#كافيني_24
#ROBY_TOM
طلعنا السوق وامي اشترت لي كل مستلزماتي ....وجينا راجعين ....المساء بابا اتصل وقال لي انا حجزت ليك يوم 22\2 يعني بعد تلاتة ايام لان الجامعة حتفتح عشان كده لازم ترجعي...وشوية كده رامي اخد منه التلفون بعد سلم علي قال لي طبعا يا ربا اناا قررت اخطب وكده
....قولت ليه اصلو ما بصدق بس ما تقول لي.....قال لي اي اياها زاتة اساور.....قولت ليه وااااي الف مبروووك بجد فرحتني شديد ياااخ ....قال لي ولو ياااخ المهم هسي انا عايزك تجيبي لي معاك لابتوب من هناك بالقروش الاديتك ليها ليها ديك....قولت ليه طيب خير ان شاء الله يلا سلام ....قال لي دقيقة دقيقة ما تقفلي في ساعة كده عايزك تجيبيها لي برضو ....قولت ليه خير ان شاء الله ومن متين كمان انت بتلبس ساعات ولا اتغيرت في الشهر الخليتك ده ....قال لي لا لا ياخ انت هبلة ولا شنو والله لي هسي في حالتي الخليتيني فيها لكن عندي صحبي او بالاحري خطيبك رجع السودان اول امس وانا طولت منه زكان عندو عندي هدية المفروض اديها ليه وهو بيموت في حاجة اسمها ساعات ....قولت ليه خلاص خير ان شاء الله يلا سلام....
قفلت التلفون وانا ما قادرة اركز في حتي وياداب حسيت بحجم الحاجة الانا عملتها هسي ياريت لو رامي ما جاب لي سيرتوا ولا رجع لي الذكريات.....
فلاش باااك
يوم خالتو مني كانت عيانة وانا برتب في الغرفة جاء نايف داخل وفتح علبة كده كبيرة زي صندق خشبي ....وبجد صدمني لمن وقفت وفتحت خشمي....شوية كده لاحظت للموقف قولت ليه ما جادي ده شنو ده....قال لي ساعات ...قولت ليه كل ده قال لي والله اكتر حاجة بحبها في الدنيا وعندي ليها بكل الاشكال والاوان .....وعلي اساس ان بحبها بقو كل اصحابي بيجيبوها لي ....قولت ليه همممم ....قال لي طيب استاذن انا....وطلع
.
.
اصبحت كئيبة النفس وانت بعيد عني....يطير شوقي اليك كل يوم محلقا في الافاق علي امل لقاء اخر يجمعني بك ....مر بنا امس واحد منذ افترقنا ولكنه مر وكانه عقد دهر مليون سنة وانا بعيدة عنك...#كافيني ....لقد كدت انا الشوق في تلك الايام القليلة وانت بقربي.....انت دوائي وشافي وجداني#كافيني
.
.
.
رجعت للواقع وماما تنادي فيني افتح الباب مشيت فتحت الباب....لقيتها لجين سلمت علي بس حسيتها كئيبة ...ما سالتها طوالي قولت استناها لمن تتكلم دخلنا الغرفة ...وهي لسه ساكتة .....بس فتحت قولت لجين ....طوالي انفقعت بالبكي ....حضنتها واستنيتها لمن هدت قولت ليها امشي غسلي وشك....مشيت جبت ليها عصير ليمون عشان تهدي اعصابها .....شوية وبدت تحكي ....قالت لي ما قادرة يا ربا انا خلاص فترت ....كل يوم نحن في مشكلة بسبب اسعد...تخيلي اليوم الصباح مرا دق لي نزلت ليه وركبت معاه العربية واساسا ما اتحرك واقف قدام العمارة ....كانت الليلة الذكري الخامسة لارتبطنا.....بس فجاءة وانا بتونس معاه الباب فتح وجاء اسعد طلعوا من اعربية وضربوا....وظاهر انو كان شارب حاجة .....بعد جوا كمية من الناس حتي حجزوهم ....وكمان بعد ده كله طلع مطوة وحاول يضبوا بس الحمدلله جرحوا في يده وهسي اسعد في السجن .....قولت ليها شننو ومراد قالت لي اخو مراد بعد عرف طوالي عمل محضر وخاصة ان ناس المستشفي ما رضيو يدخلوه من غير اورنيك ......قولت ليها طيب واسعد مافطريقة يطلع قالت لي والله ما عارفة وكمان ابو مراد فسخ الخطوبة قال ما بتلزموا عيلة قتالين قتلة....قولت ليها اهدي واشربي العصير وكل شي يتحل.....
قولت ليها طيب مراد موقفوا شنو من الحاصل ده كلووو ....قالت والله لي اول مرة احس اني اخترت غلط ياااخ مراد حتي خشمو ما فتحوا ومن لحظة الحادث وهو مختفي وما عارفة لي طريقة ....قولت ليها الله يستر بس ارقدي شوية ....طلعت برة فتحت النوت وفتشت لحد ما لقيت رقم مراد الحمدلله دقيت ليه اول مرة ا رد ورجعت دقيت تاني مرة واتنين لحد ما زهجت قفلت ....بس ختيت السماعة التلفون دقة.... قولت الو جاني صوت مراد قولت ليه سلام عليكم رد لي السلام بس بصوت اقرب لي الياس قولت ليه انا ربا صحبة لجين ....حسيت نبرة صوتوا اتغيرت ....وقال لي اهلين يا ربا ....قولت ليه ما عارفة ابدا ليك من وين وشاف انت براك الحاصل وكده....قال لي والله انا ما كنت عايز الحصل ده كلووو يحصل بس...وسكت ششوية وكمل كلوو من اخوي وابوي كمل الباقي وانا خلاص بديت افقد الامل حتي ....بعد اسعد ضربني انا ما قولت شي .....بس لمن جيت اطلعوا ابوي رفض ودخل فيها عدم عفو كمان وقال لي لو عرست البت دي حاتبرا منك.....لمن قال كده حسيت صوتوا فيه حشرجه((مش اسمها كده علي ما اقتعد المهم😹😹😹✌️ نكمل الدور)) قولت ليه بس ده ما خلاف يوم او اتنين دي علاقة خمسة سنين عارف يعنو شنو خمسة سنين ....اذا انتوا طول الفترة دي كنتوا متمسكين ببعض حتجوا في اخر خمسة دقايق تتنازل عنها بالسهولة دي ... ما تنسي انو انت الاخترتها وانت العلقتها فيك .....حالياهي منهارة ....القي ليك حل عليك الله ....قال لي والله هو في حل بس هل هي حترضي ...قولت لي والحل شنو قال لي ...
#يتبع
يحيا السودان حرر #تسقط ✌️✌️مرة واتنين ولو مانفع يسقط تاني كمان .
أنت تقرأ
كافيني😍💋
Romanceلا ادري متي سالقاااك اهووو اليووم ام غداا....ابعد حيييين اممم شهر......ولكنني ايقن تماااامااا اننني ذات يوووم في ذااات مكاااان سالقااك ......وعندهاوفي تلك اللحظة ستذيب قلبي وويسل حبك في شرايني انت وحدك من بين كل هالناس كاااافيني بقلمي Roby_tom😍💕
