كافيني😍💋

Part 12

#كافيني_12

#ROBY_TOM

قالو به داء عياء اصابه****وقد علمت نفسي مكان دوائيا

جاتني لجين ومن شافتني قالت لي انت يابت امهاتكم ديل بياكلوا شنو اصلوو ما ممكن اول اخوك وهسي ده......واي انا ده منو ده هسي في ناس زي ديل في الارض دي .....حسيت روحي زي الصفر جنبو .....

ياهو والله نفس الوصف حق الشاعر داك ياخ .......

.

.

طويل النجاد رفيع العماد

.

.

بس ان شاء الله يكون كثير الرماد ....عشان يتم الناقصة .....طبعا لجين بتتكلم وهي لسه واقفة ما قعدت حتة ......ضحكت فيها وقولت ليها يا مجنونة ....كده استهدي بالله وسلمي علي اول قبل اكلم ليك مراد ....جات سلمت علي قربت تبكي ياااخ لي قريب السنة ما شفتها.....هي سودانية وساكنين في العمارة الجنبنا .....وامس لمن مشيت بيتهم لقيتها ماف .....سلمت علي وعايزة تقعد كده انتبهت لي الكبايتين.....طوالي رفعت راسة وادتني نظرة كده وقالت لي شكلي قطعت عليكم الجو مش....وبقت ترفع لي في حواجبها ....

بقيت بضحك فيها مع ان كلامها صح نوعاا ما.....وجيت عايزة ارد كده قالت لي من ما ضحكت بلا تبرير معناها كلامي صح.....قولت ليها ما كده والله اصلا القهوة انا نسيتها زاتو عاينيها باردة زاتها,.,...قالت لي هممم لي الدرجة دي كمان لا لا شكلي فايتني كتير.....دقيقة

هو اصلا ده منو ده ولمن قاعدة مستكينة كده ....قولت ليها ده ولد عمت رنا وراما.....يعني يعتبر ود عمتي قالت اهاااا.....وجابوا شنو قولت ليها يابت انت حتفتحي معاي تحقيق.....وبقيت احاول اتفادي اتكلم معاها في الموضوع لان اكيد حتلاحظ لي الموضوع بلا شك ....وحتشغلها لي قولت خلي كل شي في وقتو.....ولو حصل خير اوريها

.....قولت انسيها الموضوع كلوو كلوو قولت ليها مراد اخبارو شنو....طوالي عيونوا قلبو قلوب قلوب قولت ليها مالك اتبكمتي .....ما يكون حصل شي....طوالي عاينت لي وقالت لي يابت فاتك كتير والله بكرة الخطوبة وهسي انا جاية اعذمك قولت ليها......قولي والله يابت اللف مبرووك ياااخ .....وقمت حضنتها .....بجد هي صبرت ونالت وعلاقتهم ليها اكتر من 5سنين ووف بوعدوا....قالت لي بس العرس السنة الجاية لحد ما يرتب امورو لان ياداب خلص الخدمة.... قولت ليها لا لا ما مشكلة مادام هو جاء يبقي كلوو تمام.....

قالت لي اي ويلا الليلة حنمشي بيتنا ...ٌقولت ليها بس نحن مضيوفين وما ينفع امشي واخليهم واللليلة الخميس وبكرة يوم طويل لان يوم السبت ماشين كلنا عمرة.....قولت ليها هي الخطوبة متين قالت لي بعد العصر .....قولت ليها خلاص انت امشي هسي ارتاحي انا حاعمل حاجات بكرة الليلة واجيك من النجمة تمام لان ماما ما بتكون فاضية.....قالت لي خلاص طيب واعذمي خالتو يمكن امي تجيكم بعدين......قولت ليها تتفضل طوالي ....يلا سلام وصلتها لحد الباب ورجعت قعدت في البلكونة

اقل من ربع ساعة نايف جاء.....قال لي القهوة دي بردت صح......قولت ليه فعلا شكلها ما نصيبنا ....قال لي اي فعلا والله شكلها ما نصيبي وكان بعاين لي في عيوني .....بعدها زحة نظرو.... وقعد معاي....قولت ليه دي لجين بت جيرانة في العمارة التانية جات عزمتني خطوبتها.....قال لي ما شاء الله الف مبرووك ليها ....قولت ليه الله يبارك فيك....قام قال لي عقبالك قبل اقول امين العصر اذن.....ابتسم وقال لي ده فال خير شكلك حتتخارجي قريب....وهو بيتكلم كان بيعاين في الناحية التانية.....قولت ليه يمكن الله اعلم.....

#استكااانةيتبع    

 لو البارت حصل 10 فواتات حانزل بارت تاني الليلة