الـــبـــارت الــخـــامـــس♥
"أنا آسف لأننى سئ بالحب
لكننى أحببتك بكل ما أملك من سوووء "
بعد خروج نوروساره من القسم توجهوا الى المول
ساره :
قالك اييه
نور :
ولا حاجه
ساره :
أنتِ منتظره من واحد زى دا ايه ؟ انا مش فهماكى بصراحه
نور :
اى حاجه ي ساره ادام انتوا مش عارفين اييه اللى حصل
ساره :
وهو بقا اللى هيقولك ؟
نور :
معرفش انا حسيت انى عايزة اسأله
ساره :
حاسه ..... طيب
نور بشك :
انا حساكى عارفه حاجه ومخبيه عليا ؟
ساره :
انا ؟ وانا اخبى ليه
نور :
مش عارفه بس كل ما ببص ف عينك بحسك عايزة تقولى حاجه وبترجعى ف كلامك
ساره :
لا مفيش .... وقفلى ع الموضوع دا لان أيَاد لو عرف ممكن يطين عيشتنا وتعالى نروح المول نجيب اى حاجه علشان ميشكش فيها
تجولوا ف المول واشتروا بعض الملابس وعادوا الى المنزل
★★★★★★★★★★★★
دوى صوت مازن الغاضب ف المكتب
مازن بصوت عالى :
انت بتتكلم بجد! ازاى توافق ي عمر دا لو حد عرف هتتوقف عن العمل
عمر :
اهو اللى حصل بقا ي مازن البنت صعبت عليا قولت ممكن تطلع منه بحاجه تريحها
مازن :
ربنا يستر ... انت عمرك ما كنت عاطفى كدا
عمر :
ما خلاص ي عم عدت على خير وخلصنا
مازن :
طيب قولى اييه نوع العلاقه اللى كانت بينك وبينها قبل كدا
عمر بنرفزة :
يوووة ما قولتلك صحاب ..... بص انا هسيبلك المكان كله وهمشى
توجه عمر الى منزله قابله طفله بحفاوة حمله عمر وظل يقبل فييه
خرجت اسماء :
حمدا لله على سلامتك
عمر وهو يقبل جبينها :
الله يسلمك ي حبيبتى عامله اييه
اسماء بتعب :
عيالك قرود اذا كان دا ولا التانيه اللى ف بطنى دى
عمر بأبتسامه :
هههههه انها الام ي سادة ..... روحتى للدكتور
اسماء بعتاب :
اه روحت ..... عارف شوفت اييه هناك
عمر بأهتمام :
اييه ؟
اسماء بحزن :
كل واحده ومعاها جوزها وانا كنت لوحدى ي عمر
عمر وهو يقبل يدها :
اوعدك المره الجايه هكون معاكى ومش هفوت ولا مره ..... والله كان غصب عنى
اسماء :
المره الجايه الاخيره الدكتور قالى هيحدد فيها معاد الولادة بنتنا هتشرف اخيراا
عمر :
امممم برضو مشوفتيش نوع الجنين بدل الحيره اللى أنتِ فيها دى
اسماء :
انا عايزاها مفاجاه
عمر :
على راحتك انا كل اللى يهمنى انك تقومى منها بخير
اسماء :
ربنا يحفظك ليا ي رب ي اغلى حاجه ف حياتى
عمر :
وانتوا اغلى حاجه ف حياتى
★★★★★★★★★★★★★★★
كانت نور جالسه تتناول العشاء مع أيَاد وساره
أيَاد :
هاا عملتوا اييه النهارده
ساره :
عادى اتمشينا شويه وجينا لبس وجينا علطول
أيَاد :
المهم انك اتبسطى ي نور .... نووووور
نور وقد انتبهت لصوته للتو :
هاااا... بتقول حاجه ي أيَاد
أيَاد :
اللى واخد عقلك
نور :
لا ابدا انا معاكوا
ساره :
أيَاد بيسألك لو كنتى اتبسطى ف المول
نور وهى تتصنع الابتسامه :
اهاا جدا
أيَاد بأرتياح :
طيب تمام الحمد لله
نور :
انا عايزة ارجع الشغل
أياد :
أى شغل ؟
نور بعصبيه :
لا متقوليش انى سيبت شغلى مع فادى فى الاتيليه بتاعه ..... ما هو دا اللى كان ناقص
أياد :
لا بس أنتِ اخدتى اجازة لاننا كنا بنحدد للفرح بتاعنا ف كان لازم نفرش الفيلا
نور :
فرح ؟
أياد :
ايوا ي نور احنا اتخطبنا فعلا ولبسنا الدبل وكان فاضل على فرحنا اقل من شهر
نور :
اوكى ..... الاجازة دى لحد دلوقتى مخلصتش
أياد :
لا خلصت بس ...... لما أنتِ مرجعتيش وكنتى ف الغيبوبه بتاعتك هو لغى العقد
نور :
اوكى خلاص
أياد :
متزعليش بكره هشوفلك شغل احسن من دا مليون مره
نور وهى تنهض :
لا شكرا مش عايزة .... عن اذنكم
ظلت جالسه على السرير وفعلت مثلما قال لها الطبيب أحضرت سكارف ووضعته على عينيها وبدأت ف الرسم طوال الليل وهى مغمضه العينين
فى اليوم التالى بعد قضائها طوال الليل ف محاولات للرسم الساعه دقت التاسعه ابدلت ملابسها و توجهت الى غرفه أيَاد ودلفت الى الغرفه بعدما اذن لها
نور :
أيَاد كنت عايزة اجيب موبيل لانى هحتاجه
أيَاد :
حاضر هشتريلك واحد وانا راجع
نور :
شكرا
أيَاد :
مفيش شكر بينا انا مستعد اعملك اى حاجه تسعدك
نور وهى تنظر الى الدبله التى تلمع ف يدة :
اومال خاتمى فييين مش هم بيقولوا اننا اتخطبنا
أيَاد وهو يخرج الخاتم من جيبه :
اهو
نور بأستغراب :
انت شايله ف جيبك
أيَاد :
لو اطول انى احطه ف قلبي كنت حطيته بس الدكتور قالى مضغطش عليكى بيه ف اخدته
نور وهىتأخذها منه :
طيب انا عايزاه
أيَاد :
مش عايزك تلبسيه علشان ترضينى وخلاص
نور :
هو احنا مش كنا مخطوبين اصلا من قبلها بس اجلنا موضوع الدبل دا لوقت ما نخلص دراسة خلاص انا هلبسها
أيَاد بأبتسامه :
زى ماتحبي ...... الدكتور هيجى النهاردة امتى
نور :
هيجى كمان ساعه
أيَاد :
طيب هتعملى ايييه باقى اليوم
نور :
معرفش ممكن اخرج اروح النادى
أيَاد :
تمام ماتروحيش لوحدك خدى ساره معاكى
نور : اوكى
★★★★★★★★★★★★
كانت ساره جالسه على البحر تنظر له بشرود
أخرجها صوت شاب من خلفها :
ممكن اقعد معاكى لو مفيهاش تطفل
ساره بأستغراب :
مين حضرتك ؟ شكلك مش غريب عليا
الشاب وهو يجلس بجوارها :
انا مازن الظابط اللى كان شغال على قضيه عمك قابلتك قبل كدا ف المستشفى
ساره بعدما تذكرت :
ايواا افتكرت ... ازيك
مازن :
الحمد لله كويس ...مالك قاعده لوحدك ليه ؟
ساره :
حبيت اشم شويه هواء واخرج من مود الشغل شويه
مازن :
انتِ بتشتغلى ايه صحيح ؟
ساره :
دكتورة نفسيه
مازن :
اهااا .... دا انتِ تنفعى بقا
ساره بعدم فهم :
ف ايه بالظبط ؟
مازن :
هحكيلك .. هو ممكن الواحد يفضل طول حياته من غير ما يحب يعنى انا عندى قربت اتم التلاتين ومحبيتش ولا مره لحد دلوقتى انا كدا انسان طبيبعى
ساره :
اه طبعا ... ربنا لسه مأذنش انك تقابل الشخص اللى يدخل قلبك ويسيطر عليه ... علفكره انا كنت اعرف واحد زيك كدا ولاقى حب عمره بعد ما تم التلاتين .. وعاش قصه حب ولا حب قيس وليلى ..و الله اعلم حبه دا نهايه ايه ؟
مازن :
مين دا ؟
ساره وهى تنهض :
واحد معرفه .....انا لازم امشى وفرصه سعيده
مازن :
هشوفك تانى ؟
ساره :
ان شاء الله عن اذنك
مازن
مع السلامه
★★★★★★★★★★★★
كان آسر يقوم ببعض الاعمال التى كلفه بها العسكرى وبجانبه ياسين
ياسين بسخريه :
مش كان زمانك ف الموقع دلوقتى بدل المرمطه دى
آسر :
والله كلها مرمطه
ياسين بفرحه :
الزياره هتفتح بكرة اخيرا هشوف اهلى انت مين جاى ليك
آسر بغصه :
مفيش
ياسين :
يعنى اييه
آسر بحزن:
أمى و أبويا توفوا وانا صغير وعمى هو اللى ربانى لفتره لحد ما توفى هو كمان وفضلت لوحدى ماليش غير خالتى وجوزها وعيالها وهم عايشين ف الصعيد ودى من نعم ربنا لانهم مش هيسألوا عليا ويعرفوا اللى انا فيه
ياسين وهو يربط على كتفه :
يااه دا انت شوفت كتير قوى ف حياتك اييه اللى خلاك تعمل كدا بس
آسر وهو يغير الموضوع :
قدر ... انت بقا مين اللى جايلك
ياسين بأبتسامه :
أختى الصغيره وابنها وخطيبتى
آسر :
اييه دا انت خاطب
ياسين :
اهااا واحده بنت حلال قووى ي آسر استحملتنى فى وسط ظروفى الصعبه اللى مريت بيها
آسر :
ربنا يجمع شملكم على خير ...... انت كنت واخد القرض من الراجل لييه
ياسين :
علشان اجوز اختى بس انا وعدته حتى بعد ما حبسنى انى ارجعله فلوسه على داير المليم انا بس اللى خلانى اخد منه فلوس لان اهل خطيبها اختى كانوا هيفسخوا الخطوبه و الحمد لله جوزتها ودلوقتى بقا معاها ياسين صغير عنده سنه
آسر :
ربنا يفك سجنك ي صاحبى ي رب وتخرج وتتجوز خطيبتك كمان
ياسين :
انا نفسى اسعدها ي آسر الغلبانه شافت معايا ايام صعبه ومع ذلك برضو لسه متمسكه بيا
آسر :
ان شاء الله ربنا هيجمعكوا مع بعض على خير
ياسين :
أمين ..... ويريح بالك ويهديك
آسر :
انت شغال اييه
ياسين :
انا ي سيدى مندوب مبيعات على قد حالى
آسر :
احسن ناس
★★★★★★★★★★
كانت نور جالسه مع الطبيب ف احدى الغرف
الطبيب :
عامله اييه دلوقتى
نور بتعب :
الحمد لله كويسه
الطبيب :
مال وشك مش مظبوط لييه
نور:
بقالى كام يووم صاحيه مش قادره انام
الطبيب :
بس دا غلط عليكى
نور :
اعمل اييه حاولت انام اكتر من مره مفييش فاايده ممكن تكتبلى منوم
الطبيب :
لا طبعا المنوم غلط مع الادويه اللى بتاخديها دا ممكن يأثر على ذاكرتك
نور :
لا خلاص انا عايزه اخلص
الطبيب :
ان شاء الله هتفتكرى كل حاجه وتبقى احسن من الاول كمان ..... يلا نبدأ
نور :
اوكى يلا
الطبيب وهو يضغط على أحدى ازرار المسجل :
هااا انا سامعك
نور :
أيَاد كان بيوصلنى انا وساره الكليه كل يووم وكان بيرجع ياخدنا من الكليه بعد ما نخلص
فلاااش باااك
استيقظت نور وادت فريضتها وارتدت ملابس غامقه بدرجات اللون الاسود ورفعت شعرها ووضعت ميك اب خفيف وتوجهت الى الاسفل وجدت والدها يتناول الفطار
نور وهى تقبل والده :
صباح الخير ي حبيبى
الاب بأبتسامه :
صباحك ي قلبى
نور وهى تداعبه :
متشيك كدا ورايح على فيين ؟ اييه بتلعب بديلك من ورايا ولا اييه
الاب :
ي بنت عيب دا أنتِ بتكلمى ابوكى
نور تتصنع الزعل :
الله ! مش احنا بنتعامل على اننا صحاب ....( ثم اكملت وهى تغمز له) .. قول قول لو ف مزة ف الموضوع انا مستعده اجوزهالك و أوفق راسين ف الحلال هو ف احلى من الجواز
الاب بأبتسامه :
طيب ما تقولى ل نفسك الواد أيَاد كل يووم يزن على دماغى علشان موضوع خطوبتكم ي مفتريه
نور بأبتسامه :
هههههه ي كبير ما احنا مخطوبين من زماان يعنى حتته الدبله هى اللى هتطمنه
الاب:
ايواا الواد بيحبك وعايز يقول للكل انك ملكه
نور :
دا على اساس يعنى ان هو مابقولش لحد حاجه ي بابى دا لما حد يحاول بس يسلم عليا يجى هو يسلم مكانى ويقوله نور خطيبتى الشباب اللى ف الجامعه كلهم بقوا بيبعدوا عنى خوفا من أياد
الاب :
ي مجنونه بيغير ... هو حد طايل حبيبه يغير عليييه
نور :
ايوا الغيره مطلوبه بس مش كدا غيرته اوفر يعنى.....
وهنا سمعوا صوت سياره أيَاد استأذنت من والدها وهبطت لهم
نور وهى تسلم على ساره :
دكتوووره سالخيييير
ساره :
سالنوور ي اختى سنه علشان تنزلى
نور تتصنع البراءه :
اناا دا انا نزلت علطول ظلمانى ديما
أيَاد :
طيب ي مظلومه اتعدلى بقا علشان نتحرك
تحركوا بالسيااره وتوجهوا الى الجامعه
وصلت نور الى مكان اجتماع شلتها كانت عباره عن ( سالى فى هندسه .. أسماء فى صيدله ...وعمركليه الشرطه و على كليه علوم .... وآيه آداب فى اعمار متقاربه بعد السلامات توجهوا الى المحاضرات وبعدها تقابلوا ف البريك
نور :
هاا ي شباب اييه الاخبار
أسماء :
معرفتيش سالى وعلى هرتبطوا
نور بفرحه :
بجدد مبروووك دا من امتى دا
على :
ي بنتى ما انا قولتلك انى بحب واحده زميلتنا قبل كدا
نور :
ايووا بس ماقولتليش انها سالى بتقرطسونا ي خونه
سالى :
اييه تقرطسونا دى اييه ي بنتى الالفاظ دى فيين المعجبيبن يجوا يشوفوا نور الدميرى بقت بيئه
عمر :
ههه نور بتحاول تواكب العصر
أسماء :
عصر ايييه ؟ دا هبل مش عصريه خالص
نور وهى ترفع حاجبها ل أسماء :
اتهدى وألا أنتِ عارفه ممكن افضحك
أسماء وهى ترفع يدها :
أسفين ي ريس
آيه :
ي نور ي جاامد ..... بقولك ي نور مش ناويه تلبسى ألوان بقا انا زهقت من الاسود والابيض بسببك
نور :
لييه دول كيووت قووى
على :
كيووت أنتِ عبيطه ي ماما فى ألوان تانيه كيوت برضو
أسماء :
بصراحه ي نور انا عاجبنى الموضوع دا وفكرت انفذه انا كمان
نور :
حبيبتى ي سو أنتِ ي اللى نصافى ديما
اتت أيَاد ف تلك اللحظه
أيَاد :
اذيكوا ي شباب ...... نور لو سمحتى عايزك لحظه .. تحركت معه ووقفوا على جنب
اسماء :
اااه ادام أيَاد جه يبقا نور مش هتكمل معانا اليوم يلا بينا احنا بقا نمشى
عمر بعدم فهم :
اشمعنا يعنى
آيه :
اااه ما انت جديد ف الشله ... انا هفهمك أيَاد يبقا خطيبب نور من وهما صغار وبيغير عليها جداا لدرجه لا توصف
عمر :
اهاا فهمت وهو بقا غيران عليها مننا
سالى :
بالظبط كدا
عمر بأهتمام :
طيب ما تسمع كلامه هى مش بتحبه ؟
آيه بنظره ذات مغزى :
مالكش دعوة بـ نور ي عمر هتتعب جامد لان أيَاد مش هيسمح ل حد يقربلها
أسماء بضجر :
طيب ي جماعه انا همشى عندى محاضره سلام
سالى :
أستنى هاجى معاكى (بعدما تحركوا ) غيرتك فضحاكى
أسماء بضيق :
طيب اسكتى بقا لاحسن انا على اخرى
عند نور وأيَاد
أيَاد بنرفزة :
أنتِ بتعاندى معايا صح
نور :
يووه انت مكبر الموضوع ليه دول صحابى زى ماا انت ليك صحاب بنات انا كمان ليا صحاب صبيان
أيَاد :
اى ان كان ي نور انا ولد وصحابى البنات عمرى ما فكرت ابص ل واحده فيهم نظرة كدا او كدا لانك ماليه عينى
نور بغضب :
والله وانا بقا اللى عينى فارغه
اياد :
لا انا مقصدش كدا ... انا واثق فيكى انك لايمكن تبصى لواحد غيرى ... بس مش واثق فيهم
نور بعصبيه :
متقلقش الرعب اللى انت مربيه للكليه كلها مفيش واحد هيتجرأ انه يبص ف عينى انا بقييت سيره الجامعه كلها بقيت بمشى الكل يشاور عليا ويقولوا .. نور الدميرى اهيه اوعوا حد يقربلها لاحسن أيَاد يأكله ويمحيه من على وش الارض ..... انا زهقت من غيرتك الاوفر دى ي أيَاد وقربت اتخنق
أيَاد :
مليون واحده بيحسدوكى عليا ... بيتمنوا ان حد يحبهم ولو ربع حبى ليكى
نور :
ملون واحده ! ..... طيب ما تروح ل المليون دول وتسيبنى ف حالى
أيَاد وهو يمسك يدها بعنف :
أنتِ بتهزرى صح .... ما ي أما بتهزرى ي اما تجننتى .. وانا هعتبرك بتهزرى وهعديها وهعتبر نفسى مسمعتش منك الكلام دا
نور بعصبيه :
أيَاد سيب ايدى انت اتجننت
أيَاد وهو يترك يدها :
اتفضلى قدامى اوصلك البيت
نور بعند :
شكرا انا هعرف اروح بنفسى
أيَاد بعصبيه :
نوور ماتختبريش صبرى لو سمحتى قدامى ومش عايز اعلى صوتى اكتر من كدا ونكمل كلامنا ف البيت .. اتفضلى
نور بسخريه :
هو انت لسه هتعلى ما انت فرجت الناس كلها علينا
أياد وهو يجذبها ناحيه السياره :
طيب اتفضلى اركبى ولمى الدور
توجهت الى المنزل معه بمجرد ان وصلت امام الفيلا هبطت من السياره
أياد :
استنى لسه مخلصتش كلامى
نور :
وانا مش قادره اتكلم .... نتكلم بعدين لاننا لو اتكلمنا دلوقتى هنجرح ف بعض جامد وهتسمع كلام يزعلك
تركته ودخلت المنزل وهو اشعل مقود السياره وتوجه الى منزله
عادت نور الى المنزل وتوجهت الى غرفتها دلفت خلفها الداده
الداده :
ف اييه ي نور مالك
نور :
انا زهقت ي داده من طريقته دى انا قربت اكره نفسى بسببه
الداده :
اهدى ي حبيبتى بس أنتِ عارفه أيَاد طيب وبيعمل كل دا لانه بيحبك
نور :
المشكله انى عارفه كل دا بس طريقته صعبه ي داده وانا طاقتى قربت تنفذ
الداده :
كلمى بباكى هو يقعد معاه ويفهمه
ظلت نور ف انتظار والدها وعندما سمعت صوت سيارته توجهت الى الاسفل
نور وهى تقبل والدها :
بابى حمدا لله على سلامتك
الاب :
الله يسلمك ي حبيبتى ..... ف مفاجأه ليكى معايا
نور :
ايه ؟
الاب وهو ينظر خلفه :
تعالى ي تاعب قلبى
ظهر أيَاد من خلف عامر حامل بوكيه ورد من اللى بتحبه نور وعلبه شوكولا
أيَاد :
أسف انى اتعصبت عليكى الصبح ب صدقينى هتكون اخر مره
نور وهى تنظر الى الاتجاه الاخر :
ودى المره الكام اللى تقولى الكلام دا
أيَاد :
ان شاء الله هتكون الاخيره ..... وبعدين دا أيَاد الدميرى بيعتذرك بنفسه دا حدث تاريخى
نور :
شوفت ي بابى مبيعرفش يكمل الحاجه بطريقه كويسه للاخر
عامر :
خلاص بقا ي نور ماتكبريش الموضوع
أيَاد وهو يعطيها الورد :
خلاص بقا ي نونا
نور وهى تاخذه :
ماشى بس دى أخر مره
أيَاد :
اوعدك أخر مره
بـــــــــــــــــــــااك
الطبيب :
نور أنتِ بتحبى أيَاد لييه ؟
نور :
اييه السؤال الغريب دا هى الناس بتحب لييه ؟
الطبيب :
ف اسباب كتيره للحب يعنى مثلا ممكن أنتِ حبيتيه لانه مفروض عليكى .... وممكن تحبيه لحنيته ... وممكن تحبيبه لغيرته وحبه لييكى..... وفى ممكن حبيتيه لانك لاقيتى نفسك فييه ولاقيتى ان هو اللى قلبك شاور عليه
نور :
تقدر تقول كل كدا
الطبيب :
لا لايمكن تجمعوا مع بعض وخصوصا الاولى والاخيره
نور :
معرفش انا حبيته وخلاص مفكرتش ف اسباب
الطبيب :
عملتى اللى قولتلك علييه
نور :
ايوا حاولت ارسم بس مفيش فايده بيطلع معايا حاجات غريبه عيون بس وحاجات مش واضحه
الطبيب :
حاولى تانى مع الوقت هتجيب نتيجه
نور:
بس لييه وانا مغمضه ما انا ممكن ارسم وانا مفتحه عينى
الطبيب :
انا عايز اتأكد من حاجه
نور :
حاجه اييه ؟
الطبيب :
لما تحصل هقولك .... همشى انا دلوقتى ولو ف اي جديد بلغينى
★★★★★★★★★★★
كان آسر فى الزنزانه بمفرده فقد خرج الجميع لمقابل الاهل ألا هو فلم يكن له أحد يأتى ليزيارته أخرج صورتها من جيب بنطاله وظل يناظرها بأشتياق الى ان دخل عليه شخص رفع نظرة بالتدريج ليرى من ذلك
آسر :
ايه اللى جابك هنا ؟
الشخص :
مبسوط بحبسك هنا بين اربع حيطان ....استفدت ايه لما عملت كدا ولا حاجه
آسر :
دى شماته دى ولاايه ؟
الشخص :
انت عارف انى اخر حد ممكن يشمت فيك انا هنا عشان اساعدك
آسر :
مفيش حاجه ممكن تساعد انا قتلت عامر بيه واتحكم عليا خلاص
الشخص :
انا ممكن اساعدك
آسر :
ما انا قولتلك تساعدنى ازاى قبل كدا وانت رفضت
الشخص:
انت عارف انى مش هقدر اعمل حاجه زى دى
آسر :
يبقى متتعبش نفسك معايا يلا امشى ... عشان معليش صوتى والضابظ يجى وكل حاجه تبان وتتحبس انت واللى عرفت ترشيه وخلاك تدخل هنا
العسكرى من خلفهم :
لا بالله عليك دا انا غلبان ...يلا اطلع متودناش ف داهيه
الشخص :
ماشىي انا همشى بس هاجى تانى
آسر :
أياك تيجى
الشخص :
ليه خايف ؟
آسر :
انا مبخافش من حاجه ..بس لو جيت هنا تانى هتندم
تركه الشخص وغادر المكان وترك آسر بمفرد ف الزنزانه
يتبع
#Shimaa Hussinen
أنت تقرأ
روايه : سجين حبك "لعنه حب " بقلم شيماء حسين
Romanceالمقدمه 💜 سأمت من ذلك السجن الكبير الذي اضع فيه نفسي سأمت من سجن حبك سأمت منك سأمت من كلماتك المكرره وتأوهاتك المزعجة ساخرج الى عالمي ولكن كيف اخرج وهل لي ان امحي ذكرياتي معك هل لي ان انزع ثوب البستيه لي هل لي ان اقطع اوصال قلبي كي لا ينبض بح...
