روايه : سجين حبك "لعنه حب " بقلم شيماء حسين

2

البــــــــارت الثــــانــــى♥
"صدقيني، سيأتي يوم تشكرينني فيه على أنني لم أبذل جهداً للاحتفاظ بك!"

توجه عمر  الى مازن الذى اخبره  بالحضور فورا  الى المستشفى
عمر :
هااا نور فاقت
مازن :
الداده هى اللى  فاقت بس الدكتور قال ان نور بدأت تستجيب بس محتاجه وقت 
عمر بخيبه امل :
ماشى اهى على الاقل هتساعدنا ف حاجه  توجهوا الى غرفه الداده
عمر :
ازيك عامله اييه دلوقتى
الداه ببكاء :
عامله اييه ! مقهورة طبعا من اللى حصل ليهم دول كانوا عائلتى انا بقالى  21 سنه معاهم ف غمضه عين كدا يروحوا
عمر بأسى :
ان شاء الله نوصل ل اللى عمل فيهم كدا ... واكيد حضرتك هتساعدينى ف دا
الداده :
انا مستعده اعمل اى حاجه
عمر :
حلو قووى قوليلى بقا اييه اللى حصل ف الحفله وخلى نور تسيبها ف نصها وتمشى احكيلى كل اللى تعرفيه  عن يوم الحفله
فلاااااااااااش  باااك
كانت نور أمام المرآه  بفستانها الاسود الطويل تضع لامساتها الاخيره
الداده من خلفها :
ربنا يسعدك ي حبيبتى ويريح قلبك  أنتِ  رجعتى  ل لبس الاسود تانى ي بنتى انا ماصدقت انك بقيتى بتلبسى ألوان اييه اللى حصل تانى
نور بأبتسامه :
عادى ي داده  متحطيش ف دماغك
الداده :
انا  ليه حساكى حزينه اليومين دول اييه السبب
نور :
ادعيلى ي داده بجد محتاجه دعواتك  وهنا رن هاتفها
ردت بأستياء على الهاتف  :
خييير انا مش قولتلك ماتتصلش هنا تانى انت اييه ي اخى مابتفهمش ...... لو اتصلت تانى هعرف ابن عمى وهو هيتصرف معاك دا ايه ي ربى الناس دى
الداده :
مين دا ؟
نور بشرود :
حد مش مهم  ..... يلا ننزل 

هبطت الى الاسفل وسط انبهار الجميع  بمجرد رؤيتهم  ل فاتنه الحفل فهى معروفه بنت الدميرى التى يتمنى اى  شاب ان تنظر له وتعطيه لو ربع اهتمامه ولكن كيف ف  قلبها  يأبى النظر ل غيره  فقد قرر ان يعصى اوامرها  وتمرد عليها ل يعلن  حبه  لذلك الشاب الذى خطفها من بين هؤلاء أخرجها من افكارها صوت أيَاد  من خلفها
أيَاد :
حبيبى سرحان ف ايييه 
نور بأبتسامه :
مفيش  مأساه وصولى لل25  .... حاجه مريعه 
أيَاد  وهو يقبل يدها :
مهما كبرتى هتفضلى حبى الاول والاخير ... وبعدين انا اعمل اييه دا انا عندى 29سنه
أكتفت بأبتسامه فقط عندما شاورت أليها احدى صديقاتها
توجهوا ناحيتهم 
ساره اخت أيَاد  :
اييه الجمال دا ي نووور بجد شكلك حلوو قووى
عليا :
ي بنتى نور طول عمرها قمر
نور بأبتسامه :
انتوا اللى قمرات
عليا  :
هااا قررتى أنتِ  أيَاد هتتجوزوا امتى
أياد  :
قريب
ساره ل نور :
كنت عايزة اتكلم معاكى ف حاجه
أياد :
وقت تانى ي ساره سيبنى نور مع الضيوف 
شاورت احدى الفتيات ل نور ف توجهت ناحيتها

ثم ابتعدت عن الحفل بأكمله  لماذا لم تعد تحب الحفلات  كعادتها والتجمعات ما السبب وراء ذلك هى حقا لا تتذكر لماذا تختفى منها بعض الذكرياات فجأه وتظهر فجأه  حقا لا تعلم   السبب  .... سمعت صوت والدها ينادى عليها فتوجهت أليهم لتطفئ الشموع  ورن هاتفها بأسرار
نور بهدوء :
ايوا ..... تمام ..... 5 دقايق وهكون عندك
توجهت الى والدها للاستئذان منه وتركت الحفله و غادرت
عمر :
هاااا وايييه اللى حصل بعد كدا
الداده :
معرفش بعد كدا احنا مشينا وفضل عامر بيه لوحده لحد ما جالى اتصال من نور رديت وفضلت اقول ألو محدش رد  ف قلقت وجيت على الفيلا اشوف ف اييه 
عمر :
طيب هى راحت قابلت مين ومين اللى كلمها
الداده :
معرفش
عمر :
طيب ف حاجه تانى عايزها تقوليها
الداده :
لا
دلف مازن الى الغرفه وهمس ف اذن عمر 
عمر ل الداده :
تعرفى واحد اسمه  آسر الشرقاوى 
الداده :
لا معرفوش
عمر :
متأكده ماسمعتيش نور او اى حد  قال الاسم دا قدامك قبل كدا خالص
الداده :
لا ي بنى ابدا
عمر وهو ينهض  :
تمام تعالى معايا ي مازن  ثم أكمل
جيبت أذن التفتيش من النيابه
مازن :
اه طبعا دا المشتبه الوحيد ف القضيه دى او خلاص بقا المتهم رسمى بعد وجود بصماته هناك
أخذ العنوان وتوجه لالقاء القبض على المدعو آسر

توجهوا الى العنوان الملحق بالورقه ومعهم قوات وكان العنوان الرصيف ال5 ميناء الاسكندريه قاموا بتفتيش اليخت كاملا
عمر بضيق :
لازم مايكونش موجود اومال هيطلع عينا ازاى
مازن :
اكيييد هنلاقيه ي باشا  متقلقش
دلف شاب ف نهايه العقد الثانى طويل القامه و بشره البرونزية  ووعيناه اللتان تتميزان باللون الازرق  لون أمواج المياه والشعر الاسود الغزيز و لحيه خفيفه يبدو عليه الملامح الرجوليه   وفى يده بعض الاكياس البلاستيكيه 
عمر :
انت آسر صح
آسر بسخريه  :
اه انا  .....  كنت مستنيكوا علفكرة
عمر  تحدث بسخريه :
أتمنى ماكنش اتأخرت عليك ازعل والله
آسر  بسخريه  :
بصراحه اه  ...  ولما لاقيتكوا اتأخرتوا قولت انزل اجيب اكل واتمشى على ما توصلوا
عمر وهو يضع الاساور الحديديه ف يده  و يدفعه للامام: 
مبروك عليك الشبكه ......يلا ي حلو قدامى

زفر عمر بضيق  وهو جالس أمام آسر الذى تبدو على وجه ملامح الهدوء والسكينه وفى عيناه نظره مستفزة
عمر :
ي بنى انطق اييه  سبب  وجود بصماتك  ف مسرح  الجريمه واييه صلتك بنور وعااامر
آسر   ببرود :
لو  قولتلك مش هتصدقنى يبقى لييه اتعب نفسى واتكلم 
عمر بضيق  :
انت عبيط ي بنى انت متهم فى قضيه قتل يعنى هيتحكم عليك ب الاعدام ولو القاضى رأف بحالك تبقا مؤبد
آسر  :
  أى ان كان مبقتش تفرق
عمر وهو يضرب الطاوله بيده :
ي مثبت العقل والدين ي رب 
آسر ببرود  :
ماتتعبش نفسك ي عمر باشا مش عمر باشا برضو ؟
عمر بسخريه :
وانا مطلوب منى اترعب بقا لانك عرفت اسمى 
آسر  :
لا  انا عارف انك مابتخافش وعارف عنك حاجات كتيره قوى
عمر وهو يضغط على الجرس المجاور له  دخل أحد العساكر :
خده دخله الزنزانه يمكن يعقل

تحرك آسر مع العسكرى  دون اى كلمه
دلف مازن الى مكتب عمر
مازن :
اييه فى ايه
عمر بضيق :
الواد دا يعرف حاجه بس مش عايز يتكلم
مازن :
خلاص ي باشا نخليه يتكلم بطريقتنا
عمر :
لو قطعناه حتت حتت مش هينطق  الواد دا اذكى مما نتخيل
مازن :
خلاص مفيش قدامنا غير نور لما تفوق
عمر :
هو انا هفضل مستنى لوقت ما تفوق 
مازن :
هتفرج ي باشا بس انت بس روح ارتاح الساعه بقت 12 وحضرتك مطبق من امبارح
عمر :
لا انا هفضل هنا لو عايز تروح انت روح
مازن :
هروح لمين انا اعزب زى ما حضرتك عارف  هقعد معاك هنا وخلاص  اونسك
عمر :
اقعد ي اخويا اقعد
مازن  بأهتمام :
هو انت شوفت بنت عمها
عمر :
لا لسه محققتش مع حد منهم لحد دلوقتى بس بتسأل ليه ؟
مازن :
لا عادى مفيش حاجه ...بمجرد سؤال اصل انا شوفتها يوم ما كنا ف المستشفى
عمر  بشك :
اهااا مجرد سؤال  ... طيب
مازن :
اه عادى يعنى
عمر :
طيب خلاص مع الوقت هنعرف مجرد سؤال ولا ايه ....... المهم هاتلى كل المعلومات  عن   آسر  دا من اول ما اتولد لحد النهارده
مازن :
حاضر
★★★★★★★★★★★
كان جالس فى أحد اركان الزنزانه ضم ساقيه الى صدره  وطوقهما بيداه ف هاهو يعود وحيدا كما كان 
قاطع تفكيره صوت الشاب الموجود معه فى نفس الزنزانه
الشاب وهو يمد لها سيجار   :
عفر ي زميلى شكلنا  هنطول هنااا  انت تهمتك اييه
آسر بأبتسامه سخريه :
قتل
الشاب بأعجاب :
زميل يعنى انا كمان  قتل
نظر أليه آسر  ثم قال :
ههههههه زميل ايييه ي باشا  دا حضرتك نقيب  قد الدنيا  أش جاب ل جاب
الشاب وهو يبتلع ريقه :
اا اااانت بتقول اييه
آسر وهو ينظر الى الساعه الرولكس التى توجد حول معصمه الشمال  :
لما تحبوا تكذبوا علينا ابقوا اقلعوا كل الحاجات الماركه بتاعتكوا ما هو مش معقول واحد قاتل ولابس لبس زى دا مقطع ومبهدل وفى نفس الوقت لابس ساعه زى دى وكمان انا شوفت حضرتك وهم بينقلونى  ل هنا وكنت لابس لبس ميرى بصراحه شكلك كان احلى من كدا  قوى ي باشا.. اطلع اطلع .. الحركات دى ماتدخلش عليا

توجه النقيب الى الباب أمر الحارس بفتح الباب خرج من الزنزانه  وتوجه الى مكتب مازن:
للاسف طلع اذكى مما كنا نتوقع
مازن بخيبه أمل :
انا نفسى افهم الواد دا عباره عن اييه ... ايه كميه الذكاء والغموض اللى هو فيها دى
عمر بعدما تفحص الملف الخاص ب آسر ثم أكمل وعيناه تلمع  :
انا عرفت هدخله ازاى
مازن :
ازاى
عمر :
نور  انا راوح المستشفى وجاى  تانى
★★★★★★★★★★★
توجه أيَاد الى المستشفى للاطمئنان عليها
أيَاد :
هاا ي دكتور نور عامله اييه
الطبيب : 
من وقت ما وصلت  هنا وهى ف غيبوبه ف استجابه بسيطه بس للاسف مش هتساعدنا ف حاجه
أيَاد بترجى  :
ارجوك ي  دكتور اعمل اى حاجه المهم انها تقوم بالسلامه دى اهم حاجه ف حيااتى
الطبيب :
حضرتك انا بعمل كل اللى ربنا بيقدرنى عليه من غير ما تقول 
أيَاد :
طيب اييه رأيك نسفرها بره
الطبيب :
صدقنى اللى بره مش هيعملوا حاجه اكتر مننا
أيَاد  بخيبه أمل :
طيب اعمل اييييه لو بس حد يعرفنى اللى عمل فيهم كدا كنت اكلته بسنانى
أتى عمر من خلفه :
عرفناه  متخافش
أيَاد  :
مييين
عمر وهو يتفحص ملامح أيَاد ليرى رده فعله :
آسر  الشرقاوى 
أيَاد بأستغراب :
مين دا؟ انا اول مره اسمع الاسم دا
عمر :
غريبه دا مهندس شغال عندكوا ف الشركه 
أيَاد :
هو انا مطالب اعرف كل اللى شغالين عندى بالاسم
عمر :
لا بس على الاقل هتعرف الشخص اللى اترفد من الشركه  بعد ما اشتغل ب 5 شهور بتهمه الاختلاس ومع ذلك مدخلش السجن وخرج ف نفس اليوم 
أياد  :
  اهاا افتكرت .. انا كنت  نسيت الموضوع  دا .... دا عدى عليه فتره  مش بطاله ....بس دا ماله ومال الحادثه دى
عمر :
ممكن تيجى معايا وانت هتعرف
تحركا من المستشفى وتوجهوا الى  مركز الشرطه
★★★★★★★★★★★
كانت ساره فى المشفى امام غرفه نور واقفه تنظر أليها من خلف الزجاج
ساره :
قومى ي نور بسرعه حيات الكل متوقفه علي كلمه منك ...سامحينى انى معرفتش احميكى  بس غصب عنى
اتى الطبيب من خلفها :
دكتوة ساره ؟ انتِ بتعملى ايه هنا
ساره وهى تجفف دموعها :
جايه اطمن عليها
الطبيب :
ان شاء الله خير وهتفوق قريب بأذن الله
ساره وهى تنظ أليها :
يارب  

كانت نائمه على السرير واصوات الاجهزة تملئ المكان ولكن ف عقلها كان ف مكان آخر
نور ببكاء  :
انا اسفه سامحينى مكنتش اعرف
ساره :
ولا يهمك ...دى حاجه مش بأدينا ...وعارفه ان انتِ لو كنتى تعرفى مكنتيش هتعملى دا ....بس تعرفى انا اكتشفت ان الموضوع كان عبيط وانه كان وهم مش اكتر
نور :
يعنى انتِ مش زعلانه منى
ساره :
انتِ مجنونه ي بت انتِ ف  واحده تزعل من بنتها ... انا مش اختك وبس انا اختك وامك كمان
نور  وهى تحضنها :
انا بحبك قوى
ساره :
وانا بموت فيكى ....ربنا يسعدك ي قلبى ويفرح قلبك
★★★★★★★★★★★
جلس أيَاد فى مواجه عمر على مكتبه
عمر :
ياريت  تحاول تمسك اعصابك قدامه لانه شخص بارد و اسلوبه مستفز
دخل العسكرى ومعه آسر 
عمر :
اتفضل ي آسر  اقعد
آسر بسخريه :
والله ي عمر باشا دا شرف ليا انى اكون موجود ف قاعده حلوة زى دى 
أياد بعصبيه :
وانا ميشرفنيش انى اكون ف مكان  مع واحد زيك
آسر بأسلوب مستفز :
خلاص امشى
عمر :
بــــٍس  آسر ليييه ارتكبت الجريمه دى
آسر  :
يييييي رجعنا لنفس النقطه تانى
عمر :
احنا لاقينا بصماتك على سلاح الجريمه وفى مسرح الجريمه والدافع موجود  وهو الانتقام من عامر لانه رفدك من الشركه ....  بس الغريبه انت ازاى تحاول تقتل نور حبيبه القلب 
أيَاد بعصبيه :
انت بتقول اييييه !
عمر :
ممكن تهدأ ي بشمهندس 
آسر بنبره مستفزة :
اوهووو هو البشمهندس بيغير ولا اييه لا لا ماتعودتش عليك عنيف كدا
أيَاد  وقد  انقض عليه وأمسك بلياقه قميصه :
انت ..........
عمر وهو يضرب على المكتب  :
بــس  لو سمحت ي بشمهندس اطلع بره   
أيَاد بأعتراض :
ايوا بس
عمر :
معلش لو سمحت  ...خرج أيَاد من المكتب ....  آسر انت ملفك نضيف مع انهم اتهموك بالاختلاس بس مادخلتش السجن و  خرجت ف نفس اليوم  اللى اتقدم فيه البلاغ  ؟ .. ..انا حاسس ان الموضوع ف أنه صدقنى لو ف حاجه انا هساعدك قولى انت اللى عملت كدا ولا لا
آسر بجمود :
لو جاوبتك هصدقنى
عمر :
اكيييد
آسر  بثبات  :
ايوااا  انا اللى عملت كدا

يتبع #shimaaHussien