الــــبــــارت الــــرابــــع♥
"يا حكيم .. إني لأتذكرها في خضم الأحزان حتى تنتهى، وفي قمة البؤس حتى ينجلي، وفي شدة المآزق حتى تمر، وفي كثرة الصعاب حتى تلين، وفي زحام المصائب حتى تُمحص، وفي ذروة العسر حتى تُيَسّر، وفي أوج التعاسة حتى تفرج .. فأخبرني بحكمتك يا سيدي، هل وقعتُ بحبها!!؟"
تم نقل أشياء نور من منزلها الى منزل أيَاد و أوصى بعمل غرفه مثل غرفتها تماما حتى لا تشعر بأنها ليست ف منزلها ولكنه لا يعلم أن منزلها ينقصه وجود والدها
كانت تقف أمام خزانتها وجدت جميع الملابس ملونه
نور لنفسها :
اللبس دا بتاعى ازاى ! انا عمرى ما كنت بحب الالوان .... هى هتيجى على اللبس يعنى ما كل حاجه متلخبطه ... اختارت أغمق لون موجود وتوجهت الى الاسفل وكان أيَاد يتناول الفطار
أيَاد :
صباح الخير
نور :
صباح النور
أيَاد بأهتمام :
هاا نمتى كويس
نور :
منتمتش اصلا
أيَاد :
لييه الاوضه معجبتكيش
نور :
اوضه ايه !؟ انا مش فاهمه حاجه اييه اللى وصلنى لهنا وايه اللى خلانى مبقتش فاكره اى حاجه ليها صله بالفتره الاخيره من حياتى بجد مش فاهمه
أيَاد وهو يحاول تهدأتها :
اهدأ ي نور الدكتور جاى النهارده وهيحل كل حاجه وهتفتكرى اللى حصل ان شاء الله
نور ببكاء :
وبابا خلاص مش هقدر اشوفه طيب ممكن تحكيله دا حصل ازاى
أيَاد وهو يمسك بيدها :
ممكن تهدئ هتفتكرى كل حاجه وكل حاجه هتتحل بس أنتِ متفكريش كتير و واظبى على الدواء بتاعك
أتت الداده فى تلك اللحظه
نور وهى تحتضنها :
داده وحشاانى جدااااا
الداده :
وأنتِ كمان ي عمرى
نور :
داده هو .................. اوقفها صوت التلفاز
أسهم شركه النور الهندسيه اصبحت فى الفتره الاخيره فى حاله يرثى لها بعد أغتيال البشمهندس عامر الدميرى ولكن هل ستظل الشركه فى تلك الحاله ام ان أيَاد الدميرى الوريث الوحيد سيعيد الشركه الى حالتها الاولى لتنافس اكبر الشركات الهندسيه الموجوده ف مصر مرة اخرى
نور بحيره :
الكلام دا حقيقى بابى مات مقتول
الداده وهى تربط على كتفها :
ايوا ي بنتى
نور بهستريا بكاء :
امتى حصل الكلام دا ي عالم فهمونى
أيَاد :
نور الدكتور جه ومستنيكى جوة ادخلى وهو هيفهمك كل حاجه وانا هروح الشغل وهشوفك لما ارجع اوكى ...خدى بالك من نفسك وبلاش عياط عشان خاطرى
توجهت الى مكان وجود الطبيب
★★★★★★★★★★★
كان جالس فى احد اركان الزنزانه ممسكا بصورتها
اتت احد المساجين ف نفس عمرة تقريبا وجلس بجواره
الشخص :
حبيبتك ؟
آسر وهو ينظر للصورة :
حاجه زى كدا
الشخص وهو يمد له يده :
انا ياسين وانت
آسر وهو يصافحه :
آسر
ياسين :
اسمك حلو وشكلك متعلم اييه اللى جابك هنا
نظر آسر الى الصوره ولم يتحدث
ياسين :
شكل موضوعك كبيير احكى احكى اهو نهون على نفسنا الايام اللى مابينلهاش شمس دى
آسر :
انت جاى ف اييه ؟
ياسين :
بتغير الموضوع يعنى ... ماشى هحكى انا الاول .... انا ي سيدى كنت واخد حاجه كدا زى قرض من واحد وأخد عليا ايصالات أمانه و معرفتش اردهم ف بلغ عنى وانا هنا من سنتين وتسع شهور وفاضلى تلت شهور واطلع
آسر :
اممم ربنا يفك حبسك
ياسين :
طيب وانت جاى ف اييه
آسر :
قتل
ياسين بأستغراب :
قتل؟ انت شكلك يقول انك متقدرش تدبح فرخه تقوم تقولى قتل من اللى لفقلك القضيه دى
آسر :
لا مش تلفيق انا قتلت فعلا
ياسين بأستغراب :
مين ؟
آسر وهو ينظر الى صوره نور :
والدها
ياسين :
دا انت شكل حكايتك حكايه احكى احكى
آسر : ..............
★★★★★★★★★★★*
جلست نور أمام الطبيب ولم تتحدث باى شئ
الطبيب :
اتكلمى انا جاى اسمعك
نور :
لا حضرتك اللى هتتكلم وتفهمنى اييه اللى بيحصل دا وانا ليييه مش فاكره حاجه واييه اللى وصلنى ل هنا
الطبيب :
قولي عايزه تفهمى اييه وان هفهمك بس أنتِ لو حسيتى انك مش قادره تكملى قوليلى اوكى
نور :
اوكى ...اولا انا لييه مش فااكره حاجه من الفتره الاخيره من حياتى
الطبيب :
أنتِ اتعرضتى ل ضربه على دماغك أثرت على جزء من ذاكرتك
نور :
ومين اللى عمل فييا كدا
الطبيب :
الشخص اللى قتل والدك
نور :
ممكن تحكيلى كل حاجه على بعضها يعنى لييه قتل والدى والكلام دا حصل امتى كل حاجه
الطبيب :
ماشى ي ... يوم عيد ميلادك ال 25 بليل أنتِ كنتى بره ومحدش يعرف أنتِ سيبتى الحفله ومشيتى لييه والبيت كان فاضى من الشغالين مكنش ف حد ف البيت غير والدك طلع عليه واحد اسمه آسر وقتله بالرصاص لانه على حسب كلامه والدك رفض انه يجوزك لييه وبعدين أنتِ شوفتيه ف ضربك على رأسك ودا اللى وصلك للحاله دى ف حاجه من اللى قولتها حسيتي انك مريتى بييه
نور وهى تحاول التفكير ف كلام الطبيب امسكت برأسها :
لا .... مش فاكره حاجه خالص
الطبيب :
خلاص مش لازم مترهقيش نفسك مع الوقت هتفتكرى ... انا بقول كفايه كدا النهارده علشان متعبكيش
نور :
لا كمل
الطبيب :
لا انا خلصت كلامى ... لو أنتِ حابه اننا نكمل الجلسه أنتِ اللى هتتكلمى هتحكيلى عن حياتك اللى أنتِ فكراها عايز انشط ذاكرتك
نور :
طيب سؤال مين آسر دا انا مش فاكره انى كنت اعرف حد بأسم دا قبل كدا
الطبيب :
آسر مهندس كان شغال عند والدك ف الشركه وموضوع أنتِ تعرفيه ولا لا ف انا معنديش جواب.... الجواب عندك أنتِ
نور بخيبه أمل :
اوكى طيب هو فيين دلوقتى
الطبيب :
اتحبس واتحكم عليه ب مؤبد ... ها اكمل
نور :
اوكى اتفضل
الطبيب :
احكيلى عن ابعد ذكريات بينك وبين خطيبك
نور بأستغراب :
خطيبى ؟
الطبيب :
اه سورى..... أيَاد
نور :
هو انا وأيَاد اتخطبنا فعلا ؟
الطبيب :
ايواا لبستوا دبل من كام شهر قبل الحادث .... يلا احكى
نور :
انا و أيَاد ولاد عم بابا واونكل حافظ بابا أيَاد اتفقوا انهم يخطبونا لبعض علشان الشركه والاسهم والكلام دا .... وبصراحه انا وأيَاد معترضناش لانى كنت عارفه ان أيَاد بيحبى وانا كمان كنت بحبه
الطبيب :
كنتِ ؟
نور :
مقصدتش انى مابقتش بحبه بس انا بحكيلك على زمان انا اكيد دلوقتى بحبه مش خطيبى وابن عمى
الطبيب :
طيب كملى
نور :
أيَاد أكبر منى ب 4 سنين .... وساره اكبر ب تلت سنين انا دخلت كليه الفنون التطبيقيه قسم التصوير الفوتوغرافى لانى بحب المجال دا وأيَاد دخل كليه هندسه علشان يمسك الشركه من بعد بابا واونكل وخصوصا ان بابا أيَاد توفى وهم لسه صغيرين وساره درست طب لانها كانت عايزة تكون دكتوره نفسيه أيَاد كان بيحب ساره جدا كان بيعاملها على انها بنته وكان حنين جدا ودا اللى خلانى اوافق على موضوع خطوبتنا بس اجلنا انها تكون رسميه لبعد مانتخرج
الطبيب :
احكى مواقف انا عايز مواقف بكل تفاصيلها
نور :
طيب ممكن الجلسه الجايه لانى مش قادرة اكمل
الطبيب :
تمام على راحتك بس المهم تاخدى الدواء اللى كتبتهولك وتواظبى عليه ولو افتكرتى اى حاجه ولو صغيره تقوليلى عليها
نور :
ف حاجه ... وانا حلمت مره انى كنت ف بسين وكان فى حد موجود تحت المايه فضلت اقوله اطلع بطل هزار وانى خوفت عليه وخايفه انه يضيع منى وكدا بس شكله مكنش باين الحدث عباره عن انا والشخص مش باين ملامحه
الطبيب :
اكيد دى ذكرياتك مع أيَاد ف الفتره اللى أنتِ نسياها المهم ماتضغطيش على نفسك لان دا ممكن يأثر عليكى بالسلب ..... صحيح انا عرفت انك بتحبى الرسم
نور :
ممكن برضو .. ايوا
الطبيب :
عايزك ف مره تربطى عينك وتمسكى القلم والورقه تسيبى ايدك وخيالك يرسموا وشوفى هترسمى اييه
نور :
حاضر بس لييه
الطبيب وهو ينهض :
هتعرفى بعدين
بعد مغادره الطبيب دخلت الداده الغرفه
الداده :
شدى حيلك ي نور وخليكى قويه زى ماأنتِ ..شده وهتزول ان شاء الله
نور ببكاء :
بابا مات ي داده وسابنى لوحدى
الداده :
دا قدر ومكتوب ومحدش فينا ليه يد فيه ادعيله .. استهدى بالله وخليكى قويه وهو شايفك وحاسس بيكى ... ولو احتاجتى اى حاجه كلمينى
نور :
انتِ رايحه فين
الداده :
انا هرجع بيتى وهزورك من وقت للتانى
نور :
هتسيبينى انتِ كمان
الداده :
ابنى رجع من السفر ولازم اقعد معاه وقت ما تحتاجينى هتلاقينى جنبك
نور وهى تحتضنها :
هتوحشينى
★★★★★★★★★★★★
كان أيَاد فى الشركه يباشر عمله هو والمحامى
المحامى :
أيَاد لازم تستلم الشركه بقا عمك عملك توكيل رسمى بالتصرف ف املاكه ولازم تفوق بقا لشغلك فتره الحداد خلصت الشركه هتضيع من ايدك
أيَاد بحزن :
مش قادر انا لحد دلوقتى مادخلتش مكتب عمى لانه بيفكرنى بييه
المحامى :
عارف بس لازم تكون قوى انت دلوقتى راجل نور وساره و والدتك ماينفعش تظهر قدامهم بالضعف دا
أيَاد :
ربنا يسهل ويقدرنى
المحامى :
ي رب .... عايز منى حاجه تانى
أيَاد :
لا متشكر جدا لحضرتك
خرج المحامى من المكتب
أيَاد وهو ينظر الى صورة عمه :
رميت عليا مسؤلييه كبيرة قوى ي عمى ربنا يقدرنى واكون قد الثقه دى
★★★★★★★★★★★★★
ظلت نور جالسه على سريرها تفكر ف كلام الطبيب
نور لنفسها :
مين آسر دا ؟ معقول ف حد يقتل علشان اترفض دا على كدا كل واحد اترفض من أهل البنت اللى عايز يتجوزها كان زمان الناس كلها ميته ..... وكمان مهندس ي خساره التعليم اللى اتعلمه ..... طيب انا لازم اتصرف ممكن يكون ف حاجه خاصه بالفتره اللى فاتت ف موبيلى او اللاب ... بحثت عنهم ولكنها لم تجدهم توجهت الى غرفه ساره ل تسالها
نور :
ساره هو موبيلى واللاب فيين
ساره بتردد :
امممم معرفش
نور بنظره شك :
ساره!
ساره :
محدش يعرف عنهم حاجه اختفوا من يوم الحادث
نور بخيبه امل :
ماشى
ساره وهى تربط على كتفها :
نور ي حبيبتى متفكريش كتير سيبى كل حاجه تيجى بالتدريج
نور ببكاء :
مش قاادره طاقتى نفذت انا حتى مش قادرة افتكر اخر ذكرياتى مع بابا ومش قادره افتكر حاجه حاسه انى تايهه ... انا تعبت
ساره وهى تأخذها ف حضنها :
حاسه بيكى ي حبيبتى بس دا قدر محدش لييه ذنب وربنا انتقملك من اللى عمل كدا الحمد لله
نور :
ممكن اطلب منك طلب
ساره :
اتفضلى ي حبيبتى
نور :
انا عايزه اروح ل اللى اسمه آسر دا
ساره :
لا طبعا أيَاد لايمكن يوافق
نور :
من غير ما نقوله
ساره :
ماينفعش ي نور وبعدين محدش هيسمحلك انك تقابليه
نور :
انا عارفه عمر اللى ماسك القضيه وهو هيساعدنى
ساره :
أيَاد لو عرف مش هيعديها على خير
نور :
ماتقلقيش احنا هنقوله انى عايزة اروح المول اشترى لبس وهو هيوافق
ساره :
ربنا يستر
بعدما عاد أيَاد من العمل اخبرته الفتايات على الخروج الى المول ووافق على الفور وتوجهوا الى مركز الشرطه
★★★★★★★★★★
توجهت نور الى متكب عمر
عمر بأستغراب : نور ؟
نور وهى تصافحه :
ازيك ي عمر عامل اييه و اسماء عامله ايه
عمر :
كويسين وأنتِ ؟
نور بحزن :
كويسه
عمر :
ان شاء الله خير ي نور شدى حيلك
نور وهى تشاور على ساره :
ساره بنت عمى
حياها عمر
نور :
ممكن اطلب منك طلب ي عمر
عمر :
اكييد اتفضلى
نور :
انا عاايزة اشوف آسر
عمر :
بس أنتِ مش من قرايبه ومينفعش تقابليه
نور :
بس انا المجنى عليها .. انا جيالك بصفتك صديق .. انا محتجالك فاكر اخر مره نشوف بعض فيها قولتيلى لو احتاجتى حاجه انا موجود ... انا دلوقتى محتجالك ي صديقى
عمر :
أنتِ عارفه ان دا غلط
نور بترجى :
بلييز ي عمر وحياه اغلى حاجه عندك لمده خمس دقايق بس
عمر وهو يزفر :
تمام خمس دقايق بس
امر العسكرى بأخضار آسر
ظلت تضغط على يدها ف توتر ولاحظ عمر ذلك
عمر :
أنتِ كويسه
نور :
ايوواا
دلف العسكرى ومن خلفه آسر الذى تسمر ف مكانه بمجرد أن رأها
آسر بصدمه :
نور ؟
نور :
انت تعرفنى منين؟
آسر :
ما أنتِ عارفه
نور :
لا مش عارفه انا مش فاكره حاجه خالص ومحدش يعرف عنك حاجه انت مين ؟
آسر وهو ينظر الى ساره و عمر :
معنديش اجابه للسؤال دا
نور بترجى :
ارجوك قولى لييه عملت كدا وصدقنى هصدق كل حاجه تقولها ولو عايز اخرجهم بره انا موافقه
آسر :
وهتأمنى على نفسك وأنتِ مع قاتل زىى ف مكان واحد
نور :
انا ممكن اعمل اى حاجه علشان اعرف الحقيقه
آسر :
ماشى خليهم يخرجوا
عمر :
انا لايمكن اخرج واسيبك معاه
نور بترجى :
ارجوك ي عمراخرج انت وساره متخفش انا كويسه
وقفت ساره نظرت ل آسر نظره تحذير
ضحك آسر بسخريه وخرج كلا من عمر وساره وظلوا بمفردهم
نور :
قول
آسر بحزن :
بحبك دى كل حاجه عايز اقولهالك وهفضل احبك طول عمرى صدقينى مكنتش ناوى آذيكى بس اللى حصل كان غصب عنى
نور ببكاء :
بس انت اذتنى .....هو انت فعلا قتلت بابا ؟
آسر :
أنتِ رأيك اييه ؟
نور :
انا بسألك
آسر :
يعنى أنتِ سيبتى الناس دى كلها وجايه تسألينى انا لييه ؟
نور بحيره :
معرفش ...لاقيت نفسى عايزة اعرف منك انت .. يمكن علشان انت الوحيد اللى عندك القصه كامله وبعدين بابى عمرة ماكان بيهمه موضوع المستوى والكلام دا علشان يرفضك علشان مستواك والكلام الفاضى اللى انت قولته دا
آسر :
انا قولت اللى عندى عايزه تصدقى اوكى مش عايزة براحتك
آسر وهو يكمل كلامه :
يعنى مفيش سبب تانى خلاكى تيجى تسألينى
نور بحيرة :
سبب اييه
آسر :
أنتِ اللى هتجاوبى على السؤال دا
أما عند ساره وعمر ف الخارج
ساره بقلق :
انا قلقانه خايفه ل يعملها حاجه
عمر :
انا هدخل خليكى هنا
ساره :
تمام
دلف عمر الى الغرفه :
كفايه كدا
نور ل آسر :
طيب قول اى دليل
آسر :
المره الجايه
عمر :
مفييش مره تانيه قول اللى عندك واخلص
آسر وهو ينظر ل نور :
لا هيكون ف مره تانيه ... مستنيكى
عمر للعسكرى :
خده على الزنزانه
نور بحيره :
انا مبقتش فاهمه حاجه انا حاسه انه مخبئ حاجه
عمر :
عارف بس هو مش عايز يتكلم
نور :
ساعدنى ي عمر اعرف الحقيقه
عمر :
أنتِ تؤمرى ي نور وانا انفذ
نور :
شكرا ي عمر بجد مش عارفه اقولك اييه انا همشى وهكلمك فون ونشوف هنعمل اييه
عمر :
تمام خدى بالك من نفسك
★★★★★★★★★★★★
ادخله العسكرى الزنزانه
آسر بسخريه :
معلش تعبين حضرتك معانا
العسكرى بضجر:
طيب اتنيل ادخل جتكم القرف
آسر بسخريه :
تسلم والله وتوجه وجلس بجوار ياسين
ياسين :
مش هتبطل بقا ي بنى تغلس على العساكر بطريقتك المستفزة دى
آسر بأستهزاء :
ادينا بنتسلى
ياسين :
هاا مين اللى كان جايلك
آسر بسخريه :
ههههههه هى
ياسن بزهول :
نور ؟
آسر بشرود :
اهااا نور
ياسين وهو يربط على كتفه :
طيب وعملت ايييه
آسر :
هعمل اييه يعنى
ياسين :
هى ماقولتلكش حاجه
آسر :
نور فقدت الذاكره
ياسين :
ما انت السبب ف دا كله ي آسر اشرب بقا
آسر :
هو انا ناقص كلامك دا ي عم ياسين ارحمنى
ياسين :
لما ترحم نفسك انت الاول
★★★★★★★★★★★★
الطرف الاول :
نور راحت تقابل الزفت اللى اسمه آسر دا
الطرف الاخر بغضب :
ومين وافق انها تروح
الطرف الاول :
بنت عمها راحت معاها واكيد ابن عمها وافق ما هما مش هيخرجوا من غير اذنه
الطرف الاخر :
اممم خليها تروح المهم خليك مراقبها والاخبار تكون عندى اول ب اول فاهم
الطرف الاول :
فاهم
الطرف الاخر بأبتسامه سخريه :
دورى ي نوور زى ما انت عايزة مش هتوصلى ل حاجه غير اللى انا عايزك توصليله
يتبع
#shimaa Hussien
أنت تقرأ
روايه : سجين حبك "لعنه حب " بقلم شيماء حسين
Romanceالمقدمه 💜 سأمت من ذلك السجن الكبير الذي اضع فيه نفسي سأمت من سجن حبك سأمت منك سأمت من كلماتك المكرره وتأوهاتك المزعجة ساخرج الى عالمي ولكن كيف اخرج وهل لي ان امحي ذكرياتي معك هل لي ان انزع ثوب البستيه لي هل لي ان اقطع اوصال قلبي كي لا ينبض بح...
