كافيني😍💋

Part 15

#كافيني_15

#Roby_Tom

بحر زي غير مسارو .....قلبي تاااه واعلن وداعو ....ماني حسيت بالاساء ....قلبك انت اختار سواى .....كنت راسم بيت دروبي .....نوري لما ايه الغروبي....كان سعادتك كل مناي ....بس قلبك انت اختار سواااي....#كاافيني((كافيني بنكهة عشم))

لقد اختارك قلبي...ولكن هل كل ما نتمناه يتحقق.....هل كل من سهر اللياالي وجد العلي.....ام كل من كد وجد.....اتمني لو انك كنت مجرد حلم جميل....اتاني ذات ليلة واختفي كسرابا هائم علي شاطي البحر ..تجرفه الامواج .....#كافيني

طلعنا كده اول ما وصلنا نايف قال لي .....ده اسعد الامس كانت خالتو مشاعر بتتكلمم عنو.....قولت ليه اي....عاين لي من فوق لي تحت وضحك قال لي ما جادة.....الولد دا شكلو كده واقع وما مسمي ....قولت ليه نعم....قال لي ظاهر من عيونوا ....ان مغرم وغرققان لشوشتو كمان..... ما شفتي لمن سالت منك اتغير مية وتمانين درجة وملامحو كلها اتغيرت....قولت ليه ما جادي طبعا وانا بحاول اتجاوزوا.....قولت ليه عن اذنك ماشة لي ماما....ودخلت المطبخ

اغار عليك من نسمة الهواء التي تلامسك.....وانت لا تبالي حتي.....كم ودددت لو بادلتني بتلك المشاعر ....,لكن هل المستحيل ممكن ....#كافيني

عايزة ادخل المطبخ كده قال لي زعلتي.....قبلت عليه وقولت ليه ماف شي بزعل اصصلا...,انا دموعي لو ما مسكت نفسي بالعافية كان بكيت.....لقيت ماما وسالتني من كم حاجة ما عرفت مكانهم وخليتها.....قولت ليهم صحوني بعدحوالي ساعتين.....دخلت صلين الظهر ونمت....ما صحيت الا برنا .....قمت بتكاسل فتحت الدولاب....عسي ولعل القي لي شي مع الخطوبة لان ما لقيت وقت.....فتشت اتذكرت عندي فستان لبستوفي خطوبة بت خالتي.....وظاهر جديد واصلا لبستو مرة وفي السودان ماف زول شافوا.....لونوا بنبي وفيه اشكال خفيفة فوق بالرمادي والفضي ويدينو تلاتة ارباع (((ملحووووظة ....من غير ضحك بلاي....الدانتيل ده دزاين ولا قماش....))وهاي هيلز رمادي.....وكويت شعري....((ما كان في سراميك .....الا بمكوة النار...))ولفيتو لان ليه فترة ما هبشتو وحالتو بالبلا....والطرحة زلاقة رمادي .....جهزت اللبسة وطلعت برة ....

لقيت ماما قاعدة ومستكينة.....قالت لي صحيتي مالك ....قولت ليها عشان اجهز زامش ليهم قبلها بشوية من الناس يجو.....قولت ليها وانتوا ما حتجهزوا....قالت لي خالتك مني دي مصدعة ...امشي ليها شوفيها وانا بغشاكم ما بقدر اخليها براها بس عمك احمد ونايف بجو عليكم.....قولت ليها تمام خلاص اجهز وامشي عليها.....جهزت ورشيت عطر كده جديد جبتو واانا لي حوالي 6 شهور ما استخدمتوا....

وطلعت مشيت علي خالتو مني سلمت عليها وحسيتها بتهضرب وما علي بعضها لمن هبشت راسها لقيت حرارتها مرتفعة.....جريت المطبخ عملت ليها كمادات باردة جيت جارية داخلة الغرفة عملتهم ليها.....بس لسه الحرارة ما نزلت كليا وانا طالعة في شوية موية ادفقت في الارض والارضية سراميك بس قولت بمسحها بعدين ....رجعت المطبخ عملت الكمادات من تاني.....وجيت داخلة الغرفة كده لقيت نايف معاها ....جاء ساعدني رفعتها لي فوق شوية وعملت ليها الكمادات لحد ما حرارتها استقرت واديتها تحاميل....وانا راجعة نسيت الموية الادفقت بس ومع الكعب العالي.....اتزحلقت بس الله ستر وما وقعت....مسكني نايف الحمدلله والا كان اتكسرت ....وانا لسه مخلوعة.....بس رجعت لوعي كده وعيني وقعت في عينو....والتقت نظراتنا حاولت ازح نظري منو .....بس غلبني ....سرحت في تلك العيون العسلية ......تاني رجعت وقولت ليه معليش عايز ازح منو طرحتي علقت في زرارة البدلة .....وانا بزح فيها بس اتفكيت منو جريت راسي شديد

الطرحة وقعت ....

واانا من دون الايام كنت خاتة مشبك بس وكمان سارقة من رنا....وهي ما بترضي بحاجاتها...وهي ما حلي ليها تجي الا في لحظة الطرحة وقعت عشان تشوف المشبك .....وانا شبه نسيت الموضوع جريت الطرحة لبستها ....وماشة علي الصحن ارفعوا جاتني جرت من المشبك وهرشتني ومشت...وطبعا شعري اتفكة و مع الموقف الزفت الحصل قبل شوية .....طوالي عايزة اجري اتذكرت الموية....,

ولا قبلت عليه زاتو تاني شلت الجذمة في يدي وجريت....رجعت لميت شعري من العندي مع ان لونوا اشتر مع اللبسة لان الطرحة ما تقيلة ....بس اخيرر من الحدة والفضيحة مع الناس......جيت طالعة قولت لي امي انا ما حامشي احسن اقعد احرس خالتو....قالت لي لا لا كده بتتلومي مع خالتك مشاعر امشي ليها وسانديها ....انا و احمد حنسوق مني نوديها المركز الجنبنا .....وانت امشي مع نايف طيب....ٌولت ليها خير يا امي ويلا.....انا اتقدم قالت لي لا لا امشو سوى .....والبسي عبايتك تمام.....دخلت لبست العباية وصلحت الميكاب...

وقدالتقت عيناي بك مرارا وتكرارا.....وفي كل مرة بزداد خفقان قلبي.....يجري الدمبسرعة وينبض بالامل .....بامل لقاء اخر يجمعني بك....#كافيني    

#استكااااانة

تصويت.............