كافيني😍💋

Part 2

#كافيني_2

صحيت تاني يوووم 5 اتروشت وصليت وقريت وردي ومشيت علي المطبخ لقيت رامي بيعمل في الشاي ..... طوالي عملت ليهم بان كيك و مرقنا لقينا بابا طالع الشغل..... بعد تعب اقناعناه قعد معانا شوووية .....بجد كان تغير لان لينا فترة ما قعدنا كلنا سواااا يمكن اكتر من اسبوعين ما اتلمينا في صفرة واحدة ....طلعت لقيت الساعة 7 لبست وعملت شوية ميكب وعاينت في المراية...استغربت في رووحي لان ناادر ما بعاين لي رووحي في المراية كتتتير .....وحتي المكيااج الا يكون مزاجي رايق..... وطلعت 7:30 وانا معنوياتي فل والمحاضرة باقي ليها نص ساعة وانا ماااشة كاان في زحمة شديدة ...والظاهر في حادث وما بقدر ارجع ورااء انتظرت مسااافة قريب 20 دقيقة حتن الطريق فتح ......وجري علي الجامعة بس للاسف لقيت المحاضرة بدت ليها ربع ساعة والدكتتور صعب....بس قريت اية الكرسي ودقيت الباب قولت ليه معليش بس الزحممة وكده.....الدكتور عاين لي كده وقال لي دي عشان اول مرة ليك تتاخري ما مشكلة وقعدت ورااااء يمكن دي اول مرة اتاااخر ......بحب ادقق في الموااعيد اكتر من اللازم ....

والمحاضرة خلصت طلعت برة واصلا عندنا محاضرة واااحدة تاني الا بعد الظهر....دخلت الاستراحة وصليت وقعدت في كورنة في المسجد وسرحت.....كيف كانت حياتنا قبل 8 سنوات كنا كلنا سوااا ماما وبابا وانا ورامي نزلت مني دمعة من غير ما اشعر .....مسحتها سرعة ما بحب احس بالضعف .....عدلت الميكاب وطلعت برة.....لقيت الشلة متلمية بيتونسوا فطرنا واستاذنت منهم لان تلفوني ضرب ...لقيتها ماما وقالت انهم جايين بعد اسبوع ....رجعت قعدت والفرحة ظاهرة علي ....مشيت المكتبة قعدت اقرااا لحد 1:10 قمت اصلي وانا راجعة وقفتنيي لينا هي برلومة وطلبت مني اشرح حاجة لواحد خلال الاسبوع لو في طريقة ....اتفقت معاها يوم الاربع يعني بعد بكرة الساعة 10:40 ....لان التلفونات ماااف لازم نتفق علي كلووو شي من بدري ....ومشيت القاعة 1:45 قعدت في محلي المعتاد الكنبة الاولي في الجزء العلي اليمين بالطرف ....وقلبت الشيتات حقت المحضارة لحد ما الدكتور جاء ورجعت البيت .....لقيت رامي مجهز برنامج كامل خلال الاسبوع لمدة اربعة ايام ....لان حيسافر شهر ما حيرجع......رقدت نمت وانا حاسة بالروتين القاتل الفي حياتي ....الحمدلله الطلعة دي حتغير علي كتير .....نمت ساعتين صحيت العصر نزلت تحت لقيت الغدا جاهز اتغدينا انا ورامي.....بالجد هو لمن يكون قاعد بغير علي وبحسسني بالجووو الاسري .....قعدت قريت لحد العشاء رامي قال لي نطلع بعد ده ......قعدت فكرت شوية تاني قولت لو اتاخرت ما مشكلة لان ما شغالة جامعة بكرة.....والمستشفي لي 11 جهزت لبست لي عباية خليجي كحلي ببيجي وعملت لي كحل وقلوص .....وطلعنا مشينا شارع النيل قعدنا جنب ست شاي وبقينا نتونس ......وانا بحكي ليه عن الاسبوعين الفاتوا وكلمتوا بموضوع جية ناس ماما ......رامي مشي البقالة في الاثناء دي انا سرحت شوية وغمضت عيوني .....بس فجاءة شميت ريحة العطر نفسها قولت يمكن انا بتخيل فتحت عيوني....وقبلت وراي لقيت وااحد بس مقبل عكسي  الضوء ما كان عالي وشبه ضلام بس قواموا قريب لي الزول اليوم داااك.....رامي رجع كملنا ونستنا ونحن راجعين جاب لي ايسكريم عشقي ورجعنا.....وطول الطريق وانا بس مركزة مع سيد الريحة ....حاولت اتجاوزوا .....رجعنا لقينا بابا صاحي عملت لينا شاي لبن وقعدنا برة في الحوووش كان عندنا شجر كتير والجووو خرافي .......لحد الساعة  1اي زول مشي غرفتو 

فتحت دفتري وبقت بكتب

.

.

.

ايعقل انني وجدك ام انها مجرد اوهااام هل حقااا احبتتك من عطرك ام......#كافيني

نمت صحيت تاني يوم 5 صليت قعدت اقرااا لحد 9 طلعت جهزت الفطور فطرنا انا ورامي وطلعت اتجهزت .....وانا طالعة لاقاني رامي وقال طالع معاي عندو صحبو شغال في مستشفانا طلع معاااي والطريق كلوو نتونس المستشفي بعيدة مننا شوية ......وصلنا واي زول مشي في طريقوو.....عدا اليوم....اليوم التاني مشيت الجامعة خلصت المحاضرة الساعة 10 مشيت الاستراحة..... لاقيت البنات سلمت عليهم ومرقت طوالي...... مشيت علي المكتبة شلت شيتاتي الناقصة..... ومشيت علي اتجاه المكتبة ولقيت لينا وكان  معاها وااااحد وانا جاية عليه وكل ما اقرب بحس بريحة العطر اقوة واقوة ......لحد ما وقفت سلمت عليها ولفت عشان اسلم عليه حسيت الزمن وقف لوهلة........

#استكانة