ع البركه

part 19

(ان_شاء_الله_خير_💔)

رؤوف..، شنوو!؟

ريهام..، شن شنوو كيف ماسمعت(و طلعت سكرت الباب بالقوه)

رؤوف حط يديه على راسه و اتكه عالباب لين طاح..، شن درت في عمري اني شن درت!! ياربي مستحيل اكيد قاعد في حلم.. (ناض خبط راسه عالساس و بدا يعيط و يكسر)

رؤوف..،مستحيييل!! مستحيل هكي اندير لاااااا!!! (كسر لمرايا جرح يده و بعد يخش عليه خوه فراس)

فراس يجري..، رؤوف رؤوف خيرك

رؤوف قعمز ع الوطا بين السراير

فراس..، تي خيرك فهمني يا راجل و خيره يدك اتصب في الدم خلينا انعدوا للطواري

رؤوف يتنفس بقوه و عرق..، مش داعي

فراس..، تي شنو مافيش داعي يدك اتصب في الدم

رؤوف انفعل..، قلتلك مافيشش دااعي!!!

ناض فراس عدا جاب قطنه و لصقه و مطهر لفله يده بسيف

فراس..، تي غير فهمني شن صار معاك

رؤوف..، و دوي يلي صار اليوم*

فراس منصدم..، لا مستحيل .. مستحيل اديرها رؤوف

رؤوف عيونه يدمعن ساكت

فراس..، تي معقوله ماتذكرش حتى حاجه

رؤوف..، تي شن بنذكر اني كنت شارب يلعن الشيطان

فراس..، معقوله تشرب يا رؤوف وانت حتى ريحة الدخان ماطيقهاا

رؤوف واضح على وجها الندم..، المشكله اني انحب في بنت تانيه

فراس منصدم..، شنوو و من امتى و من هيا ومنين تعرفها

رؤوف..، و حكاله من هيا*

فراس..، قصدك يلي اتعاركت معاها اول يوم مشينا للدكان

رؤوف..، اي

فراس..، و كيف يصير

رؤوف سارح و نادم و وجهه عرق و حالته حاله..، الله أعلم"

..

*نراجعو الاحدآت كيف صار*

فريال و ريهام ناضن الصبح تحديداا ساعه 6 فريال روقبت على دار امها و بوها لقتهم راقدين و ريهام روقبت على دار رؤوف لقاته راقد و مافيش حد في الحوش من اولاد غير رؤوف .. اتفقن

فريال..، خلاص امشي و بابا وماما خليهم عليا اني

ريهام..، تم

خشت ريهام للدار و قعمزت عالوطا و حاولت اطلع دموع و اتبين روحه ان امعيطه لين طايح سعدها بعد بدت عاد اتعيط بصوت عالي بيش ينوض رؤوف..

****

..

خشت ريهام تضحك للدار سكرت الباب