كافيني😍💋

Part 18

#كافيني_18

#Roby_tom

بعد خلص لقاني ببكي.....قال لي يابت انت بتبكي مالك....,بدل انا الاواسي هو بقي بحاول يسكت فيني....اداني موية بعد شربت هديت شوية....قال لي مالك....ققولت ليه انا اسفة والله ما قصدي اذيك كلووو بسببي ارجوك سامحني...حقك علي....كنت حاعرض حياتك للخطر...

ابتسم وقال لي هو انا لاقي لمن يحصل لي حاجة بسببك....قولت ليه نعم...قال لي لا ما حصل شي انا تمام هسي وما تخافي....وردت فعل اسعد مع ان متهورة بس ما مستبعدة لان عمل كده عشان بحبك.....والدموع في عيني قولت ليه ((البحب ما بيئذي....البحبك ياخد بيدك من الظلام للنور....بيعمل اي حاجة في سبيل سعادتك....فرحك فرحوا وحزنك بيمسوا قبل يصلك....الحب عمرو ما كان اذي .....الحب تسامح وتضحية عشان الانسان التحبوا يكون هاني...واللحظة البتكون سعادة البتحبوا فوق كل شي عندك.....عندها بالجد ممكن تسمي روحك حبيت....)))اما حب اسعد ده فما اكتر من حب امتلاك....قال لي والعرفك شنو ....قولت ليه لانو لو كان بحب بالجد ما كان حاول يخرب علي حياتي....قال لي كلامك فيه وجه نظر واحساس انسان عاش الموضوع....قولت ليه هااا قال لي قولت ليك شكلك خوضتي تجربة قبل كده.....عاينت فيه وقولت ليه تجربة لا ابدا ولا جربت حتي.....

.

.

.

تاتي كل لحظة علي وكانها دهر....كيف لي ان اقول لك انك حياتي ....هل ابوح لك واعلمك انك كافيني عن كل النااس....وفي الصمت ذهب احيااانا ....حتي تلك اللحظة التي اكسر فيها ذلك الهاجز ....#كافيني

قولت لي لا .....وطلعت عشان ما ادخل في الموضوع شديد...... عايزة انوم اتذكرت ان ما صليت العشاء بعد خلصت.....مشيت سالت امي عن العمرة قالت لي خالتك تعبانة و نايف برضو ما كويس....حناجلها يومين....قولت ليها تمام ......اليوم التاني صحيت بدري جهزت الفططور وديت لي خاالتو مني لقيت معاها امي ومشيت لي نايف.....لقيتو لسه نايم وفيه حاجة كده حلوووة نايم زي الطفل الصغير ملاك بس .....وشعرو منكوووش ....قولت ما اصحي ختيت الصينية في االطربيزة جنبو ومشيت جبت مناديل واانا بغطي في الصحانة كده

هو صحي....قولت ليه بابتسامة مشرقة صباااح الخير....قالي صباحوووو كده الواحد يتصبح بمزاااج....قولت ليه شنو وابتسمت ((....وتزدادت ضربات قلبي مع كل كلمة تصدر منك...#كافيني))قال لي صباح النور ...يلا قوم صحصح عشان تفطر لان مواعيد الدواء قربت....قال طيب ربع ساعة واجيك......قولت ليه طيب ....كان في شوية عدة غسلتهم وانا راجعة جبت معاي الدواء قال لي .....هسي انا حاكل الاكل ده كلووو....قولت ليه ايواااا عشان الجرح يلتئم سرعة وتقدر تاخد الدواء من غير ما تحصل اثار جانبية....قال لي حاضر يا دكتورتي((....ياء النسب دي تحتها خطين حمر....)).....سكت مسافة وكمل.... انا ما بعرف اكل براااي ممكن تساعديني قولت ليه انا اكلت قبل شوية قال لي لو سمحتي اكلي معاي وياريت ما تكسفيني انا ما بحب اكل براي....قولت ليه طيب وقعدت اكلت معاه بعد خلصت فتحت الدواء .....

قام ضحك قال لي ما جادة انا بشنبي ده دايراني اخد دواء شراب .....قولت ليه نحن ما في السودان ومفعول الحبوب نفس مفعول الدواء السعودي ....ولو ابيت هسي بنادي خالتو مني....قال لي بتهدديني يعني قولت ليه لا ما كده ....قال لي اوامرك كلووو ولا امي هسي حتعمل لي موضوع طويل عريض وينو الدواء.....بعد خلص قولت ليه دقيقة جبت ليه عصير منقة ....وقولت ليه ده عشان لو ما قدرت تتقبل الطعم لان عارفاه مر.....

رجعت الغرفة وانا بضحك برااي....الباب دقة وقولت اتفضل امي جات داخلة.....قالت لي كيفك قولت ليها تمام جات قعدت جنبي...قالت لي ربا انت ما ملاحظة لي حاجة ....قولت ليها امي الاحاصل لي شنو ما فهمتك.....قالت لي تعاملك مع نايف ما حاساه بزيادة شوية....قولت ليها كيف يعني يا امي ما بنتعامل عادي عادي ماف شي ....قالت لي معقولة انت من متين بتتعاملي مع كل الناس ....بس علي كلا يا بتي انت اخترتي مصيرك وخليك واعية......والطريق الانت فيه ده حيتعبك .....انا عارفة الفي قلبك ما هين بس انت كمان ما تفكري بقلبك لان الموضوع بقي جدي....قولت ليها ماااما ما فهمت قصدك قالت لي ....انت بتحبيه صح....

عايزة اتكلم بس خانتني دموعي وحضنت ماما وبعد خلصت قولت ليها مهما كان حصل....في النهاية انا اخترت طريقي وقلبي عمرو ما حيكون لي عائق ان شاء الله.....وبعدين هو ماف امل اصلا عشان كده ما تشيلي هم الايام كفيلة بانها تنسيني..... قالت لي دي بتي وانا واثقة فيك .....واكيد صاحب رامي حيكون حنين زيووو....

بعد ماما طلعت حسيت براحة وبالجد كنت محتاجة افضفض لي زول....صليت الظهر وقريت سورة يوسف دائماا بتريحني ونمت ......ما صحيت الا العصر.....

#كافيني

#يتبع اسكااانة

#ROBY_TOM

انا ما بقدر انزل حلقتين كل يوم بس ان شاء الله بحاول انزل الحلقة كل يوم بليل وتكون طويلة شوية ......اما بالنسبة لي نهاية الرواية فما تسالوني.....لان انا بكتب بارت بارت وحتي الاحداث براها بتكتب نفسهاا......والحلقات من 13...لي 18....دي انا كنت عايزة اكتبها في حلقتين بس اتكتبت في 6 حلقات ويمكن تصل لي ال20.....اذا في زول عندو اي اقتراح ممكن اكمل بيه او احداث او افكار اضيفة يكتب لي في الكومنت.....واذا في اي انتقاد برضو عشان يكون في تغير وبالمرة احسن في الكتابة وياريت ييكون نقد بناء ما ينفرني من الكتابة .....

اما بالنسبة للتفاعل ففي اتنين ما شاء الله دايما ما بينقطعواا من الكومنتات والفوتات...

Prettycat5

Dragon24765

شكرااا للتفاعل.....والبارت ده عشانهم