الـــــــبـــــارتــــ الـــســـادس♥
"أفتقدك جدا
وليجبر الله غصه أفتقادى "
كانت نور جالسه تحاول الرسم ولكنها لم ترسم سوى عينان ف كل مره تحاول الرسم فيها ترسم عيون فقط شعرت بأنها رأتها من قبل ولكن لا تتذكر لمن اتى أياد ف قامت بتخبئه الرسمه بسرعه
أيَاد وهو يقبل جبينها :
الجميل بيعمل اييه؟
نور :
ولا ا حاجه
أيَاد :
مخرجتيش ليه زى ما قولتى
نور :
ساره جالها شغل ضرورى وسابتنى وطبعا حضرتك قولتلى مخرجش لوحدى
أيَاد :
شاطرة ي نورى بقيتى بتسمعى الكلام
نور بأستغراب :
نورى ؟ من امتى بتقولى نورى
أيَاد :
من زمان من قبل ما نتخطب بشويه وأنتِ اللى قولتيلى اقولك كدا ..... بس لييه الاستغراب دا
نور :
اممم اصل انا زى مايكون سمعت الكلمه دى حد بيقولهالى قبل كدا فقولت اكيد انت
أيَاد :
يعنى بدأتى تفتكرى
نور :
مش قوووى بفتكر كلام بس مش قادرة افتكر وشوش او أميز اصوات لمين
أيَاد :
مع الوقت كل حاجه هتزضح ان شاء الله
نور :
هى طنط هترجع من السفر امتى
أيَاد :
معرفش ما أنتِ عارفه ماما وجودها زى عدمه
نور :
لسه برضو واخده موقف من موضوع الميراث دا
أيَاد بزهول :
أنتِ عرفتى ازاى بموضوع الميراث
نور :
اييه ي بنى ما انا فاكره ان طنط كانت علطول عايزة تكتب كل اسهمك انت و ساره بأسمها
أيَاد :
ااه معلش نسيت انك فاكرة الجزء دا
نور :
ههههه هو مين فينا اللى عنده فقدان للذاكره بالظبط انا ولا انت
أيَاد :
خلاص ي ستى مكنتش مره ...وبعدين انا الشغل فوق رأسى قد كدا
نور بحزن :
الله يكون ف عونك
أيَاد وهى يتحرك ليجلس بجوارها :
وعونك ي رب ..... نور علشان خاطرى حاولى تتجاوزى الموضوع دا انا مش قادر اشوفك بالحزن دا واسكت قوليلى اعملك اييه وانا اعمله علشان اشوف نظره الفرح اللى كنت بشوفها ف عيونك
نور ببكاء :
مش قادره ي أيَاد .... انا مبقتش فاهمه حاجه ف غمضه عين لاقيت بابا مات وكل حاجه حوليا اتغيرت...... مش عارفه لولا وجودك انت وساره جنبى كنت هعمل اييه
أيَاد وهو يمسح دموعها :
انا هفضل جنبك علطول .... انا بحبك قوى ولايمكن اسمح بأنك تتأذى او تبكى ... قوليلى نفسك ف اييه دلوقتى وانا اعملهولك
نور :
انا عايزة اروح الملجأ
أيَاد بسرعه :
لا
نور بأستغراب :
لا لييه
أيَاد :
الملجأ بيتجدد ومفيش حد فييه دلوقتى غير العمال
نور :
هى كل حاجه اتغيرت كدا ليييه كأنها عشر سنين
أيَاد وهو يحاول تهدأتها :
كل حاجه هتتحل قريب متقلقيش
نور :
ي رييت لانى تعبت
أيَاد :
لايمكن اسمح لحاجه تتعبك طول ما انا موجود ...... هطلع اغير هدومى وهنزلك وهخرجك ف مكان هيعجبك
★★★★★★★★★★★
كانت ساره فى عملها رن هاتفها وكان المتصل مازن
ساره :
ازيك ي حضره الظابط عامل ايه ؟
مازن :
ايه حضره الظابط دى انا اسمى مازن علفكره
ساره :
خير حضرتك ف حاجه
مازن بتردد :
اااا انا كنت عايز اقولك اناا ....
ساره :
ف ايه قلقتنى ؟
مازن :
بصراحه كنت عايز اتكلم معاكى شويه
ساره :
ف ايه ؟
مازن :
هو مش انتِ دكتوره برضو ولا ايه ؟
ساره :
طيب اوكى ممكن تجيلى ف العياده
مازن :
لا بلاش العياده انا مبحبش العيادات ممكن نتقابل ف النادى
ساره :
بس انا حاليا مش فاضيه
مازن :
وقت ما تفضى نتقابل
ساره :
طيب اوكى ...اول ما اخلص شغل هتصل عليك ونتقابل ف نادى .".... " تمام
مازن بفرحه :
تمام
★★★★★★★★★★★
بعد عودة ياسين من الزيارة جلس بجوار آسر
آسر :
هاا اييه الاخبار
ياسين :
الحمد لله شوفتهم والواد ياسين الصغير عسول قووى بجد الوقت مر بسرعه معاهم
آسر :
طيب كويس و خطيبتك وأختك كويسين
ياسين وهو يخرج الاشياء التى جلبتها أخته له :
الحمد لله ....... اتفضل ي سيدى المرة دى انا هتقاسم معاك الزيارة لكن المرة الجايه زيارتك هتكون لوحدها وزيارتى لوحدها ... ولو ف حاجه محتاجها زيادة قولى وانا هقولهم يجيبوهالك المرة الجايه
آسر بود :
ربنا يكرمك ي ياسو والله ما عارف لولاك كنت هعمل اييه
ياسين بفخر :
ولا حاجه هتضيع طبعا
آسر :
متواضع من يومك .....والله ماعارف بعد ما تخرج من هنا انا هعمل اييه
ياسين :
سيبها ع الله .... محدش عارف اييه اللى هيحصل كمان دقيقه
آسر :
ونعم بالله
ياسين بترقب :
مالك شكلك مش مظبوط
آسر وهو يحاول الهرب من نظراته :
مفيش
ياسين :
لا فى ومتحاولش تهرب ف اييييه
آسر :
نور وحشتنى قوى
ياسين بغضب :
تصدق انك عايز اللى يديك علقه علشان تفوق من الجنان اللى انت فيييه دا
آسر :
شوفت لما بقولك مالى بتتنرفز بالطريقه دى ...يبقى متسألش بعد كدا
ياسين :
ما انت مستفز ..... نور اللى بفكر فيها دى مبتفكرش فيك ولو بتفكر فيك تبقى بتدعى عليك
آسر :
لا نور عمرها ما دعت على حد
ياسين :
اللهم طولك ي روح .... وانت تعرفها منين ي آسر دا مكنش حب من طرف واحد ... فوق ي حبيبى ... نور بتحب اب عمها وهو كمان بيحبها على حسب كلامك .....وكفايه بقا انت ضيعت مستقبلك بسبب الاخت نور دى ... فكر بقا ف نفسك يمكن الضابط لما يلاقى سلوكك كويس يخرجك حسن سير وسلوك بعد نص المدة
آسر :
صدقنى كان غصب عنى
ياسين :
يبقى نفوق بقا لنفسنا شويييه وننسى الاخت نور دى خالص ماشى
آسر :
ان شاء الله ( الحمد لله توهته عن الموضوع )
★★★★★★★★★★★
تقابلت ساره هى ومازن
مازن :
هاا هنروح فين ؟
ساره :
اى مكان مناسب للموضوع اللى انت عايز تتكلم فيه
مازن :
لا ما انا عايز اتكلم معاكى ف حاجات كتير مش موضوع واحد بس
ساره :
مواضيع كتير ؟
مازن :
بصراحه انا ارتحتلك وارتحت للكلام معاكى و......
ساره :
عايز تقضى وقت يعنى
مازن مبررا :
لا لا مش قصدى والله .....عارفه انتِ احساس انك لما تقابلى حد تحسى انك تعرفيه من زمان .. هو دا الاحساس اللى حسيته لما اتعرفت عليكى علشان كدا عايزة اقرب منك
ساره :
بص ي مازن ...انا مش حمل انى اتعرف على حد جديد وانا لسه عايشه ف القديم
مازن بعدم فهم :
يعنى ايه ؟
ساره :
يعنى انا مش عايزة اكون علاقات جديده وانا لسه مش قادره انسى القديم
مازن :
ومين قالك انى عايزك تنسى القديم..... احنا هنكون اصدقاء بس مش اكتر نحكى ونسمع لبعض
ساره :
لو الموضوع موضوع نسمع وكدا ...ف تمام لكن محدش فيا ينتظر من التانى اكتر من كدا
مازن :
تمام اتفقنا ...يلا بقا تعالى نروح اى مكان ناكل فيه علشان يكون فى بينا عيش وملح
★★★★★★★★★★★
ابدل أيَاد ملابسه وتوجه لها خرجوا من المنزل وتوجهوا الى احدى المطاعم المفتوحه
نور حست بأنها تعرف ذلك المكان جيدا :
أيَاد المكان دا حساه مش غريب عليا
أيَاد :
اه ما انا عارف ما دا المكان بتاعنا لسه فاتح من فتره وبقينا بنيجى هنا علطول
نور :
ااهااا يبقا علشان كدا بقا
توجهوا الى احدى الطاولات وجلسوا وطلبوا الاكل
أيَاد :
بتاخدى الادويه بتاعتك
نور :
اهاا الدكتور قالى اواظب عليها علشان تجيب مفعول سريع
أيَاد :
وبتجيب مفعول ؟
نور :
بصراحه لا حساها بتأثر بالسلب
أيَاد :
ما هو لازم يحصل كدا لانك بتجبرى دماغك انها تفتكر وطبعا دا بيأثر عليها
نورر:
اييه دا انت سيبت المهندسه وبقيت دكتور وانا معرفش
أيَاد :
دى حاجه اى حد يعرفها مش شرط دكتور
نور :
ماشى ي عم .... رفعت يدها اليسار لتظهر التاتو المرسوم على معصمها على شكل أنفنتى ∞...... صحيح انا عملت دا من امتى
أياد :
من فتره كدا
نور :
غريبه انا مبحبش الحاجات دى ..... ازاى اعملها
أياد بنظرة غريبه :
ف اخر فتره أنتِ اتغيرتى جامد
نور :
يعنى ايه مش فاهمه .........
قاطع حديثهم رنه هاتفه أستأذن ليرد على الهاتف
بينما هى جالسه اتت فتاه ف الثامنه من عمرها
الفتاه :
ازيك ي نور كدا تشوفينى وماتسلميش
نور بأرتباك :
هااا اسفه مخدتش بالى ازيك
الفتاه :
تمام أنتِ عامله اييه واونكل اللى كان بيجيى معاكى عامل اييه
نور :
الحمد لله
الفتاه :
أنتِ زعلانه منى ولا اييه
نور بأرتباك :
لا ابدا بس ااااناا
الفتاه :
انا خديجه كنت باجى هنا مع ماما هى جارسونه هنا وكنت بقعد معاكى أنتِ واونكل اللى كان بيجى معاكى هنا
نور وهى تشاور على أيَاد الممسك بالهاتف :
قصدك اونكل دا
الفتاه :
لا مش دا
نور بصدمه :
مش دا ؟ اومال مين ؟
★★★★★★★★★★★
كان عمر جالس بمنزله يباشر بعض أعماله أتت أسماء وجلست بجانبه
أسماء بضجر :
شغل ف المكتب وشغل هنا كمان
عمر :
عندى قضيه مهمه
أسماء بنبره ذات مغزى :
نور برضو
عمر وهو يغلق الورق بعنف :
أسماء قولتلك مليون مره ان الموضوع اللى ف دماغك دا انتهى من زمان وقفلناه بتفتحيه لييه تانى
أسماء :
ايوا نسيناه بس هى ظهرت تانى والموضوع هيظهر معاها ... عمر انا ماليش غيرك
عمر وهو يضع وجهها بين كفيه :
متخافيش مفيش حاجه من اللى ف دماغك دى هتحصل وعلشان ترتاحى ي ستى قضيه نور اتقفلت اصلا
أسماء :
عرفتوا القاتل
عمر :
ايوا .. واحد أسمه آسر
أسماء وهى تقلب الاسم ف دماغها :
آسر ؟ مين دا وليه يعمل كدا
قص عليها كل الحكايه
أسماء :
مش ممكن آسر دا هو اللى عمل فييك الموضوع بتاع زمان دا ..... اللى يرتكب جريمه قتل بسهوله جدا يختف ويهدد ويعمل كل اللى عمله فيك زمان
عمر بشرود :
تفتكرى هو اللى ممكن يكون عمل كدا فعلا ؟
أسماء بترجى :
بالله عليك ي عمر طلع نفسك من الموضوع دا خالص
عمر :
أنتِ نسيتى انى ضابط ي أسماء ولا ايه
أسماء :
لا منسيتش بس احنا مش قد الناس دى
عمر بتوعد :
لا قدهم وصدقينى اى ان كان مين اللى عمل فيا كدا مش هعديهاله بسهوله
يتبع
#shimaa Hussien
أنت تقرأ
روايه : سجين حبك "لعنه حب " بقلم شيماء حسين
Romanceالمقدمه 💜 سأمت من ذلك السجن الكبير الذي اضع فيه نفسي سأمت من سجن حبك سأمت منك سأمت من كلماتك المكرره وتأوهاتك المزعجة ساخرج الى عالمي ولكن كيف اخرج وهل لي ان امحي ذكرياتي معك هل لي ان انزع ثوب البستيه لي هل لي ان اقطع اوصال قلبي كي لا ينبض بح...
