كافيني😍💋

Part 14

#كافيني_14

#ROBY_TOM

#هدية العيد بارت من 1000 كلمة

للحظة راجعت افكاري وقولت انا بقيت قدام الامر الواقع....يعني خلاص ماف مفر من الواقع وانا وافقت ....وما عندي حل تاني....امي جاتني بليل كده....قالت لي مالك قبيل كنت بتبكي قولت ليها لالا ما كنت ببكي....قالت لي لو انت نسيتي فانا امك و حاسه بيك ما علي بعضك قالت لي رامي كلمني بموضوع الولد الاتقدم ليك هو قال لي صحبو وهو واثق منو يابتي.....انت لو ما موافقة ماف زول حيجبرك علي حاجة بس انت خليك ثابتة في قراراك قولت ليها يا ماما اناموافقة....قالت لي متاكده يا بتي ...لانك انت بتتكلم من وراء قلبي...

وحالتك الكنت فيها قبل كم يوم دي ما عاجباني ما يكون الموضوع ده مؤثر عليك.....لو كده من هسي نلغي ولا تشيلي هم ولو علي رامي وابوككي انا بتكلم معاهم اهم شي راحتك وسعادتك قولت ليها لا لا ....قالت لي طيب في زول في حياتك يعني ما تخافي قولي لي ....سكت مسافة وقبل ارد قالت لي وصلني الجواب ولو هو دارك بيجي بالباب عديل وانا بكلم ليك رامي ....قولت ليها لا لا ما ماف زول .....انت فهمتيني غلط...بس لان ما بعرفوا وخايفة ادخل في تجربة ما اقدر اطلع منها.....

قالت لي كلووو مقدر ومكتوب ولو الله اراد حتكوني اسعد انسانة بس انت خلي ثقتك في الله كبيرة تمام....وارتحي هسي عشان تمشي بكرة تساعدي صحبتك بعد بكرة بنمشي نعمر.....وهناك ادعي والفيه الخير الله بيجيبوا تمام.....الصباح رتبي الصالون قبل تطلعي لان احتمال يجو يلبسوا هنا لو البيت ما كفاهم ....قولت ليها تمام وامي طلعت ....وانا قبلت علي الحيطة...حاولت انوم بس الدموع غلبتني ......

لا تفرقني عنك سوى بضع سانتميترات.....اكاد اسمع دقات قلبك ..من خلف هذا الحائط..... انت النعيم لقلبي والعذاب له .....فما امرك في قلب واحلاحك......#كافيني

ولعت النور وفرشت المصلاية وقعدت اقراا في الصحف لحد ما حسيت بنعس .....ما قدرت اكمل نومي في السرير ....كنت حاسة بارهاق....ما صحيت الا علي صوت الديك واشعة الشمس دخلت الغرفة.....صليت الصبح وجهزت .....مشيت عملت الشاي ومعاه كيك كمية لينا وقولت اودي لي ناس لجين لان بكونوا مشغولين وماف زمن رتبت الصالون ونضفتو وكتبت ورقة لي ماما وعلقتها في التلاجة وريت الصفرة....ومرقت

وانا بفتح في الباب كده حسيت بحركة وراي .....قبلت لقيتو نايف قال لي علي وين بدري كدده ((....عايزة يبقي لي رامي نمرة اتنين....)) قولت ليه بهمس ماشة للجين عشان اساعدهم..... قال لي اهاا تمام اوصلك قولت ليه البيت قريب قال لي ارح يابت واصلا عايز اتمشي شوية .....قولت ليه طيب ....قال لي بس استنيني 15 دقيقة قولت ليه تماام....مشيت رجعت قعدت في الصالة لقيت الشاي قدامي قولت احسن اشرب يمكن ما الاقي طريقة واقوم اتعب ساي بعدين...

كبيتو كده قبل اشرب لقيتو قدامي ....شاف الكباية قال لي شكلوو كده ماف طريقة نشرب بعداك ننزل اوميت ليه براسي.....وقعد كبيت ليه .....وضاق من الكيك قال لي واااو دي كيكة شنو ....ماشاء الله يدك طاعمة في كل شي قولت ليه دي كيكة برتقال قال همممم بالجد سمحة لازم نعزمك يوم عندنا عشان تعلمي اخواتي ....قولت ليه تسلم من ذوقك وان شاء الله لو اراد بزوركم....قال لي اكيد لازم تصلينا .....سكت لوهلة وكمل... بالجد محظوظ الحيعرسك ده....

ابتسمت ليه لان غلبني التعبير وحسيت بالالم البحاول انساه ((.....هسي بدل ما يقعد يشكر فيني هو وامو كان عمل خطوة جادة ما احسن...))....طلعنا وصلنا لحد باب العمارة والشارع كان فاضي قال لي انا حاتمشي شوية لححد بعدين نتلاققة.....قولت ليه امشي بالشارع ده اول تقاطع لف بيه شمال الشارع التاني طوالي في منتزه ممكن تتريض فيه احسن ليك من تتمشي في الشارع....قال لي اي والله احسن لي امشي هناك لان بعد شوية الشارع حيتملي.....

وصلت بيت ناس لجين ومعاي الكيك.....وبالجد علي قول لجين الكيك جاء في زمنو ....لقيت خالتو مشاعر كل الشغل في راسة ولجين ما بتساعد بشي والحمدلله ان لسه الجوطة ما بدت......دخلت المطبخ رصيت الحاجات وطلعتهم ومشيت علي الغرف وبديت انضف فيهم .....بس اسمع ليك الصووت استغفر الله صوت الزفت اسعد((...صوتوا بجيب حموضة في القلب...)) .....بيقول لي امووو يا الله الكيك الرهيب ده عامل زي كيك ربا ياااخ ....هسي يا امي لو عرستيها لي ما اخير كل يوم ناكل اكل سمح بدل بتك البايرة دي شي ما بتعرفوا ((....عايز يعملني خدامة عندو واالله ده الفضل...))....هسي دي شكلها زي البنات....ما عارفة مراد حقها ده عميان ولا مالو .....انا اصلا من يومي مراد ده ما مرتاح ليه ولا بدوروا ولا قاعد يدخل راسي .....وهسي بعد عايز يخطبك اتاكدت انو ما نصيح....اصلا مجانين واتلموااا

....وبقي بضحك((....اللهم ان اعوذ بك منها....)) خالتو محاسن قالت ليه انت زاتك ما عامل زي اختك ....وهي زاتها اي ما نافعة في البيت لكن علي الاقل اتعلمت وبشهادتها.... هسي كان كنت نافع زي رامي ما شاء الله عليه مهندس وحلات الدنيا عليه .....مريح امو ..... كان مشيت وخطبت ليك ربا وبعين قوية كمان لكن مخير الله......قاعد لي كده عاطل وقراية زي الناس ما قادر تتمها وكمان جاس تتفاصح وتطول لسانك .....هسي ما تخجل تقول اسم بت الناس دي ......قامت لجين قالت ليها خلاص يا امي ....تقوم البت تسمع وتاخد موقف وكده علاقتي بيها تكون خربت مرة واحدة .....

طبعا انا متابعة الموقف من بدايتو بس ما حبيت احرج لجين بس عجبني.....لي اسعد عشان تاني يتشالق.....خلصت شغلي ولجين خلصت وجات تساعدني ....في الاثناء دي جاء اسعد وبقي بتظارف .... وبسال فيني عن الجامعة وكده .....والله بس لو ما لجين قاعدة كان رميتو باقرب حاجة جنبي ....قام سالني من رامي((.....واصلا انا حالتي احسن رامي لو جابوا ليه سيرة اسعد ساي بيغلي...)).....بس الحمدلله انو قاعدة والا كنت ارتكبت فيه جريمة الما يتسمه ده

الباب دقة...مشي اسعد فتح شوية وسامعاه بناديني يا ربا يا ربا وبصوت عالي ابيت ارد قايلاه بتعاور ساي.....شوية وجاء ناداني قال لي في واحد برة عايزك.....وكانت عيونو يتطلع شرار....قولت ده منو ده طلعت لقيتو نايف.....قال لي خالتو اقبال بتناديك....قولت ليه طيب اكلم خالتو مشاعر واجي.....دخلت وقولت ليها يا خالتو امي بتناديني حامشي واصلا شبه ما فضل شي بجيكم العصر تمام....قالت لي طيب يابتي وان شاء الله ما نعدمك يارب....الله يخليك...وطلعت وانا ماشة واسعد بحدرلي ساي....

طلعنا كده اول ما وصلنا نايف قال لي .....

#استكااانةيتبع