كافيني😍💋

Part 13

#كافيني_13

#Roby_Tom

الحمدلله البارت الفات التفاعل عليه كان عالي وزي ما وعدتكم البارت الجديد نزل

.

.

.

اصبح وجودك في عالمي عادة....لقد صبغت حياتي بالوان زاهية براقة كنهاية قوس قوز .....ولكن يبدو ان الابيض والاسود هما عنواني...#كافيني

.

.

.

فجاءة اتذكرت كلام بابا وقولت يا بت انت اصلا ما عندك حل احسن ليك اختاري ود عمو حسام .....وعلي الاقل انت شبه بتعرفيهم.....وبقيت بتذكر في اسرتهم انا ولدهم الكبير ده ما بتذكرو نهائي وحتي رهف ونياز ورغد يمكن لي اكتر من 5 سنين ما شفتهم بس بتذكر اسمائهم وبابا كم مرة لمن يكون ماشي ليهم بقول يسوقني وبتحصل حاجة واتذكرت لمن باابا قال لي اسالي امك هي بتعرفهم .......

قطع صمتي صوت طقطقة اصابع .....قلت ليه همم قال لي وين شردتي قولت ليه لا لا والله ولا شي بس سرحتة شوية.....قال لي انت بتسرحي دايما كده.....قولت ليه يمكن بس في حاجات كتر في بالي ما اكتر .....قال لي همم سرحان المراهقين صح....قولت ليه هااا قال لي لا لا ما قولت شي.....قولت ليه ايوااا تمام .....بس عن اذنك امشي اجهز العشاء قال لي تمام وانا زاتي طالع الجامع.....يلا سلام ومشي خلاني.....

صليت العصر ودخلت المطبخ وعادة زي الزمن ده ماما لو صحت بتشرب هي وعمو احمد ......قمت جهزتها وولعت البخور وكل الحاجات .....خلصت كده ماما جات قالت لي في وقتها والله الصداع كسر راسي.....شالت الصينية وطلعت وانا كملت باق الحاجات وجهزت العشاء وبقيت افكر في يوم بكرة .....

مشيت لي ماما لقيت معاها عمو احمد وخالتو مني قولت ليها قبيل جاتني لجين وقالت خطوبتها بكرة العصر وخالتو ...بس مع كلمت مشاعر كده الجرس ضرب .....قمت فتحت كده جات خالتو مشااعر داخلة .....قالت لي ربا اخبارك يا بتي وانت كيفك ....ولاحظت وراها نايف هي دخلت قولت ليه اتفضل دخل وقفلت الباب .....

مشيت جهزت ليها عصير وجبت ليها معاي فنجال......جيت لقيتها فتحت الموضوع وقالت ليهم انا مستعجلة والله بجي في وقت تاني......امي قالت ليها تبوري لي البت دي ساي اقعدي انا شاء الله فنجال وامشي......قالت ليها والله عشان خاطر ربا دي بس اقعد اصلا لو ما بارت انا من ولدي ما بحلها....طبعا في اللحظة ديك لمن بطني وجعتني اصلا ولد خالتو مشاعر اسعد ده لله في لله كده بكرهوا واصلي ما بهضمو ....))وانا كنت سرحانة زي عادتي وشكلي كنت ما منتبهة ان في زول مركز علي....لحد ما خالتو مشاعر طلعت واقفلت الباب وراها......جاني نايف وانا واقفة وقال لي خطابك كتاار ما شاء الله وغمز لي ومشي......

دخلت المطبخ جهزت كم طبخة كده سمعت التلفون الثابت برن((ما كان في جوالات الزمن داك....))

عايزة ارد لقيت رنا ردت وبتتكلم وبتتفاصح ....عرفت ان ده رامي.....بيتكلموا كده شوية وناداتني قالت لي رامي عايزك.......رديت ليه وانا يدي وسخانة وهي ماسكة لي الجوال بيد وانا بتكلم بعد سلم علي قال لي والله انا مخصوص داقي عشانك بابا كلمني بي موضوع عمو حسام وبالجد يا ربا انت ما حتلقي احسن منو وانا ببصم ليك بالعشرة علي كلامي.....انا بسمع في كلام رامي وحاسة ان دموعي ماشة ومن دون توقف

....وجاء في بالي لحظة خالتو مني قالت خاطب....نزلت من دمعة حارة وهناك رامي بيقول الو الو انت معاي يات يا ربا ....قولت ليه انا موافقة كلم بابا.....قال لي زين ما اخترتي ....يلا سلام وسلمي علي ناس امي وعمو احمد......قولت ليه ان شاء الله وقفلت .....دخلت الحمام بكيت قريب النص سساعة...بس الحمدلله ماف زول لاحظ لي .....

هذه هي نهاية كل قصة حب....ولكن قصتي لم يكتب لها عنوان بعد حتي الان ......فكيف لي المضي بعدها ....يا الااهي يا مجيبي الهمني الصبر لاتحمل كل هذه المشاق.....#كافيني

كل عام وانتوا بخير وينعاااد عليكم بالصحة والعافية

......

وفي بارت طويل هدية بمناسبة العيد حينزل الصباح ان شاء الله

#استكااانة يتبع....