ع البركه

part 11

(قراري_النهآئي)

كوتر..، خلآص ايوتهه خوشي ارقدي خوشيي

..

خفيتهآ نومم نص ساعهه نضت غسلت وجهي و صليت دعيت ربيي يسآمحنيي ع الكذبهه💔 بعد اميي نآدتني ع العشي ماعنديش نيه بكلل . كسدت ع النت و متردده انراسلهه و لا لا .. مش عارفه ف نهايه قلت...

عند رؤوف

خش للحوش ساعه 10 اتعشه و خش لداره.. فؤاد مهناكش و فراس طالع مع صاحبه.. خشش رؤوف كان تاعب مع فرحهه لا توصف بدل و انطرح ع السرير و كان كل مره ايبرق ف المسنجر بالك اتجي رسالهه.. مافيش

..

فريال..، هيا هيا فرصه يا بنت.. خوتي ماهناكش و امي راقده و بوي مهناكش امشي

ريهام..، تي شن فرصه ما فرصه ساد من الإهانات و قطع قلبي و الله فديت

فريال..، تي غير خليك واتقه مني هالمره

و نزلت ريهام متردده و خآيفهه

..

رؤوف يصفح ع الفيس.. يسمع دقق

رؤوف..، ههه ماشالله فراس باهي اتعلمت الاحترام خش خش ماتحشمش اني خوك

(و خشت ريهام كانت خايفه.. رؤوف اتغيرن ملامحه و طارتله)

رؤوف ناض. بكشخه ..، شنو

ريهام بحزن..، رؤوف عطيني فرصه تانيه

رؤوف بتأفف..، مش اني يلي بنعطيك الفرصه

ريهام بتدوي قاطعها رؤوف

رؤوف..، اسمعي ملآخير اني قتلكك انسيني لان الشي يلي درتيه من مستحيلات العالم ننساه تمام و ان انسامحك عليهن .. و تاني حاجه اني في قلبي بنت غيرك ف ياريت معاد اتعبي روحك تحاولي تصلحي الامور

"ريهام من اول ماسمعت ان ف قلبه بنت غيرهااا قلبها وقفف"

ريهآم بحزن..، يعني انت خلاص اتبريت مني طول نسيتني و مشيت حبيت بنت غيري

رؤوف..، كيف مادرتي انتي

"ريهام معااش عرفت شن ادير خبطت ع الباب و طلعت"

خشت لدار حامقه و اتستف ف دبشها

فريال..،خيرك ريهام شديري

ريهام..، سيبيني خلاص الحق فيا اني اصلا

فريال..، تي غير برقي فيا .. شن قالك

ريهام..، طلع يحب ف بنت غيري

فريال منصدمه..، شنووو

ريهام..، واني زي الخايبه مشيت لميت سنوني و جيت

فريال..، تي غير فهميني من الاول و اسمعي شن انتي اتضمي من بروح بيك ف هاليل

ريهام..، انبات ف الشارع