ဓားတန်ခိုးရှင်၏ ဒဏ္ဍာရီ
စာစဉ် 2
Chapter 8 ( ဂျိနင်ဓား..)
၇ယောက်လုံးက ဂျိနင်ကို နေရာမျိုးစုံကနေ တစ်ပြိုင်တည်းတိုက်ခိုက်လိုက်ကြတယ်။
သူတို့ ၇ယောက်လုံးဟာ တစ်ယောက်နဲ့ ၇ယောက် တိုက်ခိုက်ရလိမ့်မယ်လို့ မထင်ထားခဲ့မိကြဘူး။ ဒါပေမဲ့ ဂျိကလန် အုပ်ချုပ်တဲ့ နယ်မြေထဲမှာ အရည်အချင်း အရှိဆုံး ပါရမီရှင် လူငယ်တွေပဲ။ သူတို့တွေဟာ ဂျိနင် ပြိုင်ပွဲကို နောက်ဆုံးနေရာ တန်းရောက်နေတာနဲ့ ပတ်သက်ပြီး မပျော်ရွှင်ကြပေမဲ့ အခုလိုမျိုး ၁ယောက်နဲ့ ၇ယောက် တိုက်ခိုက်ခိုင်းတဲ့အခါမှာ ဂျိနင်အတွက် နည်းနည်း သနားသွားတယ်။ ဒါပေမဲ့ သူတို့အကုန်လုံး ဂျိနင်ကို အစွမ်းကုန် ထုတ်သုံးပြီး တိုက်ခိုက်လိုက်ကြပါတယ်။
နင်ဟာ အရိပ် ၇ခုလုံး သူ့ဆီရောက်လာတဲ့အထိ မလှုပ်မရှား နေရာမှာပဲ ရပ်နေပါတယ်။ သူတို့တွေ ရောက်လာတဲ့အခါ သူ ရွေ့လျားလိုက်ပါတယ်။
လက်နက်မျိုးစုံက အရောင်တွေ သူရပ်နေတဲ့နေရာကို ဖြတ်သွားပါတယ်။ နင်ဟာ လေပြေညင်း တိုက်ခတ်လိုက်သလို ညင်ညင်သာသာ ရွေ့သွားပြီးတော့ ရှောင်တိမ်းသွားပါတယ်။ နင်ရဲ့ လှုပ်ရှားမှုတိုင်းဟာ အပိုအလိုမရှိ ထိန်းချုပ်နိုင်မှု၊ နေရာရွေ့လျားနိုင်မှု၊ မြန်ဆန်မှုတို့စာ အရမ်းကို တိကျလှပါတယ်။ လူငယ် ၇ယောက်လုံးရဲ့ ပူးပေါင်းတိုက်ခိုက်မှုတွေမှာ သူထိခိုက်မှုမရှိပဲ လွတ်မြောက်သွားပါတယ်။
"ဘာ..."
"သူ ရှောင်လိုက်နိုင်တယ်?"
"ဘယ်လိုလုပ်ပြီး ဖြစ်နိုင်မှာလည်း။?"
လူငယ်၇ယောက်လုံး မယုံကြည်နိုင်အောင် ဖြစ်ပြီး တစ်ချက်ရပ်တန့်သွားကြပါတယ်။ အခုအချိန်အထိ နင်ဟာ သူ့ရဲ့ လက်နက်ကို အသုံး မပြုသေးပါဘူး။ သူ့ရဲ့ ခြေကွက်ကို သာ အသုံးပြုပြီးတော့ တိုက်ခိုက်မှုတွေကနေ ရှောင်တိမ်းသွားတာပါ။ ဒီကြောက်မက်ဖွယ်ကောင်းတဲ့ ခြေသိုင်းအစွမ်းဟာ နင်ရဲ့ တည်ငြိမ်မှု ဘယ်လောက်ရှိလဲဆိုတာကို ပြသနေပါတယ်။ ၇ယောက်လုံးရဲ့ စုပေါင်းတိုက်ခိုက်မှုဟာ နင်ရဲ့ အင်္ကျ ီကိုတောင် ထိအောင် မစွမ်းဆောင်နိုင်ပါဘူး။
YOU ARE READING
ဓားတန်ခိုးရှင်၏ ဒဏ္ဍာရီ (စာစဉ် ၁မှ စာစဉ် ၆ ပထမတွဲအထိ)
Fantasyအကျဉ်းချုံး Xianxia world ( ဗုဒ္ဓ နှင့် တာအို ဝါဒကို အခြေခံထားတဲ့ သိုင်း ဝတ္ထု အမျိုးအစား) Desolate era လို့ခေါ်တဲ့ အဆုံးမဲ့ ပျက်စီးမှုတွေသာရှိတဲ့ အချိန်ကာလမှာ မျိုးနွယ်စုတွေဟာ အသက်ရှင်ဖို့အတွက် မိုးကောင်းကင် ၊ ကမ္ဘာမြေကြီး နဲ့ နတ်ဆိုးတွေကို တိုက်ခိ...
