم ......يعني بالواضح كده حالتي منتهية......بس وصلنا اخر عتبة وقفت قداما الباب كده بس ربببب وقعت .....وبقت لي الاصوات بعيدة رنا وراما بنادوا بس ما ركزت فجاة حسيت بزول شايلني ......لحد ما فقدت الوعي.....
ما عارفة نمت كم من الزمن فتحت عيني لقيت راما جنبي ومعاها رنا بتعلب في التلفون بس حسوا بي.....نادوا امي جات ومعاها عمو احمد ومرة كده خمسينية هي ما غريبة علي بس ما عرفتها .....شكلها مالوف شديد....بس اصلا ما كنت مركزة .....امي قالت لي انا ما تعبت وفترت من الكلام معاك قولت ليك الف مرة قبل كده ....ما تهملي نفسك بس ما بتسمعي الكلام......وتاني انتكستي بس الله يصبرني وطلعت......غمضت عيوني عايزة انوم كده امي جات وشايلة شوربة في يدها .....قالت لي لو ما اكلتي ماف نوم .......وبدت تاكل فيني بالغصب....
انا سايرتها بس ما كنت قادرة شوية كده وطلعت خلتني .....قالت لي عندك حقنة بعد شوية ..... و انا بخاف من الحقن اصلا ....قولت ليها بس يا امي....قالت لي ولا تبسبسي لي .....يلا ارتاحي شوية .....رقدت نمت زي نص ساعة كده سامعة المغرب اذن ....حاولت اقوم وسندتني رنا .....اتوضيت وجيت صليت ورجعت السرير عايزة ارقد كده ....امي جاتني قالت لي هاك البس العباية والطرحة ديل.....وانا من كلامها القبيل افتكرت ماشين المركز .....لبست وانا الخوف دابي فيني .....بخاف من الحقن شديد ...... بس خلصت كده امي طلعت وجات وسامعاها بتقول اتفضل س لي منو ما عارفة ......انا كنت حاسة بدوخة بس متمالكة نفسي ....بس اشم الريحة وياها الريحة الما بتغباني ....بقت بتكلم مع نفسي وكنت قاعدة وبلبس في الاسبورت ....قولت يا بت انت شكلك فوتي مرة واحدة .....بس قطع حبل افكاري صوت ياهو نفس الصوت نفس النبرة اللي زمن منها......ورفعت راسي كده بس اشووف
.
.
.
.
لقد اصبح كل شي من بعداك تراب .....واصبح العيش والموت لا يفرقان عن بعضهما.....كم اود لقااك.....#كافيني
#استكااانة يتبع
#Roby_Tom
أنت تقرأ
كافيني😍💋
Romanceلا ادري متي سالقاااك اهووو اليووم ام غداا....ابعد حيييين اممم شهر......ولكنني ايقن تماااامااا اننني ذات يوووم في ذااات مكاااان سالقااك ......وعندهاوفي تلك اللحظة ستذيب قلبي وويسل حبك في شرايني انت وحدك من بين كل هالناس كاااافيني بقلمي Roby_tom😍💕
