كافيني😍💋

Part 5

#كافنيني_5

#Roby_tom

.

.

.

.

لا اعلم متي ظهرت في عالمي ......اهو حلم ام حقيقة .....هل حقااا اصبح حلمي واقع....ولكن وفي كسر من الثانية ادركت انك اصبحت اقرب الي من حبل الوريد .....صرت كالاكسجين الذي لا استطيع العيش دونه.....#كافيني

.

.

.

فجاءة انتبهت لي روحي ....وقولت ليه انا متفائلة خير وان شاء الله حيتعافي....واتحركت علي الاستراحة كملت بكاي و بعد هديت شوية ......رجعت لي المرة ولقت حالتها سيئة والاسواء ما معاها اي زول.....بعد كشفت عليها لقيت الوضع لسه علي حاله.....طلعت لي امها حاولت اطمنها بس كانها حست بي مسكتني وبقت تبكي .....بعد هدت شوية بدت تتكلم .....

قبل اربعة سنين انا كنت بقرا في الجامعة و في اخر سنة ....في يوم طالب جديد هو كان مميز ...وبدت بينا صداقة لحد ما قلبت حب......بعد اتخرجنا جاء اتقدم لي و اهلي رفضو لان من منطقة مختلفة .....بس انا اصريت عليه واتزوجنا وسافرت معاه وهسي رجعت اول امس عرس صحبتي....بعد هي سافرت امس طلعنا ونحن راجعين قاطعين الظلط هي فكت يدي وجرت ......ورجعت تبكي تاني

.

.

.

.
قطعت قلبي حجزت ليها غرفة ومشت رقدت لان ضغطتها نزل....وانا بتكلم معاها كده واديتها منوم وطلعت.....عملت تشك للعنبر ورجعت البيت ......حاولت انوم ما قدرت ...نزلت لي ماما تحت لقيتها في المطبخ قالت لي قالوا راجعين اخر الاسبوع يعني فاضل ليهم اربعة ايام .....قالت لي ياربا انت ما تجي معانا وتغير جو قبل ما السنة الجديدة تبدا .......حسبتها كده مسافة وقولت لها ليها بجيكم في اجازة السمستر حتكون شهر و اخد اسبوع من السنة الجديدة .....زعلت بس اقنعتها.....ومرة اليوم بليل حاولت انوم ما قدرت غلبني قدر ما حاولت طلعت برة وقعدت في كرسي وبقيت بتامل في النجوم ....ما وعيت عل روحي الا و راما بتصحي فيني لقت الصبح جاء رجعت نمت جوااا ....

صحيت تاني يوم 8 واصلا شغالة متاخر لي 11 .....راجعت شوية كده وجهزت واصلا نفسي طالعة.....عباية سوداء وطرحة سوداء وشبط بسيط لقيت اللستك مبنشر هي لمن تقفل بتخرب من كلووو الله يستر......قولت اخير اتمشي اصلا باقي ساعة وبعدين الق لي اي طريقة لو الشمس ساخنة .....بعد نص ساعة وصلت ....طلعت فوق عشان اشوف هزار بقت كيف .....لقيت ريان ومعاها واحد جيت سلمت عليها وعرفت ان زوجها ...اطمنت عليها حالتها بقت احسن .....اخر اليوم جيت لقيت هزار صحت بس لسه تعبانة حالتها ما استقرت .....الحمدلله بجد حالة امها تحنن الكافر .....بس في حاجة غريبة خالص ما لقيتو طول اليوم وانا عيوني بتفتش عليه بس نهائي ما لاقاني.....خفت اسال زول يفكر غلط واصلا حاسال كيف وانا اسمو ما بعرفوا ..... كملت التشك بس كان في ورق عايز توقيع سالتها من الدكتور المتابع قالت لي والله امو ضغطتها ارتفع وجاتها جلطة .....جاء بدري وطلع طوالي لكن لحد الاسبوع يخلص يمكن يجي لو حالتها اتحسنت والا حيسافر ....قولت ليها تمام سلامتة وكيف بقت قالت ل اتحسنت من اول بس ما استقرت مية المية ودكتور نايف بكرة بيجي ياكد حضوروا او ياخد اجازة .....وطلعت وانا ف الطريق بفجاءة جاتن اللقطة لمن ككنت بتكلم مع البت ....قالت دكتور نايف .

حسيت ان الوقت وقف .....يا الله اسمووو ولا اروووع من الخيال .....وطول الطريق وانا بتبسم وقربت للبيت وانا بفكر لو اخد اجازة ولا حيرجع يكمل استغفرت ....فجاءة ومن دون سابق انذار حسيت بيد في ظهري .....قمت نطيت سامعة امي بتتكلم معاي وبتكوريك ......رجعتني للواقع تاني قال لي مالك قال التقول العشاقنة وما موريانا ولا طقتك الشمس ......قمت ضحكت قولت ليها ماف شي يعني الواحد ما ينبسط ولا شنو تكون من الشمس الحارة دي ......ودخلنا بليل فتحت الدفتر وكتبت...

.

.

.

وقد نظرت في الافق مرة فرايتك ....اصبحت كالشهاب في عيني مررت بسرعة واختفيت......ولا اعلم ان كنت قد اراك مجددا....... لقد فقد يومي كافينه ببعدك .....هوااك قلبي وتوقف بذهابك ......قد ظنني الكل انني فقدت عقلي واصبحت اتوهم ولكنهم لا يدركون بعد ما بداخلي......لقد تخطي حبي لك كل الحدود وخرق القوانين .....اصبحت في نقطة اري الحب بعيدااا جدااا نقطة لا مفر لي منها سوي الغرق في عشقك وبحر هيامك ......#كافيني

#Roby_tom

#استكاااانة يتبع ..~