كافيني😍💋

Part 11

#كافيني_11

#ROBY-TOM

قولت احسن لي ما اطلع من الغرفة الليلة ....لكن تاني قولت كمان تكون شينة......ويقولوا البت مابيانا ....دخلت اتروشت ولبست لي ومشيت المطبخ لقيت ماما وخالتو مني.....خالتو مني قالت لي امشي ارتاحي يابتي انت لسه ما اتعافيتي....طوالي امي ضحكت قالت ليها ربا دي كان عايزة تموت ما بتقعد في السرير اصلا عندها نشاط زايد ياهو المتعبة وحمرت لي......

.....خالتو مني قالت لي والله ما شاء االله عليك .....قولت لي امي انتوا امشو ارتاحو خالتو مني من جات ما نامت ولا ارتاحت كويس وانت من امس براااك.....انا بكمل ماما قالت لي انا اصلا ما بديت ياداب رفعت عدة الشاي قولت ليها احسن زاتو انا بددااا من الاول .....خالتو مني قاالت لي والله ريحتي امك من التعب ....هسي رغد ورهف ديل ولا ملعقة ما بعرفوا يغسلوها ولو واحدة قولت ليها اعملي لي شي بتحرقوا .......قولت ليها يا خالتو المشغوليات بس مع الزمن بيتعلموا انا زاتي بس عشان دي هوايتي .....قالت لي مشغوليات شنو هم ما وراهم ولا شي واصلا يا الواحدة فيهم نايمة يا تلفزيون حتي القراية دي لو نايف ماف ما بقروا ......من قالت نايف انا اصلا ما ركزت مع باقي كلامه لحد ما خلصت ....ابتسمت ليهم وطلعوا خلوني

.....بعد ساعتين خلصت كل شي ووقت الصلاة خلاص جاء .....سمعت صوت عمو احمد بسال في امي لو عايزين شي من البقالة امي قالت ليه دقيقة ونادتني يا ربا ياربا .....انا افتكرت عمو احمد حيكون براه جيت طالعة بالبجامة ساي ومنكوشة والحالة بطالة خالص ....اظن لي اسبوعين ما دخلت مشط او فرشة في شعري....وبديت اتكلم قبل امرق اي عايزين زيادة عيش و.... وفنليليا.. وطلعت برة ولسه مواصلة بس فجاءة انتبهت ان نايف معاه ....طوالي عملت خلف دور ورجعت المطبخ ..... والكلام غلبني وشكلو هو اتحرج ورجع لان بعد جيت مارقة تاني بالتوب لقيتو ماف ....قولت لي عمو احمد خلاص تاني ماف شي شكرا

......صليت وبديت ارص الاكل في الصفرة......وانا هامة حاكل كيف الليلة ولو ابيت اكل امي حتعمل لي موضوع وبقيت استغفر لحد ما خلصت الحاجات كلها ورصيتها....واصلا انا لو دخلت المطبخ ما بقصر الفي والماف اي شي بيخطر علي بالي بعملوا وبعمل كمية من الحاجات في وقت واحد والحمدلله عند كم حاجة امس عملتهم عشان الليلة ما بتاكلو في نفس اليوم.....سمعت صوت الجرس ورنا وراما شايفاهم بعيدين قولت احسن انا اقوم بدل امي تمشي مشيت فتحت الباب ولقيتو هو براهو وما ركزت وقفت كم من الزمن ...اصلا بتحصل لي حالة بتاعت تبلد فكري كل ما اشوفوا.....قال لي ما حتفضليني قولت ليه اااا قال لي انت عندك مشكلة مع السرحان ده ولا شنو.....شكلك كده واقعة وقعة كعبة الله يصبرك ومشي خلاني متحيرة في الوضع.....

.

.

.

.هل يعقل انني قد كشفت ومن من .....من صاحب الامر نفسه .....اتمني لو انني قد بوحت لك بما في قلبي سابقا ....ولربما لم اكن اقف مكتوفة الايدي هكذا وانت تضيع مني ....يااليتني لم ارك يوما ولم اعلم بوجودك .....وددت لقااك قبل مجيئك والان الان لا اريد حتي ان يذكر اسمك امامي.....اتستطيع الرئتان التنفس عند توقف الاوكسجين اخخخخ.....#كافيني

.

.

.

وما الحب الا للحبيب الاولي....وتمر الايام وحبك في قلبي ما زال باقي......كاول قطرة من المطر في فصل الجفاف....وتفتح اول زهرة في فصل الربيع .....#كافيني.

..

.

.

بعد دقيقة عمو احمد جاء خاشي وقال لي مالك واقفة في الباب يا بتي......قولت له لا لا ماف شي .... ودخلت جوا وناديتهم كلنا اتلمينا في الصفرة ....وبدينا ناكل وخالتو مني تشيل وتشكر في الاكل......لمن خجلتني في الاخر قالت لي.....والله يا بتي بس انا الطولت منك ورحتي من بالي .....هسي زي الزمن ده لو لاقيتك قبل كم شهر كان خطبتك لي نايف.....اها مع كلمة نايف دي انا لمن اتشرقت......الا رنا ادتني موية .....ابتسمت ليها في صمت عمو احمد قال ليها اي والله يا مني ما شاء الله عليها في كلوو.... لحد ما خلصنا انا ساكتة وهو ساكت وهو ما ادا اي ردة فعل غير ابتسامة خفيففة بالجنبة ......

قعدنا الساعة 3 عمو احمد قال طالع عندو شغل ....ورنا وراما مشو التلفزيون .....امي وخالتو مني قالو ماشين ينوموا ......انا كنت مالة وما لاقية شي ولسه قاعدة فضلنا انا ونايف بس.....وقطع الصمت وقال لي ممكن تعملي لي كباية قهوة اذا ممكن ...قولت ليه تامر اكيد سكرك كيف .....قال لي سادة واعملي ليك انت كمان تمام .....استغربت فيه بس ما اشتغلت بالموضوع......

مشيت جهزت القهوة ودي اكتر حاجة انا بعرف اظبطة وكان في باقي بسيمة من امس فضلت رصيتها بالجنبة....لبست توبي وطلعت برة مشيت لقيتو ماف وشكلو سمع خطواتي....سمعت صووتوا جاي من البلكونة .....مشيت عليه في البلكونة في كورسين مقاصدين بعض وبينهم طريزة زي حقات المطاعم ديلك.....ختيت الصينية وقعدت ما عرفت اقول شنو....

وبعد مسافة كده بدا يتكلم قال لي تصدقي لو قولت ليك انا البت الخطبوها لي لا بعرف شكلها ولا اسمها ولا اي شي غير انها بتقرا طب ونفس مجالي وان هي بت صاحب ابوي......قولت ليه ما جادي طبعا وكيف الكلام ده قال لي انا جيت اتكلم مع امي في نفس الموضوع وكان في واحدة خاتيها في بالي بس وسكت مسافة وعاين لي وكمل كلامو ونزل عيونوا....بس هي سبقتني وقبل افتح خشمي قالت لي ابوك طلب ليك بت عمك محمد .....والخطوبة في العيد يمكن انت ما بتعرفي ابوي صح

.....قولت ليه اي بس انت ممكن تتفاهم معاهو ....في النهاية المواضيع دي ما بتمش بالغصب قالي لي بس في حالتي دي ما عندي حل غير ان اتاقلم مع الوضوع الراهن وابوي كلامو ما ببقي اتنين .....قولت ليه الله يعينيك وان شاء الله كلووو لخير......اداني نظرة كده حسيت بيها ملخبطة فيها كمية من الاحاسيس......وبعد نص ساعة ونحن بنتونس لحد ما القهوة بردت ماف زول فينا شر ومركزين مع الونسة لحدما سمعت صوت الباب قال لي انا بفتح وطلعت دي بت جيرانا وهو دخل جوا وهي جاتن في البلكونة.....

الليلة نزلت بارتين اظن كده ما قصرت وتاني لو ما نزل قريب ياريت ماف زول يعترض

#استكااانة بتبع