كافيني😍💋

Part 19

#كافيني_19

#ROBY_TOM

احبه احبه من هنا لابعد مدي.....عمري معاه ابتدي وباقي وياااه.....فكيف لي المضي وتركه خلفي .....كيف لي ان اقول لك انك رووحي ونفسي وكياني.....انك املي في هذه الحياة بعد الله.....هل اقول لك ان يومي لا مذاق له من دونك....انت من بين كل هانااس ..#كافيني

صحيت بعد الظهر صحيت وانا بفكر في كلام ماما....لأان بالجد انا حياتي ما حتقيف عليه بس الله يصبرني....اتذكرت ان طولت ما دقيت لبابا .....طلعت الصالة برة بس الشبكة ما بتوصل حاولت مرة بجي جرس ومرة بيقطع ...دخلت المطبخ قولت احسن ارتب الحاجات قبل ابدا اسوي في الفطور....بس التلفون ضرب...

رديت علي بابا واول ما رديت...قولت الو قال لي ما ممكن يعني نسيتيني كلووو كلووو....خلاص لقيتي عمك احمد مش....زقولت ليه ما كده يااااخ بس كنت تعابنة شوية....قال لي كده دقيقة اقعد مالك يابتي خير ان شا الله....مالك الحصل ليك شنو ...قولت لا لا بس ارهاق بس ودمي نزل .....قال لي اهتمي بنفسك وعارف امك ما بتقصر بس كمان خلي بالك من روحك....قولت ليه اي فعلا.....قال لي اهاا فكرتي...قولت ليه فكرت في شنو.....قال لي مموضوع عمك حساام

.....قولت ليه اي بابا انا اتخذت قرراري وانا كلمت رامي ان موافقة......قال لي رامي كلمني بس كمان هو حسي انو ضغط عليك وقال يخليك كم يوم قبل يقول ليهم موافقتك النهائية.....الحمدلله ما خيبتي املي فيك وان شاء الله حتكوني سعيدة معاهم ....قولت ليه اي ان شاء الله.....ومادام هو من طرفك وصاحب رامي فاكيد حيكون كويس....الله يقدم الفيه الخير......قال لي عارفك انت لسه ما مقتنعة بس ان شا ءالله بعد تتعرفي عليه حترتاحي ليه .....قولت ليه يمكن.....قال انت موعد سفرك متين عشان احجز ليك....لان الجامعة حتفتح قريب قولت ليه .....لو في طريقة ممكن تحجز لي بعد اسبوع او 10 اياام بالكتير .....قال لي خلاص تمام انا حاجز ليك خلال الفترة دي.....وعلي كده قفلت الخط...

اليوم داك كلووو قولت ما اظهر ......واصلا بكرة العمرة وكده ......جهزت الغدا ورصيتو علي جزئين وده كلووو عشان اتجاوزوا......اكلت مع راما ورنا .....وسالت امي للو عندها بندول عشان تاني ما تسالني لي اختفتيت ونايمة مالي.....قالت لي والله ما عندي هسي بس اصبري شوية يجيبوا ليك من الصيدلية او لو لقيت زول في طريقي لان احمد ماف ونايف تعبان شوية......قولت ليها تمام .....ودخلت جوااا....شوية ورنا جابتها لي ومعاها موية ....قولت ليها ده شنو الرقي ده الواحد لو ما مرض ما بتخدمي اصلوو.....ولا استنتني اكمل....قال لي ما عشان سواد عيونك ....رسلها ليك الطويل داك.....قولت ليها الطويل منو ده.....قال لي داااك يااخ اخو لجين....لمن قالت اخو لجين لمن راسي وجعني بالجد

....واتذكرت العملو.....طوالي ختيت الكباية ولفحت التوب وطلعت برة وناوية للشر بس......لقيتو قاعد مع امي وخالتو مني ولحظو بس معاه خالتو مشاااعر والا كان خنقتو علي الاقل يموت وارتاح منو ومن همو ياااخ زي الهم علي القلب ......جيت سلمت علي خالتو مشاعر وقعدت ابيت اسلم عليه .....واتجاهلت وجودوا ....قال لي ما سلمتي علي يا ربا....قبلت عليه وبابتسامة مصطنعة قولت ليه معليش ما بصافح.....قال بس...قاطعتو قبل يكمل .....قولت ليه الله هداني في مشكلة... قال لي اها وسكت مني....,طلعت خليتهم دخلت المطبخ خلط عصير جيت راجعة.....لقيت اسعد براه قبلت يمين شمال....لقيت الصالة فاضية.....وهو عامل ذكي قال لي قريت افكارك شفتي كيف القلوب عن بعضيها .....مشو يشوفوا البيتسمي داااك....لسه ما مات يعني بس قريب ان شاء الله...(((قولت ليه ما تعمل فيها ذكي لان اساسا ماجاية معاك....والميتسمي ده عندو اسم نايف نون الف ياء فاء ...بس اتذكرت معليش انت ما بتعرف الحروف يمكن صح.....وعلي فكرة انا عارفة انت السبب وحمد ربك الف مرة وصلي ركعتين انو ما حصل ليه شي والا كان انا الحاوديك وراء الشمس....وتتقطع يدي تاني قبل ما تداويك.... بس الله اراد وزي ما بقولوا الحسنة في المنعول..

....اصلا الزيك محتاج يقتلو ....احمد ربك ان ما قومت عليك الدنيا وقعدتها.....قال لي عارفك بتخافي علي.....قولت ليه ما بخاف علي الكلاب معليش .....بس لو لقيت كلب مجروح اكيد حاعالجو زي ما عملت ليك....حتي لو ما كان بيستاهل ....وانا حقو حاخدوا تالت ومتلت بس استني وشوف.....واصبر لمن رامي يجي اكيد ما حاوصيه بالباققي كفاية بس العنوان....""اسعد"" وعارفوا ما بقصر صح......))

كيف لي ان اقول لك من الاخر وللاخر وعلي الاخر مكفيني عن كل الناس....ان بداتها فانني لن اتوقف عن قولها مرارا وتكراراا الي ان.....ان يتوقف قلبي عن الخفقان ...ودمي عن السيلان .....وروحي عن المضي في عشقك.......ساهواك ولو طال الزمااان ملهمي انت......#كافيني

((.....القرا اهواك حيعرف معني الجملة الاخيرة....))

طبعاا وانا بتكلم لمن جسمي برد بس قولت احسن اسكتوا ولمن خلصت وقولت رامي لمن وشو اتخطف .....وطلعت خليتو متحير...انا زاتي ما عارفة القوة جاتني من وين.....وخلاص المغرب جاء .....انتظر اذن صليت ونمت.....وما صحيت الا حوالي الساعة 12 .....لقيت الانوار كلها مطفية والظاهر ناموا ......صليت العشاء عايزة انوم حسيت بجوووع.....قولت انوم يااخ ماف داعي اكركب واصحي الناس وبكرة سفر....رقدت غمضت عيوني قدر ما حاولت انوم غلبني كان يجي وقدر ما حنستو ابى...

في النهاية اتشجعت ودخلت المطبخ وانا حاسة بفتر قولت اشوف لي حاجة خفيفة....ولعت السخان وانا بجهز في كبابي .....حسيت بكركبة وراي ما اهتميت قولت يكون في شي وقع بس بعد شوية تاني حسيت بزول ورااي....قولت عشان احفظ نفسي يكون حرامي وعايز يقتلني.....مشيت علي درج السكاكين وانا بحاول اطلع كده...في زول مسك لي يدي

......بس بالتانية شللت لي سكينة قال لي اهدي يابت...ده انا نايف.....فكيتو ولفت عليه وانا ما منتبهة ان السكينة في يدي.....بس جات وجرحتوا في معصموا.....والدم سال.....((....مع ان بتعامل مع الدم وكتير كمان بس عندي منو فوبيا وبذات ببليل ....لان مرة جانا حرامي بليل ودخل غرفتي شلت المبرد حق الاظافر وطعنتو في رجلوو وبقيت برخ ودخلت في حالة هستيرية كم يوم....ومن يومها بقيت ما بستحمل ....اشوف الدم بليل....))...

عايزة اصرخ كده قفل لي خشمي وقال لي اهدي ما حصل شي....بعد دقيقة هديت وفكاني.....وانا بهمس عاين يدك بتنذف ...جيب اخيطها ليك....قال لي ما ممكن ازمن اتاخر قولت ليه كيف الجرح عميق ما ينفع الا خياطة ......جبت الادوات كلها وبديت عقمتو باسبريت ...حسيت بيه بيالم ....بس قولت لازم اكمل عشان ما يلتهب.....وجبت الابرة والخيط...ومع كل غرست ابرة انا كنت بتوجع اكتر منووو....كنت حاسة بكل نقطة الم بس ما قادرة ابكي عشان ما يحسن بضعفي....

كيف أقولها وقلبي يتألم من البكاء..... كيف اشتقت لعينيك وأبحث عنها بين النجوم....هل تعرف حقاً معني البكاء.....نعم ذاك البكاء الصامت الذي لطالما كنت اقوله وانا امعن النظر في عينك......وادقق ناظري بين حاجبيك...... هل فازت عيناك بقلبي..... هل عشقت الحب مثلي..... أبداً لن تكون حبيبي...... هل رااأيت بريق عيناااي.... هل سمعت صوت نااااائي وبكائي.....هل عشقت الحب من أجلى ولم تحب سواي...... أبدااااً لن تكون....لن ااااااكون اااااكثر من مجرد شخص ااااقتمص حياتك وذهب في لمح البصر....لا تدري ما تركت ورااائك....ذاك القلب الذي كلما نبض تذكر اسمك ...الذي لم ينسه من الاساس بل نبض لاجله......#كافيني

#استكاااانة_يتبع

((....تعقييييب..))):

بما انوا امس كان في تفاااعل عالي علي البارت الليلة نزلت جزء طوووويل...وشكرااا للتفاعل...

user15723833
lamees234