أنت تقرأ

روايه : سجين حبك "لعنه حب " بقلم شيماء حسين

Romance

المقدمه 💜 سأمت من ذلك السجن الكبير الذي اضع فيه نفسي سأمت من سجن حبك سأمت منك سأمت من كلماتك المكرره وتأوهاتك المزعجة ساخرج الى عالمي ولكن كيف اخرج وهل لي ان امحي ذكرياتي معك هل لي ان انزع ثوب البستيه لي هل لي ان اقطع اوصال قلبي كي لا ينبض بح...

#امتلاك #تضحيه #حب #رومانسى #غموض #غيره #قتل

15

10.4K 328 7 
                                    

                                              
الـــبــارت الــخــامــس عــشــر ♥

وتبقى وحدك أنت من يرتعش له النبض وتسكن عنده الروح فلا تغيب عني ففي غيابك تتالم الروح



نور بزهول : 

هو متجوز ؟

عمر : 

ايوا متجوزك 

نور : 

ايــــــــه !؟ انت اكيد بتهزر 

اخرج لها الورقه التى وجدها فى الشنطه واعطاها لها عمر

عمر : 

الورقه دى قبل  ما اجيبهالك هنا انا اتحققت منها وطلعت مش مزوره  وروحت للمأذون اللى كتب الكتاب واتأكدت من الكلام دا بنفسى 

نور : 

ازاى ؟ 

عمر : 

و والدك هو وكيلك يعنى كان موافق على جوازك من آسر يبقى ليه آسر يقتله ادام الدافع مش موجود 

نور بزهول  : 

يعنى انا دلوقتى متجوزة واحد ومخطوبه ل واحد ... ازاى دا حرام 

عمر : 

مش وقته الكلام دا انا طلبت يتعملك تصريح بالزياره علشان نعرف منه كل حاجه ... ومازن هناك دلوقتى وهننهى الموضوع اليوم ان شاء الله 

نور : 

بس انا مش عايزة اقابله 

عمر : 

خلاص روحى اتجوزى أياد وانتِ متجوزة اصلا 

نور  : 

طيب ما كدا اياد هيعرف 

عمر : 

متقلقيش انا هحاول اخلى الموضوع سر لحد مانعرف الحقيقه 

نور : 

مش عارفه من غيرك كنت هعمل ايه  

عمر : 

متقوليش كدا انتِ اختى ... وان شاء الله هنعرف كل حاجه 

نور : 

ان شاء الله 

★★★★★★★★★★★★

توجهوا الى مركز الشرطه ثم الى مكتب عمر الذى جاهد كثيرا حتى يخرج تصريح الزياره وجلست نور ف مكتبه الى ان جاء مازن بالتصريح 

عمر وهو يأخذ التصريح : 

حلو قوى كدا ...كدا الشغل هيكون على نضيف 

مازن : 

مش قوى كدا ي عمر باشا بعد كدا هتبقى تزوره مع الناس العاديه مش هتكون كل مره ف مكتبك 

عمر : 

متخافش انا عامل حسابى .... (أخرج عمر ورقه اخرى ) ... الورقه دى صوره   لطلب الدكتور اللى بيعالج نور كتبها من كام يوم وقدمناها لسياده اللواء بأنه عايز نور تقابل آسر ف مكان هادئ ومهيئ للعلاج ..  لان دا هيساعدها على أستعاده ذاكرتها  و وافق انهم يتقابلوا هنا ك جلسات علاجيه وهتكون الزيارات هنا ف المكتب 

مازن : 

دا انت مظبط كل حاجه بقا 

آسر : 

اه ... خلى العسكرى يجيبه 

دلف  العسكرى ومعه آسر الذى بمجرد أن رأها بدت على ملامحه علامات الاشتياق 

آسر بهدوء : 

ازيك ي نور 

لم تجب عليه أشار له عمر بالجلوس ساد الصمت لمده 

فتحدث عمر قائلا : 

انتِ مش وحشه زى ما انتِ مفكره ... احنا معملناش حاجه غلط احنا حبينا زى اى حد... بس الظروف هى اللى طلعت ضدنا ... انتِ مخونتيش أياد زى ما بتقولى وانا متجوزتكيش من وراء والدك بالعكس والدك كان حاضر كتب الكتاب وكان مبسوط بده ... صدققينى انتِ مغلطتيش 

نور : 

انا جايه اسمع .. وبعد كده انا اللى هحدد اذا كنت غلطانه او لا 

آسر : 

تمام وانا هحكى كل حاجه وربنا شاهد على اللى هقوله ان هو اللى حصل لا هزود ولا هنقص عليه كلمه 

نور : 

اتفضل  قص عليها كيف تقابلوا اول مره وقصه المطعم 

فلاش باك

عدى حوالى شهرين على ذلك اليوم   لم يتخذ اى منهم خطوة للتقرب للاخر على الرغم من ان كلا منهما يعلم مكان سكن الاخر وفى يوم كانت ف زياره للملجأ فهى اعتادت على زياته كل فتره 

كانت جالسه مع طفله صغيره تدعى منه  تعلمها الرسم 

نور : 

لونى بقا الشمس بالاصفر والسماء الازرق 

منه فعلت مثلما قالت لها  : 

كدا 

نور : 

برافو عليكى يلا بقا كملى الباقى 

أتى احد الاطفال وقال  : 

بابا جه ... ثم خرج مسرعا

خرجت كل الاطفال خلفه ولم تفهم اى شئ 

نور بأستغراب للمربيه : 

بابا مين ؟ 

المربيه : 

دا شاب  بيجى هنا عطول بيجيب هدايا للاطفال واواقات ياخدهم ف رحله  وبيحبهم جدا وهم كمان بيحبوه وبيقولوله بابا يعتبروا كلهم مولودين على ايديه .... تعالى اتفضلى اعرفك عليه 

نور : 

اممم هو مهم قوى اتعرف عليه ؟ 

المربيه : 

مش أنتِ  كنتى عايزة تعملى رحله للاطفال هو المسؤل عن الحته دى مفيش رحله بتطلع من غير أذنه 

نور : 

اوكى يلا بينا 

خرجت مع المربيه لمقابله الشاب وكان ذلك الشاب صديق آسر الذى قابلته ف ذلك اليوم 

نور بزهول : 

هو دا 

المربيه توجهت بأتجاه عاصم : 

ازيك ي بشمهندس عامل ايه 

عاصم : 

الحمد لله تمام 

المربيه وهى تشير على نور  : 

الانسه نور عضوة جديده وهى اللى اخدت بالها من الاطفال الفتره اللى فاتت 

عاصم وهو يمد لها يده ليصافحها  : 

ازيك عامله ايه دلوقتى  ! 

نور بزهول : 

تمام الحمد لله 

المربيه : 

انتوا تعرفوا بعض 

عاصم : 

يعنى مش قوى معرفه يوم واختفت بعدها 

نور بتردد " اسأل عليه ولا اعمل دلوقتى " : 

منه ل عاصم : 

هو بابا فين 

عاصم : 

بجيبلكم الهدايا وجاى   لم يكمل كلامه 

ارتفعت اصوات الاطفال وركضوا جميعا بأتجاه شابا أخر الذى بمجرد ان رأهم نزل الى مستواهم وبدأ ف احتضانهم الواحد تلو الآخر 

ظلت تنظر له كم كان وسيما وكانت ابتسامته جذابه وكان حبه للاطفال ظاهر ف عيناه سرحت وهى تتأمله ... أخرجها من تأملها صوت المربيه  

المربيه : 

دا بشمهندس آسر هو دا اللى قولتلك عليه 

أقترب منهم آسر وعندما وقعت عيناه عليها  " نور ... يااه دا انا فقدت الآمل انى اشوفك اصلا .. ي ترى اتعامل معاها ازاى اسألها مجتش ليه ولا اتصرف كأن مفيش حاجه حصلت .. لو فتحت معايا كلام هقولها مفتحتش يبقى خلاص  "   سلام عليكم 

المربيه : 

وعليكم السلام ...  الانسه نور عضوه جديده معانا 

حياها آسر ببرود 

نور ل نفسها " هو زعلان ولا ايه  ولا معرفنيش ولا ايه بالظبط ...  لو فتح معايا كلام هعتذر مفتحش يبقى خلاص "

عاصم بصوت منخفض ل آسر : 

ايه البرود دا ... مش دى اللى وجعتلى راسى بسببها 

آسر بنفس النبره : 

اخرس خالص  

أتت منه وأمسكت بيد آسر : 

جيبتيلى العروسه اللى قولتلك عليها ولا نسيت
آسر وهى يحملها : 

 جيبتها طبعا دا انا انسى كل جاحه ألا أنتِ  

منه وهى تعطيه كراسه الرسم : 

شوفت انا بقيت بعرف ارسم ايه ..نور هى اللى علمتنى الرسم دا كله 

 آسر : 

جميله ي حبيبتى زيك ... بس احنا مش اتفقنا مناديش   اللى اكبر  مننا بأسمه الاول 

منه : 

ماهى اللى قالتلى اقولها نور من غير طنط 

آسر ل نور : 

أنتِ  جايه تبوظيلى الاطفال ولا ايه 

نور بضيق  : 

 و ابوظهم ليه انا عملت ايه  ان شاء الله      

آسر : 

انا معلمهم يحترموا الاكبر منهم وأنتِ  بتخليهم ينادوكى بأسمك وهينادوا الناس التانيه كمان بأسمهم 

نور بنرفزة  : 

الاحترام مش بطبط واونكل الاحترام بيكون من جواهم ... وهم ماشاء الله محترمين جدا 

آسر : 

طيب براحه على نفسك ... أنتِ  متنرفزة كدا ليه 

نور : 

انا لا متنرفزة ولا حاجه 

آسر : 

لا ما هو باين 

عاصم وهو يحاول تهدأ الامور : 

اييه ي جماعه اهدوا مش كدا 

نور بعصبيه :

قول ل صاحبك 

آسر بنرفزة  : 

علفكره صاحبه دا ليه اسم 

نور :

ميهمنيش اعرف اسمك علفكرة 

آسر :

لا والله؟

عاصم : 

بس بقا ف ايه انتوا هتتخانقوا ..  الولاد عايزين يلعبوا واحنا جايين هنا علشان نبسطهم مش نتخانق مع بعض 

آسر : 

على رأيك ..ثم وجه كلامه للاطفال 

هاااااا عايزين تلعبوا ايه 

احد الاطفال : 

 حرب الالوان 

جميع الاطفال : 

ايوا عايزين نلعب لعبه الالوان 

آسر : 

اوكى تمام هنتقسم فريين فريق معايا وفريق مع عاصم 

عاصم : 

لا شكرا انا مش هلعب انا لازم امشى خلى نور مكانى 

آسر بسخريه  : 

يبقى انا كدا ضمنت انى اكسب 

نور بتحدى  : 

هه هنشوف ....من يضحك أخيرا يضحك كثيرا 

آسر بتحدى  اكبر : 

أما نشوف .... بس ف شروط اللى هيكسب ليه حق يطلب من التانى خمس طلبات  هما كانوا  عشره بس انا هرأف بحالك والتانى عليه يتفذها 

نور : 

بحالى ولا حالك لانك عارف انك هتخسر ف خففتهم 

آسر :

انا غلطان ... خليهم عشرة واشربى بقا 

نور : 

انت اللى هتشرب لحد ما تقول ارحمينى 

آسر : 

هنشوف  

ارتدوا ملابس اللعب وأمسك كلا منهم بالمسدس الخاص به وقسموا الاطفال الى مجموعتين مجموعه مع آسر ومجموعه مع نور 

اللعبه عباره عن كل واحد ف الفريقين معاه مسدس ويحاول يقتل افراد الفريق الأخر بالالوان  كأنها رصاص الى ان ينتهى كل اعضاء الفريق يبقى الفريق الاخر الكسبان 

بدأوا ف اللعب ......لم يتبقى سوى آسر و نور 

نور وهى توجه المسدس ناحيته : 

ه ه ه أخيرا المغرور وقع ف الأسر 

آسر  وهو يوجه لها المسدس: 

ه ه مفيش حد مغرور غيرك 

بدأت بأطلاق الالوان بعيدا عنه : 

اول واحده كانت تهويش  والتانيه مجتش .... حركت المسدس أمامه .... ي ترى التالته هتكون فيين ؟ ظلت  تضعط على الزناد فلم تخرج اى ألوان 

نور وهى تتفحص المسدس : 

ايه دا ف ايه 

آسر وهو تطلق الالوان عليه : 

 ههههه .... اعتقد عرفتى ف اييه دلوقتى ... مبروك ي مغروره  الخساره 

نور  وهى تغادر وتتحدث  بغيظ : 

ماشى انا هوريك 

آسر : 

ادام انتوا مش قد اللعب بتلعبوا ليه 

أبدلت الملابس التى كانت ترتديها وارتدت ملابسها وخرجت لهم للذهاب الى منزلها   

آسر وهو يوقفها  : 

رايحه فين ؟ 

نور : 

عايز ايه مروحه 

آسر : 

بالمناسبه انتِ خسرتى وانا ليا عندك عشر طلبات 

نور : 

الوقت اتأخر ولازم اروح خليهم بعدين انا مش هطير 

آسر بنبره ذات مغزى  : 

لا مش هتطيرى بس ممكن تهربي 

نور " يعنى فاكرنى " : 

متخافش لو هربت هيكون ف سبب وبعدين انا جايه بكره علشان الرحله 

آسر : 

أنتِ طالعه رحله بكره 

نور : 

انا اللى منظماها اصلا 

آسر : 

خلاص نتقابل بكره واكون حضرتلك قائمه الانتقام وانتقم منك ف كايرو

 نور بأستغراب : 

انت طالع ؟ 

آسر : 

عندك مانع ؟

 نور  وهى تغادر : 

لا انت حر تيجى متجش دى حاجه تخصك  .. عن اذنك  

★★★★★★★★★★★★

ذهبت الى المنزل وقابلت والدها

نور : 

بابى انا طالعه رحله بكره 

الاب : 

رحله ؟ رحله تبع شغلك 

نور : 

لا مفيش شغل اليومين دول انا طالعه تبع الملجأ اللى بروحه من فترة دا 

الاب : 

اممم لوحدك 

نور : 

لا ف ناس هتكون معايا .... هنحاول نخرج الاطفال ونبسطهم شويه 

الاب : 

تمام ي حبيبتى زى ماتحبى بس متتأخريش .....ها هتروحى بعربيتك 

نور : 

لا هنروح ب باص 

الاب : 

تمام ربنا معاكى هبقى اطمن عليكى من وقت للتانى 

نور وهى تقبل والدها : 

اوك ي حبيبى تصبح على خير 😘 

 ★★★★★★★★★★★★

أستيقظت ف اليوم التالى ادت فريضتها و أرتدت ملابسها وجهزت نفسها وتوجهت الى الملجأ وجدت الباص أمام بوابه الملجأ وآسر  وعاصم بيساعدوا  الاطفال ف الدخول 

نور بأبتسامه : 

صباح الخير 

عاصم : 

صباح النور 

آسر : 

أتاخرتى ..... مش مفروض تكونى هنا من نص ساعه 

نور  بضجر : 

ما انتوا لسه موجودين ولسه الاطفال مطلعوش الباص ...يعنى متأخرتش 

عاصم ملطفا للجو : 

عادى ولا يهمك آسر بيهزر 

آسر بنبره ذات مغزى  : 

 لا مبهزرش .... اكتر حاجه بكرها ف حياتى الناس اللى بتأخر واللى بتخلف بوعدها  

نور : 

اعتقد كل واحد بيكون  عنده مبرر  ل اللى بيعمله... يعنى مبيتأخرش بمزاجه أكيد ليه عذر 

آسر وهى يصعد الى الباص : 

يلا هنتأخر  

نور وهى تصعد خلفه  " ااااف اليوم باين من اوله " 

تحرك الباص ولم تجد  كرسى فاضى سوى الكرسى المجاور له 

آسر : 

معلش عارف انك هتيجى على نفسك بقعادك جنبى 

نور وهى تنظر الى : 

انت عايز ايه ؟ هاا لو مش عايزنى اكون معاكوا انا ممكن انزل هنا واريحك منى ...انت بتعاملنى كدا ليه دا كله علشان مجتش يوم العشاء 

آسر بأستعباط : 

عشاء ايه ؟ 

نور : 

متحاولش تستعبط عليا وتعمل نفسك مش فاكر 

آسر  : 

 بعمل زى ما انتِ ما  بتعملى 

نور : 

انا معملتش حاجه ... انا مجتش يومها لان والدى رجع من السفر يومها وعزمنا ع العشاء ومعرفتش أرفض وجيت أكلمك معرفتش ...وكمان انا روحت الساعه عشره وشويه وكنت انت مشيت او مروحتش  معرفش بقا 

آسر : 

لا روحت وقعدت لحد الساعه عشرة كمان
نور بأسف : 

سورى بجد مكنش قصدى... وبعدين ما انت رديتلى الموقف دا اكتر من مره ... المسامح كريم خلى قلبك أبيض بقى   

آسر بأبتسامه  : 

خلاص حصل خير ... حمدا لله على سلامه والدك 

نور : 

الله يسلمك ....يعنى خلاص مش زعلان 

آسر : 

لا خلاص .... بس متفتكريش انى هتنازل عن العشر طلبات 

نور : 

لا مش هفتكر وانا مستعده انفذهم مش ههرب المره دى  

أتى صوت السواق : 

ايه ي بشمهندس هنروح فين الاول ...الاهرامات ولا حديقه الحيوان ولا الملاهى 

آسر : 

لا هنروح الاهرامات وبعدين نطلع على الملاهى 

نور ل آسر  : 

ممكن تخلى الملاهى بليل بتكون حلوة قوى وممتعه 

آسر بأبتسامه : 

حاضر 

السواق : 

مين بقا الانسه شكلها جديده معانا 

آسر : 

اهاا دى الانسه نور 

السواق : 

اسمها نور وهى نور فعلا ... وانتِ مصريه اصل بصراحه ملامحك أجنبيه شويه  ؟  

نور بأبتسامه : 

اهااا  مصريه 

السواق : 

ايه دا بجد دى مصر طلعت حلوة اهى 

نور وهى تنظر ل آسر : 

اهااا ... ما البشمهندس شكله وسيم ومصرى ليه مستغربتش (ثم ادركت ما قاله  واحمرت وجنتيها ) احم سورى 

السواق : 

ههههههههه  ايه دا دى اتكسفت  

آسر  للسواق  : 

خلاص بقا ي عم جمعه بلاش تكسفها اكتر من كدا و ركز ف الطريق  الله يكرمك 

عم جمعه : 

ماشى ي بشمهندس 

 نور ل آسر : 

سورى مكنتش اقصد اللى قولتله 

آسر بعدم  : 

قولتى ايه ؟ 

نور : 

انك وسيم وكدا 

آسر وهو ينظر لها : 

ليه هو انا مش وسيم ؟ 

نور بتوتر  : 

هاااا ؟ لا مش كدا بس ...... احم  ممكن نقفل على الوضوع دا 

آسر بأبتسامه : 

ماشى 





يتبع

                          
#shimaa Hussien
روايه : سجين حبك "لعنه حب " بقلم شيماء حسينحيث تعيش القصص. اكتشف الآن