كافيني😍💋

Part 7

#كافيني_7

#ROBY_TOM

تاتي الريااح عادة بما لا تشتهيه السفن.....

تاني يوم صحيت قريب الظهر واصلا ما عندي شي.....لقت ماما بتستف في الحاجات ساعدتها ......دخلت عملت الغدا قريب العصر كده طلعت جهزت حاجاتي العصر اذن .....بعد العصر طلعنا طوالي لفينا الاسواااق دي كلها لمن حيلي انهداا....رجعنا بعد العشاء والحمدلله جبنا معانا اكل من بره والا كان اتعذبنا ......جيت داخلة سريع سريع استحميت ونزلت رصيت الاكل فترة يخلصوا الباقين وطوالي صليت وفي مصلايتي نمت من االتعب.....كااان يووم مرهق شديد وخاصة ان كنت لسه تعبانة من اللف ......قربت اقع بس الحمدلله ان اخدت لي مسكن مع الفيتامينات قريب المغرب.....

صحيت من الفجر بصوت الديك قمت صليت ورجعت كملت نومي في السرير.....ما وعيت علي روحي الا برنا في راسي بتصحيني للفطور .....بتكاسل قمت اتروشت ونزلت ساعدت ماماا وقفلت البيت العصر خلصت جهزت حاجاتي ونمت .....المنبه رنه 6 قريب المغرب جهزت ومشيت لي باابا قعدت اتونس معاه كده الباب دقة مشيت افتح لقيتو عمو حسام.....سلمت عليه بس شكلوو كان مهموم مازي عادتوا .....فضلتوا في الصالون كلمت بابا ومشيت المطبخ جهزت كيك وشاي لبن وديتو ليهم ......وانا طالعة عمو حسام قال لي اقعدي معانا ما بدري.....قعدت معاهم بقي بسال فيني وعن الجامعة.....بعد مسافة سالتوا من رغد ورهف ونياز وخالتو مني.....سكت فترة وحسيت صوتوا متغير والعبرة خانقاهو.....قال لي خالتك هسي تعبت الفترة الفاتت دي وسفرناها الاردن .......

بالجد حسيت بالمه لان خالتو مني ما بتستاهل الا كل خير.......قولت ليه خير ماله وسلامتها وكفارة ليها كمان ......قال لي والله بس عندها مشكلة في القلب .....قولت ليه وهي براها ولا منو معاها....قال لي معاها ولدي الكبير قولت ليه بس نياز براه بقدر عمرو لسه صغير.....ضحك بعد مسافة وقال لي الله يفرح قلبك انا لي زمن ما ضحكت كده ......لا لا يااخ نياز شنو ده نفسو ما بمسكها .....انا عندي ولد تاني غير نياز بس عشان ما مستقر في السودان لكن جاء قريب ليه حوال 5\6 شهور تقريبا ......قولت ليه اهااا كده معليش.....والله يكتب عافيتها ان شاء الله....انا بكرة بليل مسافرة وحادعي ليها ان شاء الله في الحرم.....تصبحوا علي خير......

نمت وانا ما عارفة الجواي شنو والمخبي لي الزمن.....نومة هنيئة خالية من كل المشاعر والاحاسيس ......

صحتت اليوم التاني لقيت بابا قاعد بيقرا في الجرايد ......وطول القعدة وهو بيتبسم .....حيرني لمن قولت يمكن في حاجة غلط .....قولت ليه خير يا بابا من الصباح بتتبسم براك.....حتن خته الجريدة وقبل علي قال والله يا بتي ......ماعارف ابدا ليك من وين بس انت حاليا كبيرة وعاقلة ....وانا ما معروف اقعد معاكم لي متين.....قوولت ليه بعد الشر عليك الله يديمك لينا....قال لي اممين بس العمر ما معروف وانا عايز اامن عليك.....وامس عمك حسام فتح معاي موضوع كده وقال لي اخد رايك اول ......بس والله يا بتي لو علي انا توافقي وانا عارفوا كويس وحيسعدك وما حتلقي احسن منو .....وكمان في نفس مجالك.....قولت له بباابا انت بتتكلم عن شنو بالضبط......ومن هو الفي مجالي والكويس ده.....

قال لي والله عمك حسام طلبك ل ولدو الكبير .....وهو ما شاء الله عليه مافيه كلمة ......وانا من صغير بعرفوا ومربيه علي يدي.....وقف كلام فجاءة ......لقاني سرحانة قال لي يا بتي انت معاي ....انا كنت في عالم تاني غير عالمنا عالمي الخاص .....اتذكرت نايف معقولة حاقدر انساه بالسرعة دي....انا كده حاكون ظلمتواا معاي كيف اتزوج واحد وانا قلبي مع واحد تاني......كل الافكار دي كانت بدور في راسي لحد ما سمعت بابا بطقطق لي .....عايزة ارد كده قال لي ماعايز اسمع ردك هسي بعد تسفري وتجي وتكون استخرتي كويس جاوبيني وتمني لو وافقتي......واتاكدي ان ما حاجبرك علي شي انت رافضاه ودي حياتك وانت الحتعيشيها.....وطلع

جريت علي الغرفة وبقيت ابكي.....بالجد بقيت محتارة ماعارفة اقيف وين ولا احدد قراري بي جهه حبي الما عارفة نهايتو ومن جهه .....في الاخير فتحت دفتري ملجئ الوحيد من العالم

هل هذه هي النهاية.....هل حكم علي حبي لك بالاعدام قبل نهايته ....لقد فات تهيامي بك حياتي....اصبحت اتنفس واستنشق من رحيق الحياة فقد لاحبك....وماذا الان هل يتوقف قلبي ام يظل ينبض باسمك ......يبدو انها النهاية #كافيني 

#استكانة~~...

#Roby_tom

تفاعل عشان انزل البارت الجديد😻💜