#كافيني_25
#ROBY_TOM
قولت ليه والحل شنو طيب قال لي ......اننا نتزوج بالمحكمة وكده خنختهم قدام الامر الواقع....سكت للحظة لان قرارو فاجاني بس قولت تاني ما احرجوا....قولت ليه بس ما ملاحظ انو الموضوع بدل ما يتصلح كده حيتخرب زيادة ....رد لي والله ده الحل الوحيد وكده هم ما حيكون عندهم خياار واساسا انا جاهز ما عندي مشكلة نتزوج اليلة قبل يكرة ....بس الكان موقفني لجين وقرايتها ....بس مادام وصلنا للمرحلة دي فما قدامنا غير كده...
بجد يا ربا انت ما عارفة احساسي في اللحظة الابو لجين قال لي ان قطع كل علاقتنا وابوي ايدو .....يمكن دي كانت اصعب اللحظات المرة علي في حياتي حسيت اني خسرتها بالجد وان حب حياتي راح من يدي...ما عارف اقول ليك شنو بس انا ما عايز اخسرها ولا بشكل من الاشكال .....قولت ليه واكيد ده م حيحصل ومادام حبكم صادق اكيد حتكونوا لبعض .... قال لي بس انا حاحتاج لمساعدتك قولت ليه ان شاء الله انا ما حتاخر عنكم اكيد....قال لي طيب بكرة الساعة واحدة شوكة انا حاستناكم ورا العمارة اوك ....قولت ليه طيب ....قولت ليه وحاول اقنع اخوك واكيد والدك حيقتنع ....لان سعادتك مستحيل تكتمل من غير اهلك حولك....وقفلت
رجعت الغرفة ولقيت لجين نايمة ......بقيت بعاين ليها بجد الحب ده غريب البت قبل كم يوم ما كانت حتموت من السعادة والليلة هي وين....سبحان الله مبدل الاحوال....وبقيت اتذكر حالتي اول ايام اتعرفت فيها علي نايف وكمية السعادة الدخلتني ...والحزن الانا حاسه حاليا ده...اخخخ بس
.
.
.
اهلكني حبك يا هذا......سهرت الليل وجفت عيناي وانا انتظرك......لقد تبدت اخر خيوط تربطني بك.....فقط تلك اللحظات القليلة كانت كافية لتجعلني اتيم بك الا مرحلة فاتت الحب والعشق ....الا ذلك الهيام الذي طالما كنت اسمع عنه واقراء عنه ولكن ....هل ما نتمناه يححدث اجل ربما ولكن ليس دائما كما نحب ونرجو....في السويعات الماضية فقط احسست بمجنون ليلة وعنتر عبلة ....يمر الوقت وازداد في كل لحظة صبابة وحب وامل لقاء اخر يجمعني بك....اخخخ#كافيني
.
.
.
الساعة واحدة الا لبسنا نقاباتنا ونزلنا تحت ...واساسا هي للحظة ديك مفتكرة ان ماشين السوق حس ما فهمتها لانها ما حترضي حتي لو اتخلت عن مراد ....بعد نزلنا وطلعنا قولت ليها خلينا نمشي المول البشارع الورا ....قالت لي طيب اساسا بالها ما كان معاي...اتحركنا ومشينا....لحد ما وصلنا جنب عربية مراد وهي لسه شاردة قولت ليها يابت......قالت لي هاا قولت ليها خليك معاي قالت لي طيب......وصلنا قدام العربية حتي هي انتبهت قال مراد كده ....هو كان بتكلم بالتلفون وواقف......وكان الزمن وقف بيهم مسافة عاينو لبعض مساافة ....س انا كنت هناك وقطعت عليهم اللحظة دي قولت ليهم يلا....
لجين قالت لي علي وين قولت ليها اركبي وشوية واوريك.....بعد اتحركنا والصمت عامي المكان لحد ما بعد ربع ساعة وقفنا قدام المحكمة ......لجين قبلت عاينت لي وعاينت لمراد قالت لينا نحن هنا لي....قولت ليها عشان حبك يا لجين....قالت لي بس....قبل تكمل مراد قاطعها وقال ليها انا يمكن طول السنين دي بوعد فيك انك في يوم حتكوني حلالي تتوقعي اني ممكن اخليك في يوم يابت حتي لو كان الموضوع ضد اهلي واهلك بس انت نبضي في زول بعيش بلاه ولا انت عايزاني ام..قبل يتم قالت ليه بس ما تكمل انا شنو بلا ...والدموع في عنيها بس كمان اهلي....قال ليها مع الزمن اكيد حيوافقوا وخاصة ان انت بتهم الوحيدة....قالت ليه لكن لو ما سامحوني انا اعمل شنو انا الخطوة دي مستحيل اخطيها ايا كان الحاصل ...قال ليها طيب لو قولت ليك اهلك انا بقنعهم ...قالت ليه لا والف لا ...اي صح انا بحبك ومستحيل افرض فيك بس ما مستعدة اخسر اهلي .....انا اسفة ونزلت من العربية ...
نرجع لي بعد الموقف ده طوالي نزلت ورا لجين....جيت امسك يدها....قالت لي لا يا ربا ...معقولة بس اذا انت متخيلة اني ممكن اعمل كده...اتوقع شنو انا من باقي الناس .....مهما كنت بحب مراد....بس ولاي ليه استحالة يفوت اهلي....قولت ليها عارفة والله....وحضنتي ...بس فجاءة في يد مسكتها من كتفها لمن قبل لقته اسعد ...للحظة اتهجمت وقالت ليهو بتردد وخوف اسعد ده انت قال ليه اي انا....مالك خايفة كده...مفكرة اننا حنقيف ضد سعادتك انت اختنا ....اختي شو انت بتي واكيد سعادتك بتهمني ....بعد شوية امها وابوها ظهروا ومعاهم ابو مراد...وفعلا عقدوا ليهم .....بعد ما انتهينا وكان في باقي اجراءات كده كنا انا ولجين برة...كانت بتبكي مسافة.....لحد ما هدت شوية قبلت علي....وقال لي انت الاقنعتي اسعد مش.....من غير ما ارد ابتسمت ليها....قالت لي وهي بتتنهدد انت عارفة صح انا الله ما اداني اخوات ....بس بجد انت عوضي يا ربا شكرااا ليك من اعماقي انت ما متخيلة سعادتي الانا فيها......بجد ما متخيلة اني خلاص بقيت حلالو ياااخ انا اليوم ده من سنين متمنياه.....واتحقق بسببك ....بالجد انت احلي انسانة ويارب الله يحقق ليك امنيك ويديك الفي بالك....ويجمعك بالفي قلبك نايفك.....ابتسمت ليها وسرحت....
.
.
.
يا الله هل يعقل ان يحدث ....هي يمككني لقائه مجددا ثم ماذا بعدها ....هل سيكون لي ....لم يتحرك قلبي ويدق دقتان متتاليتين الا عند سماع اسمك....هل اخخخ....تعبت وانا اتسال متي سياتي ذلك اليوم حتي انهي كل هذاا..#كاافيني
.
.
تاني لجين سالتني بس ياربا انت كيف اقنعتي اسعد بجد ما كنت متخيلة ان ممكن يحصل كده...
بديت احكي ليها....
#فلاش باك
قريب لي صلاة الصبح دقيت لي اسعد .....لان طلع بكفالة.....ومع ان الموضوع كان صعب علي بس انا عارفة ان هو ما حيرفض لي طلب....وانا مستنياه جنب باب عمارتنا جاني بضحك زي الاهبل ومع ان مع ان ما ضايقاه بس لو عندك حاجة عند الكلب لازم تسمع نباحوو....قال لي خير يا ست البنات انت بذات نفسك تطلبي تشوفيني وكمان في الوقت ده لا اكيدد حاصلة كارثة.....قولت ليه والله انا ما عايزة منك شي .....بس عايزة اطلب منك طلب ياريت ما ترجعني قال لي هو انا لاقي لمن نن عيوني تطلب مني حاجة.....ابتسمت ليه ابتسامة باهتة كده.....قولت ليه لجين ومراد.....قال لي يا دين الله ما تجيبي لي سيرة الزفت ده من اول الصباااح ياااخ.....قولت لي لي بس انت عملت كده....طيب اذا هو ما كان عاجباك .....معقولة تضحي بسعادة اختك عشان ترضي ضميرك ......قال لي خلينا من ده كلوو انت عايزاني حاليا عشان مراد يعني.....لو كده عن اذنك قولت ليك اسعد ارجوك افهمني....لجين ما عندها ذنب بعض النظر عن علاقتك مع اسعد وانا عارفة انكم ما متفقين بس عاين لاختك......سكت شوية وقال لي اها طيب المطلوب مني شنو....كل المطلوب منك انك .....
#استكااانة يتبع.....
😹😹😹👌والله البارت ده طووويل
يومين كده وننزل تاني ان شاء الله🙂♥️
وسقط البارت🌚♥️
أنت تقرأ
كافيني😍💋
عاطفيةلا ادري متي سالقاااك اهووو اليووم ام غداا....ابعد حيييين اممم شهر......ولكنني ايقن تماااامااا اننني ذات يوووم في ذااات مكاااان سالقااك ......وعندهاوفي تلك اللحظة ستذيب قلبي وويسل حبك في شرايني انت وحدك من بين كل هالناس كاااافيني بقلمي Roby_tom😍💕
